Hlynur - 15.08.1966, Blaðsíða 7

— Hefur þú smíðað fleiri skip en
þessi, sem hanga í kirkjunum?
— Já, ég hefi smíðað líkön af
tveim Akureyrarskipum, „Snæfelli"
og „Drang“ og eru þau nákvæmar
eftirlíkingar.
— Hvar færð þú efni í þessi skip?
— Þetta er tínt saman á ýmsum
stöðum, ólíklegum sem líklegum. T.
d. fékk ég sérlega heppileg efni úr
umbúðakössum utan af vélum, sem
komu hingað til Gefjunar og margt
það smærra hefi ég fengið hjá Skó-
gerð Iðunnar. „Gallionsfígúruna",
sem er á skipinu hérna í kirkjunni,
fann ég á „förnum vegi“ frammi í
Eyjafirði. Veit ég engin deili á því,
hvernig hún er þangað komin.
— Þú færð þá ekkert af þessu til-
búið annars staðar frá?
— Nei, þetta er allt smíðað í
höndunum, ef svo mætti segja, og
stærsta verkfærið, sem ég hefi notað,
er rennibekkurinn hérna í „ketil-
húsinu“.
— Ætlar þú að halda áfram að
smíða svona skip?
— Ja, það er óráðið. Að vísu hafa
ýmsir beðið mig að smíða fyrir sig
líkön af skipum sínum, en þetta út-
heimtir svo mikla vinnu og umstang
að ég veit varla, hvort ég legg í
fleiri.
—• Segðu mér svo að lokum. Er
þetta einhvers konar „tradition“ að
hengja svona skip upp í kirkjur?
— Ég veit varla hvort hægt er að
tala um „tradition“ í því sambandi,
a. m. k. ekki hér á landi. En í Dan-
mörku og jafnvel í Noregi líka er
þetta allútbreiddur siður, og eru þá
ýmsir siðir og venjur í því sam-
bandi, sem ég kann ekki full skil á.
Hér látum við Jóhannes talið falla,
og vona ég, að lesendur hafi af því
nokkra skemmtun, þó auðvitað verði
hún svipur hjá sjón miðað við að
skoða smíðisgripina sjálfa. Og það
skulu verða mínar síðustu óskir Jó-
hannesi til handa, að „bakterían“
verði honum enn um hríð svo þung
í skauti, að við fáum að sjá fleiri
og helzt miklu fleiri smíðisgripi sem
þessa frá hans hendi.
PH
Þrímastrað barkskip, Samson, í Akureyrarkirkju, 2.26 m. á lengd.
HLYNUR 7