Hlynur - 15.10.1966, Blaðsíða 6
Sextugur
HELGI ÞORSTEINSSON
fr amkvæmdast j óri
Hinn 6. október
síðastliðinn var sex-
tugur Helgi Þor-
steinsson, framkvsti.
innflutningsdeildar
Sambands íslenzkra
samvinnufélaga.
Helgi fæddist á
Seyðisfirði árið 1906,
sonur hjónanna Þor-
steins Ólafssonar,
bónda og síðar öku-
manns, og konu
hans Jónínu Arn-
grímsdóttur.
Á Seyðisfirði ólst
Helgi upp og var
þar allt til tvítugs,
er hann lagði leið
sína til Reykjavikur
og settist í Sam-
vinnuskólann. Þaðan lauk hann námi
árið 1928. Þegar að námi loknu hóf-
ust störf hans í þágu samvinnuhreyf-
ingarinnar, og henni hefur hann unn-
ið síðan, þótt á hann hafi hlaðizt
ýmisleg aukastörf.
Fyrstu ár sín hjá SÍS starfaði Helgi
á skrifstofu í Hamborg, síðan í Leith,
til ársins 1935, að hann kom heim og
gerðist fulltrúi Innflutningsdeildar
SÍS. Því starfi gegndi hann til 1940.
Árin 1940—1946 var Helgi fram-
kvæmdastjóri skrifstofu Sambandsins
í New York, og þá lá leiðin aftur
heim; í þetta sinn til að taka við
starfi framkvæmdastjóra við Inn-
flutningsdeild. Þessu starfi hefur
hann gegnt til dagsins í dag.
Af fjöldamörgum
aukastörfum, sem á
Helga Þorsteinsson
hafa hlaðizt, má
nefna þessi: sæti í
framkvæmdastjórn
SÍS frá 1949; annar
f ramkvæmdastj óri
Innkaupanefndar
ríkisins, (Iceland
Government Pur-
chasing Commis-
sion) 1942—1945; í
stjórn Sementsverk-
smiðju ríkiisins frá
1949; íormaður
stjórnar Olíufélags-
ins hf. síðan 1955;
sæti í samninga-
nefndum fyrir ríkis-
stjórnina fyrstu ár-
in eftir síðari heimsstyrjöldina.
Á herðum Helga Þorsteinssonar
hafa hvílt og hvíla mörg og vanda-
söm verkefni í þjónustu samvinnu-
hreyfingarinnar og þar af leiðandi
þjóðarinnar allrar. Að þeim hefur
hann gefið sig heill og óskiptur og af
mikilli alvöru. En handtak hans er
hlýtt og mikil birta í svipnum þegar
hann brosir.
Helgi Þorsteinsson kvæntist 1935
skozkri konu, Elizabeth Gregor. Hún
andaðist árið 1950. Síðari kona hans
er Þorbjörg Ólafsdóttir. Börn Helga
eru þrjú, tvö af fyrra hjónabandi og
eitt af hinu síðara. Auk þess hefur
hann gengið í föður stað dóttur frú
Þorbjargar. P.H.J.
6 HLYNUR