Hlynur - 15.06.1974, Blaðsíða 16
r
HLYNUR
hættir útkomu
Eins og frá hefur verið skýrt
bæði hér í blaðinu og í frétta-
bréfinu SAMBANDSFRÉTTUM,
hafa stjórn og aðalfundur Sam-
bandsins ákveðið verulegar
breytingar á blaðaútgáfu þess,
sem koma til framkvæmda frá
og með miöju árinu. Verður þá
hætt útgáfu bæði HLYNS og
SAMVINNUNNAR í því formi,
sem verið hefur s. 1. sjö ár, en
í staðinn hafin útgáfa á félags-
mannablaði, sem bera á heitið
SAMVINNAN og koma út tíu
sinnum á ári.
Af þessu leiðir, að þetta hefti
HLYNS er hið siðasta, sem gefið
verður út. Sömuleiðis er innan
skamms von á þriðja hefti þessa
árs af SAMVINNUNNI, sem
verður hið síðasta með þeim
hætti, sem verið hefur undan-
farin ár. Síðan er von á fyrsta
hefti hins nýja félagsmanna-
blaðs í september, en stefnt er
að því, að á þessu ári komi út af
því þrjú hefti. Eftir það er áætl-
að, að út komi tíu hefti árlega,
og verði hvert þeirra 28 blaðsíð-
ur í sama broti og verið hefur á
SAMVINNUNNI. Efni þess verð-
ur að verulegu leyti takmarkað
við málefni samvinnuhreyfing-
arinnar á íslandi, sem og er-
lendis, en jafnframt verður leit-
azt við að flytja almennt efni
við sem flestra hæfi.
Þetta nýj a félagsmannablað
mun í fyrstunni verða sent öll-
um eldri áskrifendum beggja
tímaritanna, HLYNS og SAM-
VINNUNNAR, en auk þess verð-
ur unnið að því að bæta við nýj-
um áskrifendum. Er ætlunin að
reyna að koma áskrifendahópn-
um upp í a. m. k. 10.000 manns,
einkum meðal félagsmanna
Sambandsfélaganna, svo að hið
nýja blað geti með þeim hætti
orðið öflugur tengiliður á milli
Sambandsins og kaupfélaganna
annars vegar og félagsmann-
anna hins vegar.
Það hefur undanfarin ár ver-
ið verkefni mitt að sjá um rit-
stjórn HLYNS, og er mér ljúft og
skylt að viðurkenna, að það hef-
ur verið ánægjulegt viðfangs.
Því starfi hafa fylgt margvisleg
ferðalög um landið og kynni af
fólki í hinum óskyldustu starfs-
greinum, og er það orðinn ótal-
inn fjöldi fólks, sem ég hef leit-
að til á liðnum árum, þegar ég
hef verið í efnisútvegun fyrir
blaðið. Á sama hátt og aðrir
þeir, sem við ritstörf fást, hef
ég oft á tíðum rennt heldur
blint í sjóinn um það, hvernig
lesendum félli í geð það efni,
sem blaðið hefur flutt, en á hinn
bóginn hefur það orðið mér til
örvunar, að ótal sinnum hef ég
orðið þess var, að einstakir þætt-
ir eða greinar úr því hafa orðið
til beins gagns eða a. m. k. fróð-
leiksauka fyrir einstaka lesend-
ur. Er það því von mín á þess-
um tímamótum, að blaðið, þótt
smátt hafi verið í sniðum, hafi
komið að nokkrum notum, og
öllum þeim, sem ég hef haft
samskipti við síðustu árin í sam-
bandi við útgáfuna, þakka ég
fyrir undantekningalaust á-
nægjuleg kynni.
E. S.
H L Y N U R
BlaS um samvinnumál
6. tbl. 22. árg.
júní 1974
Hlynur er gefinn út af Sambandi ísl. samvinnufélaga, Landssambandi ísl. samvinnustarfsmanna
og Félagi kaupfélagsstjóra. Ritstjórar eru Sigurður A. Magnússon (ábm.) og Eysteinn Sigurðsson.
Auk þeirra eru í ritnefnd Sigurður Jónsson og Gunnar Sveinsson. Ritstjórn og afgreiðsla eru hjá
Fræðsludeild Sambandsins, Ármúla 3, Reykjavík. Verð kr. 275.00 árgangurinn. Kemur út mán-
aðarlega. — Prentun: Prentsmiðjan Edda hf.
16 HLYNUR