Heimsmynd - 01.11.1987, Blaðsíða 20

STJÓRNMÁL
EFTIR HERDISI ÞORGEIRSDÓTTUR
Æ VINSÆLLI
Steingrímur
Hermannsson
utanríkisráðherra og
fyrrum forscetisráðherra er
vinsœlasti
stjórnmálaleiðtogi á
landinu. . . Nú eru uppi
vangaveltur um að
Steingrímur scekist eftir að
verða forseti Islands í
framtíðinni. . . Eða að
hann langi hugsanlega í
enn stœrra embcetti á
alþjóðavettvangi. . .
Þegar hann stóö í sundskýlunni sinni
og sagði erlendum fréttamönnum að
amma hans hefði trúað á álfa snerti hann
strengi í hjörtum margra miðaldra
kvenna. Þegar hann flutti sig um set og
skipti um kjördæmi, fór frá Vestfjörðum
til Reykjaness, voru margir efins um að
hann ynni mikinn sigur. Hann sigraði.
Þegar sjálfstæðismenn gengu framhjá
honum sem fyrrum forsætisráðherra í
upphafi stjórnarmyndunarviðræðna voru
ýmsir þeirrar skoðunar að Framsóknar-
flokkurinn færi ekki inn í viðreisnar-
mynstur, sem hann þó síðar gerði. Þegar
stjórnarmyndunarviðræður stóðu sem
hæst voru niðurstöður skoðanakönnunar
þær að Steingrímur Hermannsson væri
vinsælasti stjórnmálaforingi á landinu.
Hann er svo sannarlega dæmalaus,
drengurinn sem fæddist með silfurskeið í
munni og virtist fá pólitíska framtíð sína
á silfurfati með, formaður Framsóknar-
flokksins sem ungir framsóknarmenn
kölluðu sólkonunginn fyrir nokkrum ár-
um, svo einráður þótti þeim hann. Þrátt
fyrir baunahneyksli og bflamál er Stein-
grímur Hermannsson enn og aftur í
sviðsljósinu. Ekki bara sem utanríkisráð-
herra, heldur hugsanlega sem næsti for-
seti lýðveldisins, þótt það verði ekki fyrr
en 1992. Fáir fara í grafgötur um að nú-
verandi forseti frú Vigdís Finnbogadóttir
nýtur mikilla vinsælda meðal þjóðarinn-
ar og þykir hafa staðið sig mjög vel á al-
þjóðavettvangi. Þegar sá dagur hins veg-
ar kemur að hún lætur af embætti, spyrja
ýmsir hver verði arftaki hennar. Rauð-
hærði ráðherrann sem oft hefur verið
sagt um að léti allt flakka hefur nú öðlast
þann sess að vera kallaður statesman —
maður sem rís örlítið upp úr öldudal
stjórnmálanna, ekki eingöngu vegna
þess að hann er eldri en samráðherrar
hans — heldur vegna þess að hann hefur
náð einhverju sambandi við margt fólk í
landinu sem það skilur þótt aðrir stjórn-
málamenn geri það ekki.
Hver er ástæðan fyrir vinsældum
Steingríms Hermannssonar nú? Enginn
ráðherra er óumdeildur en hann virðist
minna umdeildur en aðrir. Er það vegna
þess að hann er kominn í utanríkisráðu-
neytið? Það ráðuneyti sem nýtur ákveð-
innar virðingar út á við en vegur ekki
endilega þungt á metunum í ríkisstjórn-
inni sjálfri. Er það af því að hann hefur
hagstæðan samanburð, þar sem Þor-
steinn Pálsson forsætisráðherra er undir
smásjánni af margvíslegum ástæðum og
Jón Baldvin Hannibalsson fjármálaráð-
herra er burtséð frá persónu sinni í um-
deildu embætti.
Iutanríkisráðuneytinu að morgni
dags segir eldri starfsmaður að-
spurður um Steingrím: „Hann er vin-
gjarnlegur maður. Hann ber þess merki
að vera alinn upp í heimi stjórnmálanna.
Hann er ekki uppveðraður af embætti
sínu.“
Sumir starfsmenn á fimmtu hæðinni
hvísla því að talað sé um Steingrím Her-
mannsson sem hugsanlegan forsetafram-
bjóðanda. Einn segir það með brosi
diplómatsins.
Hvað þýðir hinn nýi tónn hans í utan-
ríkismálum? Að hann hefur hug á að
hasla sér völl á alþjóðavettvangi? Langar
hann í toppstöðu hjá Sameinuðu þjóðun-
um þegar Peres de Cuellar lætur af emb-
ætti framkvæmdastjóra þar? Það vilja
fleiri vera málsvarar friðar á alþjóðavett-
vangi en Ólafur Ragnar Grímsson.
Hann verður sextugur á næsta ári og
virðist enn búa yfir miklu þreki, þótt
hann kvarti undan álaginu sem fylgi
stöðugum ferðalögum, „ég er búinn að
slá Páli Péturssyni við núna í þeim efn-
um,“ ráðstefnuhöldum og öllu því amstri
sem fylgir starfi hans. Hann er kominn á
fætur klukkan átta á morgnana, drekkur
eplasafann sinn, fer niður í ráðuneyti,
síðan á ríkisstjórnarfund, þar næst í heita
pottinn í laugunum, heim í hádeginu ef
hann getur, niður á þing, ef hann er ekki i
20 HEIMSMYND