Heimsmynd - 01.11.1987, Qupperneq 92

MYNDLIST
EFTIR HERDlSI ÞORGEIRSDÖTTUR
BERA NORDAL nýráðinn forstöðumaður Listasafns íslands . .,
LÍFIÐERALVARA
Hún er ekkert ósvipuð listaverki sjálf.
Þar sem hún situr undir einu slíku í
bókaherberginu á Holtinu. Hárið er
svartur massi tekið aftur með spöng,
augun dökkbrún og skarpleg, húðin hvít
og andlitsfallið ekkert ósvipað miðalda
madonnumynd. Klæðnaðurinn, dökk
glæsileg dragt, svartir sokkar og skór, er
hins vegar táknrænn fyrir unga konu í
ábyrgðarstöðu.
Bera Nordal, listfræðingur, hefur ver-
ið í sviðsljósinu eftir að hún var skipuð
forstöðumaður Listasafns íslands. Marg-
ar kynsystur hennar glöddust við þau tíð-
indi, eins og þegar konum almennt geng-
ur vel úti í þjóðfélaginu. Fannst mörgum
það ánægjuefni að kona skyldi skipuð í
þessa stöðu eftir lát dr. Selmu Jónsdótt-
ur sem stjórnað hafði Listasafninu um
árabil. Pær heyrðust líka óánægjuradd-
irnar yfir þessari skipan Beru í embættið,
þar sem alla vega tveir aðrir listfræðingar
sóttu um, þótt Bera hafi unnið við hlið
dr. Selmu í nokkur ár. „Petta er klíku-
skapur. Hún hefur fengið starfið af því
að hún er dóttir Jóhannesar Nordal,“
sögðu einhverjir. Aðrir bentu á að hún
væri vel að því komin, vel gefin og hæf
ung kona með æskilega menntun og
reynslu í þetta starf.
Sjálf er hún fámál um skipan sína í
stöðuna, glöð yfir þeirri vegtyllu en segir
það langt í frá hafa verið sjálfgefið að
hún fengi þetta embætti.
Bera Nordal er 33 ára gömul og
tveggja barna móðir. Hún varð stúdent
frá MR 1974 og nam listfræði við Há-
skólann í Lundi í Svíþjóð og síðar við
Courtauld Institute ofArt í London. Eig-
inmaður hennar, Sigurður Snævarr, var
þar samtímis við nám í hagfræði við
London School of Economics. Bera lauk
magistergráðu í listasögu 1979 en hefur
ekki enn lokið við doktorsritgerð sína,
sem hún segist þó byrjuð á.
Doktorsritgerðina sína segir hún eiga
að fjalla um lýsingar (illuminations) í 14.
aldar handritum. „Ég hef sérhæft mig í
miðaldalist og svo nútímalist. En kirkju-
list frá 11. öld til 16. aldar heillar mig.
Það er svo oft talað um þessar myrku
miðaldir en á þessum tíma áttu sér stað
margir stórkostlegir hlutir í listasögunni.
Það er þó mjög flókin hugmyndafræði
sem liggur í þessari kirkjulist og maður
þarf að vera vel að sér í trúarbragðasögu
og heimspeki til að öðlast innsæi í þessa
list sem var til dýrðar guði á kaþólskum
tímum, þar sem menningin blómstraði í
klaustrum og við hirðir.“ Hún gerir hlé á
máli sínu og skírskotar með brosandi
augnaráði til kvennahóps sem hefur
hreiðrað um sig í nærstöddum leðursóf-
um með kokteila í glösum. Þær tala um
hrukkur og þennan einkennilega fýlusvip
sem setji mark sitt á munnvikin þegar
aldurinn færist yfir. Það leiðir talið að
hugðarefninu konum og jafnréttismál-
um.
Af hverju er staða kvenna eins og
raun ber vitni? „Af hverju," segir hún,
„tala konur samankomnar í hóp sjaldn-
ast um stjórnmál og efnahagsmál. Af
hverju gera karlmenn, samankomnir í
hóp, það hins vegar. Ég held,“ svarar
hún sjálf, „að konur flýi ábyrgð. Reynd-
ar hafa rannsóknir frá Bandaríkjunum
sýnt að konur virðast staðnæmast á
ákveðnu stigi á sínum starfsferli áður en
toppnum er náð. Þær virðast komast upp
í stöður innan bankakerfisins, verða
deildarstjórar eða þá skrifstofustjórar í
fyrirtækjum, en ná ekki lengra. Það þyk-
ir sýnt að konur draga sig oft í hlé þegar
92 HEIMSMYND