Heimsmynd - 01.11.1987, Side 95

í nýjum húsaky nnum Listasafns íslands. „Ég vil að safnið verði virk stofnun og að fólk spyrji ekki hvar það sé til húsa heldur segi
það; óg var á Llstasafninu."
lenska myndlist."
Hún segist hafa gott samband við lista-
menn, bæði af yngri kynslóðinni sem
þeirri eldri. „Dr. Selma hafði mjög gott
samband við listamenn af sinni kynslóð
og það er mikilvægt fyrir forstöðumann
safns af þessu tagi.“
Hún segir unga myndlistarmenn á ís-
landi eiga erfitt uppdráttar. „Mörgum
þeirra gengur mjög erfiðlega að selja
verk sín því þeir sem safna myndlist þora
oft ekki að taka þá áhættu að kaupa verk
af ungu myndlistarfólki.“ Bros. „Það er
vegna þess að margir hafa ekki sannan
áhuga á myndlist. En myndlistarmenn
þurfa að lifa og margir fara því út í það
að vinna önnur störf. Myndlist verður
hins vegar ekki stunduð í hjáverkum,
henni þarf að sinna sem hverju öðru lífs-
starfi. Ríki og borg hafa að vísu úthlutað
listamannalaunum en það má alltaf gera
betur. Mín skoðun er sú að þeir sem eiga
peninga ættu að fara að líta til verka
yngri kynslóðar myndlistarmanna."
Hún málar ekki sjálf og hefur aldrei
gert. Önnur áhugamál? Hún brosir aft-
ur: „Fyrir utan starfið eru þau engin.
Það kemst fátt annað að hjá mér en
starfið og fjölskyldan." Ekki nema ef
vera skyldi myndlistin vítt og breytt og
þeir sem að henni standa. Listamenn?
„Þeir eru yndislegir. Listin er líka bráð-
nauðsynleg. Myndlist er jafnríkur þáttur
af menningu okkar og bókmenntir. Ég
gæti ekki hugsað mér lífið án mynd-
listar." Og þess vegna ekki án Lista-
safnsins? Aftur færist glampi yfir andlitið
þar sem hún situr enn á Holtinu undir
seríu af andlitsteikningum eftir meistara
Kjarval. „Mín von er sú að Listasafnið
verði virk stofnun. Að fólk spyiji ekki;
hvar er þetta Listasafn íslands, heldur
segir það; ég var á Listasafninu. Að-
gangur er ókeypis, þarna er gott bóka-
safn um myndlist auk listaverkanna
sjálfra og fólk getur sest niður og fengið
sér kaffi.“
Hún er ekki æviráðin heldur aðeins
ráðin til nokkurra ára í senn. „Það er
óvíst hvað ég verð þarna lengi. Á meðan
ég er þar vil ég gera eins vel og ég get.
Hætti ég störfum þar sný ég mér aftur að
doktorsritgerðinni minni og miðalda-
rannsóknum."
Hún sagði í upphafi samtalsins að lífið
væri alvarlegur hlutur, enginn dans á
rósum. „Ég hef aldrei lagt út í neitt upp-
full af væntingum. Mamma segir alltaf;
þú uppskerð eins og þú sáir. Og mamma
hefur ýmislegt til síns máls.“
HEIMSMYND 95