Heimsmynd - 01.07.1990, Blaðsíða 32
EUROPEAN
■r*
RIKASTA FOLK EVROPU
Nýja vikublaðið EUROPEAN, sem hóf göngu sína í vor-
byrjun, birti nýlega lista yfir ríkasta fólk Evrópu og er þá not-
aður annar mælikvarði en sá sem HEIMSMYND studdist við
í úttektinni hér á undan. Mælikvarðinn á ríkidæmi í Evrópu er
hinn veraldlegi auður sem þarf til að geta komist í hóp 20
mestu milljarðamæringa álfunnar. í þeim hópi eru engar kon-
ur sem hafa hafist upp á eigin verðleikum heldur eingöngu
konur sem hafa gifst auðugum mönnum eða erft mikinn auð
en ávaxtað pund sitt vel. A hinn bóginn hafa nokkrir ríkustu
manna Evrópu brotist áfram af eigin rammleik. Hin nýja kyn-
slóð kvenna sem er að hasla sér völl sem frumkvöðlar í fjöl-
miðlaheiminum á langt í land til að ná karlmanni eins og ítal-
anum Silvio Berlusconi, sem er einn af fjölmiðlaforkólfum álf-
unnar.
EUROPEAN bendir á að viðhorf séu að breytast. Dæmin
sýni að karlmönnum farist fjármálastjórn síst betur úr hendi
eins og dæmið um hinar auðugu Koplowitz systur á Spáni sýni
en þær erfðu mikinn auð við fráfall föður síns og afhentu eig-
inmönnum sínum fjármálastjórnina. Christina Onassis, millj-
ónaerfinginn sem lést fyrir tveimur árum, hafði hins vegar
tröllatrú á því að dóttir hennar Athina væri þess umkomin að
stjórna sínum fjármálum frá átján ára aldri og verður hún þá í
hópi ríkustu kvenna heims.
Listinn yfir ríkasta fólkið bendir einnig til þess að flest
stöndugustu fyrirtæki Evrópu séu fjölskyldufyrirtæki eða í
höndum erfingja en á árinu 1992 kann sú sýn að breytast þegar
fílefldir frumkvöðlar fá að breiða út vængina. Berlusconi, sem
ræður stærsta fjölmiðlaveldi Ítalíu, en ítölsk stjórnvöld hafa
reynt að stemma stigu við útþenslu þess með löggjöf, segist
munu nota árið 1992 til að færa út kvíarnar til Bretlands,
Frakklands og Þýskalands. Af þeim 157 milljarðamæringum
sem birtust á lista bandaríska tímaritsins FORTUNE eru 54
búsettir í Evrópu, 58 í Bandaríkjunum og afgangurinn í Asíu.
Þýskaland státar af flestum milljarðamæringum á þessum
skala. Flest af þessu forríka fólki á í erfiðleikum með að meta
eignir sínar til fjár en eins og olíuauðjöfurinn Nelson Bunker
Hunt í Texas segir, „er fólk sem veit hve mikils virði það er
sjaldnast mikils virði.“
1) 10,9 milljarðar dala
Breska drottningin
Elísabet Englandsdrottning sem
er 64 ára gömul er ríkasta kona
heims en hún hefur trónað yfir
breska heimsveldinu í nær fjóra ára-
tugi. Auður hennar skiptist niður á
eignir krúnunnar, þjóðararfinn sem
hún gætir, einkaeign, fjárfestingar
og eignir konungsfjölskyldunnar.
Auðurinn sem drottningin notar en
gæti aldrei selt er fólginn í skartgrip-
um krúnunnar, Windsorkastala,
hinni konunglegu snekkju og því
ekki lagður til grundvallar hér en
einkaauður hennar er meiri, skart-
gripir í einkaeign Elísabetar (25 kór-
ónur), veðhlaupahestar, listasafn,
landeignir, námuréttindi og eignir í
Frakklandi, Vestur-Þýskalandi,
Bandaríkjunum og London. Aðal-
heimili Elísabetar drottningar er
Buckinghamhöll í London en þar
heimsækja hana árlega um 30 þús-
und gestir.
i ---
2) 4,7 milljarðar dala
Beatrix Hollandsdrottning
Auður hollensku konungsfjölskyldunnar hefur margfaldast frá því að Vil-
hjálmur hinn þögli var myrtur 1584 en erfingjarnir hans tólf fengu aðeins tíu gyll-
ini til skiptanna. Hagkvæmur ráðahagur með hjónabandi milli konungsætta 1816
tryggði hollensku konungsfjölskyldunni heimanmund Romanovanna, skartgripi,
þrjú sett af borðbúnaði úr gulli og einn milljarð gyllina. Beatrix drottning sem er
52 ára þykir einn óformlegasti þjóðhöfðingi Evrópu. Hún er frammynt með ep-
lakinnar og klæddist rúllukragapeysu þegar formleg ljósmynd var tekin af henni í
tilefni krýningarinnar. Þá er drottning dugleg að ferðast á reiðhjóli um heima-
slóðir sínar. Hún á ótrúlegt listasafn, skartgripi og hlutabréf og flestar tekjur
hennar eru skattfrjálsar. Hún er „hin konunglega" í hinu konunglega hollenska
Shell fyrirtæki og KLM, konunglega hollenska flugfélaginu. Önnur fyrirtæki sem
drottningin á í eru ABM bankinn, Anaconda og Exxon auk fleiri fyrirtækja.
Kjörorð Óraníuættarinnarunnar er: „Je maintiendrai“ og sjálf skilgreindi hún
starf sitt eitt sinn og sagði: „Konungdæmið er eitthvað fyrir mér sem á að mark-
aðssetja rétt eins og appelsínur.“ Þegar hún var 43 ára gömul gekk hún að eiga
hrokafullan, lágtsettan þýskan sendifulltrúa, Claus von Asmberg en hann var í
Hitlersæskunni og í þýska hernum á dögum Þriðja ríkisins en við brúðkaupið
kom til mótmæla og köstuðu menn reykbombum þegar hjónavígslan stóð yfir.
32 HEIMSMYND