Heimsmynd - 01.07.1990, Blaðsíða 33
5) 1,6 milljarðar dala
8) 840 milljónir dala
3) 3,52 milljarðar dala
Johanna Quandt
„Frau BMW“ er 67 ára gömul og
ekur daglega frá fimmtíu herbergja
glæsivillu sinni í heilsulindabænum
Bad Homburg til skrifstofu sinnar í
Wiesbaden. Að sjálfsögðu ferðast
frúin í BMW en hún ræður yfir 66
prósent hlutafjár fyrirtækisins. Fjöl-
skyldan á hlut í rúmlega hundrað
öðrum fyrirtækjum. Hún giftist Her-
bert Quandt sem hafði erft svo að
segja verðlausar eignir í formi hluta-
bréfa, þar á meðal stóran hlut í Da-
imler Benz, framleiðanda Mercedes
bflanna og lítinn hluta BMW sem
átti mjög erfitt fjárhagslega en Her-
bert átti hugmyndina að bifreið af
millistærð og þurfti aldrei að horfa
um öxl eftir það. Þegar hann dó tók
þriðja eiginkona hans, Johanna, við
stjórn BMW.
4) 2,01 milljarðar dala
Grete Schickedanz
Hún er eigandi Quelle, sem er
stærsta verðlistafyrirtæki Evrópu.
Grete var aðeins sextán ára gömul
þegar hún hóf störf sem lærlingur í
vefnaðarvörufyrirtæki og giftist eig-
anda þess árið 1942. Þegar eigin-
manni hennar Gustav var meinað að
halda áfram í viðskiptum í stríðslok
þar sem hann hafði verið í flokki
nasista, opnaði Grete litla verslun í
Hersbruck nálægt Nuremberg þar
sem hún seldi vörur í póstkröfu úr
litlu bakherbergi. Undir leiðsögn
Gustavs blómstraði Quelle sem
bauð upp á margvíslegan varning,
allt frá fatnaði til garðáhalda. Eftir
dauða Gustavs 1977 jók Grete enn
umsvif fyrirtækisins og í eigu Quelle
nú eru þrjátíu stórverslanir, 150 raf-
tækjabúðir og keðja ferðaskrifstofa.
Hluti fyrirtækisins er bankastarfsemi
og kaupleiga. Grete er nú komin á
sjötugsaldur og tíður gestur á sýn-
ingum hátískuhúsanna í París.
Liliane Bettencourt
Hún er ríkasta kona Frakklands.
Faðir hennar, Eugene Schuller, var
efnafræðingur og bjó til efnafræði-
lega formúlu fyrir hárlit í eldhús-
vaskinum hjá sér árið 1907. Hann
kynnti afurðina á helstu hárgreiðslu-
stofum Parísarborgar og fór á milli á
þríhjóli. Fyrirtæki Schullers, L'Or-
eal, óx og dafnaði og er nú stærsta
snyrtivörufyrirtæki heims. Liliane
skipti á 22 prósentum í L’Oreal fyrir
3 prósent í Nestlé árið 1974. Liliane
er nú hálfsjötug og heldur eftir um
28 prósentum í L’Oreal. Hún býr
með eiginmanni sínum André Bett-
encourt í Neuilly í París. „Það er
pirrandi að vera rík,“ sagði hún eitt
sinn. „Af hverju þarf ég að afsaka
það að eiga nóg af peningum?"
Athina Onassis-Roussel
Þessi fimm ára hnáta er ríkasta
barn í heimi. Móðir hennar Christ-
ina Onassis varð ófrísk eftir fjórða
eiginmann sinn, erfingja lyfjafyrir-
tækja í Frakklandi, Thierry Roussel,
þegar hún var 34 ára gömul en
hjónabandið flosnaði upp áður en
Athina litla fæddist. Athina, sem nú
býr ásamt föður sínum og sænskri
eiginkonu hans og tveimur hálf-
systkinum, tekur við stjórn auðæf-
anna þegar hún nær átján ára aldri.
Þá bíða hennar eignir í skipaflota,
listasafn og eignir í formi verðbréfa.
í ljósi þessa er Athina í hættu fyrir
mannræningjum og býr því við aðrar
aðstæður en flest börn.
6) 1,26 milljarðar dala
Alicia og Esther Koplowitz
Þessar spönsku systur, Alicia 37 ára og Esther 39 ára, erfðu 168 milljóna dala
fasteignafyrirtæki, Contratas Y Construcciones (ConyCon), þegar faðir þeirra
dó í slysi 1966. Þær létu eiginmenn sína um stjórnun fyrirtækisins til að geta sinnt
barnauppeldi en ráku þá báða jafnharðan úr stjórn og tóku þar sæti sjálfar þegar
þær uppgötvuðu að þeir héldu framhjá þeim.
7) 1,05 milljarðar dala
Madeleine Dassault
Franski þingmaðurinn og kaup-
sýslumaðurinn Marcel Dassault var
ekki aðeins örlátur á ást til eigin-
konu sinnar heldur einnig auðæfi í
67 ára hjónabandi þeirra. Faðir Ma-
delaine, sem nú er 89 ára, var hús-
gagnasmiður. Henni var einu sinni
rænt og sleppt gegn lausnargjaldi.
Marcel var flugvélaverkfræðingur og
fyrirtæki hans, Avions Marcel Das-
sault-Breguet Aviation, var leiðandi
í framleiðslu herflugvéla í heiminum
þegar hann lést árið 1986.
Janni Spies-Kjaer
Hún var sextán ára lyftuvörður
þegar Simon Spies fékk augastað á
henni. Hann var þá 57 ára gamall,
eigandi Tjæreborg ferðaskrifstof-
anna og flugfélags þeirra ConAir.
Janni varð fjórða eiginkona hans
þegar hún var tvítug og tæpu ári síð-
ar dó hann og skildi hana eftir með
fyrirtæki sem velti 162 milljónum
dala. Árið 1988 giftist Janni Christi-
an Kjaer, erfingja danska fjölþjóða-
fyrirtækisins, F L Smith, sem fram-
leiðir steypu.
-
HEIMSMYND 33