Heimsmynd - 01.07.1990, Blaðsíða 37

JOHN F. KENNEDY
MEL GIBSON
OH
Hann fetar í fótspor föður síns
drengurinn sá arna og ef eitthvað er
virðist hann njóta enn meiri kven-
hylli því ítrekað er hann tilnefndur
sem þokkafyllsti karlmaður samtím-
ans. Þótt hann hafi fallið hvað eftir
annað þegar hann hefur reynt að fá
lögmannsréttindi þá finnst mörgum
hann eiga bjarta framtíð í pólitík út
á nafnið og ekki síður útlitið. Hann
er 29 ára gamall og í sambandi við
leikkonu að nafni Christina Haag.
Einhver sagði um hann: „Hvílíkur
fengur. Hvílíkt andlit. Frábær vöxt-
ur. Frábær tengdamamma!“
Útitekinn og heillandi fimm barna
faðir sem reykir og drekkur eins og
hann hafi aldrei komið til Holly-
wood. Mel Gibson er ástralskur, 34
ára og einn vinsælasti kvikmynda-
leikari í heiminum nú. Hann er
kvæntur Robyn Moore sem er
sjúkraliði og móðir barnanna fimm.
Sigourney Weaver sem lék á móti
honum í The Year of Living Danger-
ously sagði að hann væri „æðisleg-
asti karlmaður" sem hún hefði
nokkru sinni hitt.
Hann lék í kvikmynd Bertoluccis,
Síðasti keisarinn, og þykir dularfull-
ur og aðlaðandi. Hann ólst upp á
munaðarleysingjahæli í Hong Kong.
Hann er 38 ára og veitir engar upp-
lýsingar um eigin hagi. Hann sagði
PEOPLE blaðinu að hann væri
þakklátur ef einhverjum fyndist
hann fallegur en líkamleg fegurð
hefði að gera með hlutföll og jafn-
vægi, því vekti hún forvitni og
spennu en raunveruleg fegurð væri
hið góða sem byggi innra með fólki
og birtist í samskiptum án orða.
*
FERNANDO COLLOR DE
MELLO
Pessi nýi forseti Brasilíu nýtur
hylli Bandaríkjamanna og liggja
þrjár meginástæður að baki: Hann
er ekki vinstri maður. Hann hefur
áhuga á íþróttum og hann er fjall-
myndarlegur. Hvernig honum geng-
ur svo í forsetaembættinu er önnur
saga. De Mello er fertugur og tví-
kvæntur og á tvö börn. Bush Banda-
ríkjaforseti hefur líkt honum við
Indiana Jones en landar hans láta
nægja að segja að það brenni eldur í
augum hans.
I ' ......- ■ .........—...
AUDREY HEPBURN
Hin fullkomna ímynd glæsileikans. Þcssi fyrrum dáða stjarna hvíta tjaldsins er
fædd í Belgíu og hefur lagt kvikmyndaleik á hilluna. Nú flýgur hún um heiminn
sem fulltrúi Barnahjálpar Sameinuðu þjóðanna, en þessi mynd af henni var tekin
í Eþíópíu. Hún er sextug og tískuhönnuðurinn Givenchy segir að hún sé óaðfinn-
anleg í einu og öllu.