Heimsmynd - 01.09.1990, Blaðsíða 17

Sjálfstæðisflokknum verður stillt upp við vegg og þetta blöff
hans afhjúpað fyrir næstu kosningar, sýnt fram á ábyrgðar- og
alvöruleysi hans og að kosningasigur hans muni stofna í hættu
því jafnvægi í efnahagsmálum sem nú hafi náðst. Og hann
kallar til vitnis Jónas Haralz, fyrrum formann efnahagsnefndar
Sjálfstæðisflokksins, sem í heimsókn hér nýlega hafi látið svo
um mælt við sig, „að það sé í fyrsta skipti á sínum ferli að
hann sjái eðlisbreytingu í efnahagslífi og íslenskri hagstjórn og
að traust efnahagsástand sé að skapast í landinu". Og nýlega
hafi hann - Ólafur Ragnar - farið til London til undirritunar
vegna 100 milljóna dollara lántöku íslenska ríkisins, sem aflað
hafi verið með almennu útboði, sem gengið hafi óvenju fljótt
og vel fyrir sig, svo að ensku bankastjórarnir höfðu sérstak-
lega orð á því. Þegar þeir voru spurðir hverja þeir teldu orsök-
ina til þess að íslenskt útboð fengi svo góðar vtðtökur nefndu
þeir tvennt: Alkunnugt væri að Islendingar stæðu alltaf í skil-
um - og að stjórnvöld á Islandi væru þau einu í Evrópu nú
sem þyrðu að hækka skattana.
að fer sem sagt vart á milli mála að formað-
ur Alþýðubandalagsins og fjármálaráðherra
telur það sér og flokki sínum helst til gildis
að hann sé nú að framkvæma afdráttar- og
undanbragðalaust það sem Sjálfstæðisflokk-
urinn samkvæmt stefnu sinni hefði átt að
gera - en ekki gert eða þorað að gera.
„Alþýðubandalagið hefur verið að breyt-
ast. Menn mega ekki gleyma því að Alþýðu-
bandalagið er upphaflega byggt upp sem
andstöðuhreyfing, flokkur sem stefnt er
gegn ríkjandi skipulagi. En á síðustu tuttugu
árum hefur Alþýðubandalagið verið lengur í
ríkisstjórn en Sjálfstæðisflokkurinn og helm-
ingi lengur en Alþýðuflokkurinn. Flokknum
hefur tekist furðanlega vel að aðlaga sig breyttu hlutverki
sínu. Tökum til dæmis afstöðuna í stóriðjumálum. Afstaða
flokksins var lengi vel sú að gera að ófrávíkjanlegu skilyrði að
íslendingar ættu meirihlutaeign í stóriðjufyrirtækjum, auk þess
sem hluti flokksmanna var á móti allri stóriðju. Hann hefur
horfið frá slíkum skilyrðum.
Alþýðubandalagið hefur líka tileinkað sér miklu raunsærri
hugmyndir um aðlögun að Efnahagsbandalaginu en forysta
Sjálfstæðisflokksins. Við höfum ekki falið ágreining í okkar
röðum um þessi mál. Afstaða Hjörleifs Guttormssonar er öll-
um kunn. Hann á fullan rétt til sinna skoðana. En það breytir
ekki því að flokkurinn hefur breytt sinni afstöðu.
í deilunni við BHMR var meirihluti í stofnunum flokksins
fyrir því að setja bráðabirgðalög. Þar var skilningur á því að
efnahagsávinningnum mátti ekki fórna í nýju launakapp-
hlaupi. Þessi dæmi sýna að flokkurinn er að breytast. Veruleg-
ur hluti hans hefur tekið þátt í umræðunni um nýjan flokk
jafnaðarmanna. Eg held hins vegar og hef ekki farið dult með
þá skoðun mína að þróunin í þeim málum hafi ekki verið
komin nógu langt fyrir síðustu borgarstjórnarkosningar til að
mynda sameiginlega Nýjan vettvang. Eg varaði mína samherja
við því og taldi að þeir væru of bráðlátir. Niðurstaðan er líka
sú að nú er kominn afturkippur í þessa þróun. Innganga Ólínu
Þorvarðardóttur í Alþýðuflokkinn er alvarlegt móralskt skip-
brot. Því miður hafa pólitískir samstarfsmenn mínir haft meiri
áhuga á minniháttar tækifærum til myndbirtinga í Pressunni og
Alþýðublaðinu en raunverulega að þoka málum áleiðis. Eins
og þessi mál koma mér fyrir sjónir hefur Jón Baldvin fremur
kosið að taka hlutverk Gylfa (Þ. Gíslasonar 1956, þegar Al-
þýðuflokkurinn klofnaði en Hannibal myndaði Alþýðubanda-
lagið með Sósíalistaflokknum) en Hannibals Valdimarssonar.
Alþýðuflokkurinn verður aldrei hin stóra hreyfing jafnaðar-
manna. Sú hreyfing verður ekki til með því að Amundi skipu-
leggi myndbirtingar í Pressunni af inngöngu nýrra félaga í Al-
þýðuflokkinn heldur með markvissu pólitísku starfi og sam-
starfi. Drifkrafturinn í því getur aðeins komið frá Alþýðu-
bandalaginu og upp úr þeirri miklu gerjun sem þar á sér stað.“
Vissulega hafa orðið breytingar á Alþýðubandalaginu á síð-
asta áratug. Og vissulega hafa orðið breytingar á pólitískum
málflutningi Ólafs Ragnars frá því hann fór inn á þing undir
kjörorðinu „Samningana í gildi“. Spurningin er hvort flokkur
og formaður hafi þróast í sömu átt og eigi ennþá samleið?D
FYRIR KARLMENNI
ACTIVE BODIES
ACTIVE BODIES ER NÝ HERRALÍNA FYRIR ÞÁ ATHAFNASÖMU.
FÁANLEGT SEM EAU DE TOILETTE, AFTER SHAVE, DEO STICK,
SHOWERGEL, OG COOLING BODY LOTION. ACTIVE BODIES.