Heimsmynd - 01.09.1990, Blaðsíða 90
Þórðarson (f. 1959), veitingamaður í
Gauki á Stöng, í sambúð með Anne
Katrine Hame, Einar Sveinn Þórðarson
(f. 1961), ballettdansari í Þýskalandi, í
sambúð með Önnu Pálmadóttur, og
Þórður Jón Þórðarson (f. 1963) skóg-
ræktarfræðingur.
b. Ellen EUsabet Úlfarsdóttir (f. 1942)
innanhúsarkitekt í Miami á Florida, gift
Marc Klinger lögfræðingi, forstjóra í
fataiðnaði. Synir þeirra eru Benjamín
Þórður Klinger (f. 1964) laganemi,
kvæntur Marian Tate og Úlfar Markús
Klinger (f. 1970).
c. Unnur Úlfarsdóttir (f. 1948) frétta-
maður hjá Ríkissjónvarpinu. Maður
hennar er Gunnar Gunnarsson stjórn-
málafræðingur, lektor við Háskóla ís-
lands og ráðgjafi utanríkisráðherra í af-
vopnunarmálum. Eldri dóttir þeirra er
Ellen Gunnarsdóttir (f. 1967), nemur
sagnfræði í Bandaríkjunum.
d. Sveinn Egill Úlfarsson (f. 1950)
rekstrarhagfræðingur frá Berlín. Hann
rekur nú veitingastaðina Arnarhól og
Óperukjallarann. Kona hans er Sigríður
Jónsdóttir fjölmiðlunarfræðingur.
STÆRÐFRÆÐIPRÓFESSOR í
KANADA
3. Sveinn Þórðarson (f. 1913) er þriðji í
röðinni. Hann lauk doktorsprófi frá Há-
skólanum í Jena í Þýskalandi árið 1939.
Hann var kennari við Menntaskólann á
Akureyri 1939 til 1952 og síðan skóla-
meistari Menntaskólans að Laugarvatni
1953 til 1958. Sveinn var síðan kennari
við ýmsa háskóla í Kanada, síðast próf-
essor við verkfræðideild háskólans í Ed-
monton. Hann var liðtækur skíðamaður
og sat bæði í Skíðaráði Akureyrar og í
stjórn Skíðasambands Islands. Hann var
um skeið ritstjóri Náttúrufræðingsins.
Kona hans er Þórunn Jónassen Hafstein
(sjá HEIMSMYND 7. tbl. 1989). Börn
þeirra eru Prjú:
a. Marínó Hafstein Sveinsson (f. 1941)
bankamaður í Reykjavík, kvæntur Svan-
hildi Alexandersdóttur.
b. Þórður Sveinsson (f. 1945) verk-
stjóri í Kanada.
c. Ellen Nína Sveinsdóttir (f. 1949), gift
Erni Ingólfssyni, sölumanni í Kanada.
EINA SYSTIRIN
4. Nína Thyra Þórðardóttir (f. 1915)
tannsmiður í Reykjavík er eina systirin
frá Kleppi. Fyrri maður hennar var
Daníel Sumarliðason eftirlitsmaður er
lést 1950. Þau voru barnlaus. Seinni
maður Nínu var dr. Trausti Einarsson,
stjörnufræðingur frá háskólanum í Gött-
ingen í Pýskalandi árið 1934. Hann var
menntaskólakennari á Akureyri en frá
1945 til 1977 prófessor í aflfræði og eðlis-
fræði við Háskóla íslands. Hann hefur
unnið að rannsóknum á jarðmyndunum
íslands og haldið fyrirlestra víða um
heim. Eftir hann liggja fjölmörg rit. Þau
Nína eignuðust eina dóttur:
a. Kristín Halla Traustadóttir (f. 1951)
líffræðingur, gift Jóni Ingimarssyni bygg-
ingaverkfræðingi í straumfræðistöð
Orkustofnunar.
RITHÖFUNDURINN
5. Agnar Jóhannes Þórðarson (f.1917)
rithöfundur og bókavörður í Reykjavík.
Hann lauk cand.mag-prófi í íslenskum
fræðum við Háskóla Islands árið 1945 en
stundaði síðan framhaldsnám í bók-
menntum og leiklist í Oxford, París og
Nice og síðar við Yaleháskóla í Banda-
ríkjunum. Á námsárum starfaði hann við
bresku fréttastofuna í Reykjavík og um
skeið við BBC í London. Hann var
bókavörður við Landsbókasafnið frá
1951. Agnar haslaði sér völl sem rithöf-
undur með skáldsögunni Haninn galar
tvisvar árið 1949 og Ef sverð þitt er stutt
árið 1953 og deildi þar hart á lífið í hinni
nýríku Reykjavík enda róttækur ungur
maður. Síðan sneri hann sér einkum að
leikritagerð og samdi flokk af útvarps-
leikritum um sama efni. Framhaldsleik-
ritið Víxlar með afföllum var flutt í út-
varp árið 1958 og fylgdist alþjóð spennt
með, ekki síst ungum manni í leikritinu
sem talaði þeirra tíma reykvísku og sló í
gegn. Hann hét Flosi Ólafsson. Ekki
varð sakamálaleikritið Ekið fyrir stapann
árið 1960 síður vinsælt. Þetta var á þeim
árum, fyrir daga sjónvarpsins, sem þjóð-
in sat límd fyrir framan útvarpið ef
skemmtilegt efni var á boðstólum. Mörg
leikrita hans voru líka flutt í leikhúsun-
um og naut gamanleikurinn Kjarnorka
og kvenhylli, sem sýndur var í Iðnó 1955,
langmestrar hylli. Hann var ádeila á líf
hinna nýríku í Reykjavík. Þó að Agnar
hafi samið fjölda leikrita, þar á meðal
tvö sjónvarpsleikrit, síðastliðin 30 ár og
sé með afkastamestu rithöfundum þjóð-
arinnar hefur stjarna hans ekki skinið
jafnskært og á blómaskeiði hans á árun-
um 1950 til 1960. Agnar sver sig í ættina,
er snöggur upp á lagið og beinskeyttur.
Kona hans er Hildigunnur Hjálmars-
dóttir, innheimtustjóri hjá Ríkisspítölun-
um. Börn þeirra:
a. Uggi Þórður Agnarsson (f. 1949)
læknir í Reykjavík, kvæntur Margréti
Guðnadóttur.
b. tílfur Agnarsson (f. 1952) læknir,
kvæntur Ástu Gunnlaugu Briem.
c. Sveinn Agnarsson (f. 1958) hagfræð-
ingur í Reykjavík.
FRAMÚRSTEFNULEGUR LÖG-
FRÆÐINGUR
6. Gunnlaugur Einar Þórðarson (f.
1919) hæstaréttarlögmaður í Reykjavík
er næstyngstur Kleppssystkinanna. Hann
lauk lagaprófi við Háskóla íslands árið
1945 og var forsetaritari Sveins Björns-
sonar 1945 til 1951. Gunnlaugur lauk
doktorsprófi í lögfræði frá Sorbonnehá-
skóla í París árið 1952 og var doktorsrit-
• Njóttu lífsins sem nýr maður með Apollo
hár. Hárið er hluti af sjálfum þér í leik og
starfi allan sólarhringinn, í sturtunni og í
sundi.
• Allar upplýsingar í fulium trúnaði og án allra
skuldbindinga.
• Sendum myndbæklinga, ef óskað er.
Jk
RAKARA- 0G HÁRGREIÐSLUSTOFAN
greifihhh
w
HRINGBRAUT 119 ® 22077