Heimsmynd - 01.10.1990, Blaðsíða 34
FEGURÐ: Augu í brennidepli
Dökkir augnskuggar og svartir augnblýantar setja sterkan svip á tískuna í augn-
förðun í vetur. Náttúrulegir litir, eins og brúnn, mosagrœnn og grár verða ráðandi
í dagförðun. Augnblýantar í formi filtpenna eru ein helsta nýjungin.
AUGUN hafa lengi verið álitin spegill sálarinnar. Allt útlit
er nú fyrir að tískukóngar hyggist gera veg augnanna sem
mestan á ný. Þegar helstu tískuhúsin kynntu haust- og vetrar-
tískuna fyrir veturinn 1990 til 1991 báru sýningarstúlkur þeirra
mikinn og dökkan augnfarða. Svartur augnblýantur var gjarn-
an notaður til að móta línu kringum augun en augnlokin síðan
dregin enn meira fram með dökkum reyklitum augnskugga.
Þá er áhersla jafnframt lögð á að gera augnhárin sem lengst og
þykkust en til þess er notaður þykkur maskari, til dæmis
vatnsheldur maskari frá Guerlain, sem borinn er á nokkrum
sinnum áður en endanlegri áferð er náð. Til eru þeir tísku-
hönnuðir sem gengið hafa svo langt að láta sýningarstúlkur
sínar nota gerviaugnhár til að skapa hið eftirsótta seiðandi
augnaráð sem Brigitte Bardot og Elísabet Taylor gerðu
ógleymanlegt fyrir rúmum þrjátíu árum. Ekki má þó gleyma
Kleópötru sem ríki yfir Egyptalandi til forna í nafni sonar síns
Ptolemyusar VI en augu hennar hafa vakið aðdáun í aldarað-
ir.
Augnfarðinn minnir óneitanlega á tísku sjöunda áratugarins
enda benda tískuhönnuðir sjálfir á að þeir sterku litir og áber-
andi munstur sem nú eru að skjóta upp kollinum krefjist þess
að andlitsfarðinn sé ámóta afgerandi og fatnaðurinn. Það var
hin þýska Claudia Schiffer sem endurvakti Bardot útlitið fyrir
alvöru þegar hún sló í gegn í gallabuxnaauglýsingum frá Gu-
ess. Tískuhönnuðir höfðu verið að reyna að afla þessum
ákveðna förðunarstíl vinsælda síðustu
fimm árin en án árangurs. Margir hafa
orðið til að dásama sérstæðan stíl
Schiffer. Guy Lento, förðunarmeistari
Chanel, er einn þeirra. Að hans mati
er það dökk eða nánast svört augn-
förðun Schiffer sem er leyndardómur-
inn að baki velgengni hennar í tísku-
heiminum.
Að kvöldlagi eru konur nú farnar
að nota dökkan dramatískan augn-
farða en fáar voga sér að bera svo
sterkan augnfarða hversdags. Þegar
að dagfarða kemur verður náttúrulegt
útlit ráðandi. Þó er farðinn notaður til
að skerpa línur og búa til skugga en á
helst ekki að vera sýnilegur. Þó ýmsir
jarðlitir séu ráðandi í vetur svo sem
mosagrænt, reykbrúnt, gylltir tónar og
rauðbrúnir litir má þó segja að engin
ein stefna sé ráðandi. Flesta liti má sjá
í haust- og vetrarlínum snyrtivörufyr-
irtækjanna. Haustlitirnir frá Dior eru
annars vegar drapplitur, dökkbrúnn,
grár, reyklilla og mosagrænn og hins
vegar brúndrappaður, brúnn, flösku-
grænn, dökkfjólublár og bleiklilla.
Lancome hefur einnig kynnt sína
haustliti en þeir eru drapplitur, blá-
grár, grár, ljósgrár, mosagrænn, grá-
brúnn og ljósbleikur.
Augnblýantar verða mjög áberandi
í vetur, bæði í dag- og kvöldsnyrtingu.
Helsta nýjungin á þessu sviði eru
filtpennar en þeim svipar mjög til túss-
lita og er farðinn þá borinn á í blautu
formi. Endi filtpennans er oddhvass
og því hægt að nota hann til að draga
línur um augun. Heiðar Jónsson snyrtir mælir
með því að augnblýantar séu notaðir til að
draga svonefnda glópuslínu, en það er lína sem
er dregin eftir augnhvilftinni og er gjarnan látin
mæta þeim farða sem borin er á augnlokin í
augnkrókunum. Með þessu móti má gefa augum
unglegra útlit en hentar þó ekki öllum konum
jafnvel að sögn Heiðars. Hægt er að fá slíka
filtpenna frá Guerlain í svörtu, brúnu og bláu. Þá
má bleyta alla augnskugga í haustlínunni frá
Chanel og bera þá á augun með pensli í stað
augnblýants.
Þótt tískukóngar leggi ákveðnar línur
varðandi augnförðun má segja að
aukinn sveigjanleiki tískunnar
krefjist þess að hver kona
finni sér þá liti og það
form sem best hentar
augum hennar og
andlitsfalli.D
34 HEIMSMYND