Heimsmynd - 01.10.1990, Blaðsíða 44

Glæsilegt úrval af úrum,
klukkum og loftvogum,
ennfremur gull og
silfurvörum. Önnumst
viðgerðir á allskonar
klukkum og úrum.
Sérsmfðum gler á allar
tegundir úra.
Póstsendum.
8:13014
Draumafrœðingurinn Kristján
Frímann er hér í öðrum pistli
sínum með draum frá konu einni
og er draumurinn hlaðinn
trúartáknum sem þó gefa annað
í Ijós en í fyrstu virðist. Þeim
lesendum sem forvitni leikur á að
ráða í drauma sína er velkomið
að senda Draumalandinu línu.
DRAUMALANDIÐ
Þar sem við í landi drauma getum gert hvað sem er, verið
hvað sem er og breytt vatni í vín, er trúin tekin og notuð á
margan hátt og ekki alltaf trúverðugan. Guð er oftlega færð-
ur á lágan stall og Kristur notaður til friðþægingar. Krossar
og önnur tákn kristninnar geta orðið að hættulegum vopnum
í baráttu lægri hvata gegn þeim æðri. Eftirfarandi draumur
konu einnar er gott dæmi um áðurnefnd sjónarspil en einnig
sakleysið uppmálað.
DRAUMUR KONU Mér finnst ég vera stödd í samfélagi
kaþólskra við einhverja trúarathöfn. Ég sé ungan mann sem mér finnst vera
prestsefni, við horfumst í augu, og við það finnst mér sem við elskumst en án
snertingar. Þá verður allt þokukennt en svo stendur hjá okkur aldraður prestur,
klæddur hempu með blúndum. Hann snýr sér að okkur og segir að við skulum
ekki hafa neinar áhyggjur, því þetta komi oft fyrir og það sé engin ástæða fyrir
okkur að blygðast. Þá er ég stödd á þaki kirkjunnar sem er þakið snjó og klaka,
ég held mér í kross sem er flatur á þakinu, fjær var stærri kross og hjá honum
ungi presturinn og lét hann sem hann sæi mig ekki, þótt ég væri hrædd. Þá
breytist draummyndin og ég er stödd innan um grátur sem lágu vítt og breitt,
þar mæti ég prestinum unga og er hann nú borgaralega klæddur í gráum fötum
með grátt bindi. Ég segi við hann „Er það í kvöld?“ og ég finn hlýju streyma til
hans, en hann svarar: „Ekki í kvöld, ég verð að skrifa konunni bréfið.“ Ég spyr
hvaða bréf og hann svarar að það skipti ekki máli en hann verði að ganga frá því
í kvöld, við það vakna ég og finnst mér ég sjá hann ganga út úr herberginu.
RÁÐNING Þessi draumur er tvíþættur, hann hefur tvenns konar merkingar
fólgnar í sér. Önnur hliðin er sú sem snýr beint að dreymandanum, sú hlið
draumsins segir að viðkomandi eigi í tilvistarkreppu, að það sé fokið í öll skjól
og birtulítið framundan, þrátt fyrir góðan vilja. Én það er vilji til staðar og því
ekki eftir neinu að bíða, því dagur er að kvöldi kominn og best að gera synd-
aregistur, snúa við blaðinu og byrja upp á nýtt.
Hin hlið draumsins, sú sem gæti talist trúarleg, virðist mér fjalla um innbyrðis
deilur og ágreining trúarstofnana, um hver þeirra sé verðugust guði og þar með
hvaða stofnun guðs skuli leiða sauðina á nýöld vatnsberans, kaþólikkar, Krists-
menn eða nýr flokkur trúenda sem hefja mun flug sitt, hér á köldu landi ísa.
eftir KRISTJÁN FRÍMANN
44 HEIMSMYND