Heimsmynd - 01.10.1990, Blaðsíða 73
hans fengin til að taka þátt í sjónvarpsumræðum um ótryggð í
hjónbandi. Hún var spurð að því hvernig konur ættu að
bregðast við ótryggð eiginmanna sinna. Svar hennar lýsti ekki
mikilli sjálfsvirðingu eða stolti en það eru einmitt þannig kon-
ur sem kvennabósar velja sér. Ekki vegna þess að þeir vilji
hafa frelsi til að halda framhjá heimskum eiginkonum, heldur
vegna þess að þeir kunna ekki að kynnast konum sem búa yfir
sterkum persónuleika. Þeir eru hreinlega hræddir við slíkar
konur. Og hvert var svar frú Mastroianni í þessum sjónvarps-
þætti? Jú: „Það er ekkert við þessu að gera. Bara leyfa þeim
að spóka sig. Þeir koma alltaf heim inn á milli. Þeir eiga
nefnilega ekkert annað heimili, greyin.“
ÍSLENSKUR KASANÓVA
í lítilli borg eins og Reykjavík er ekki auðvelt að fá fólk til að
tjá sig opinberlega um einkalíf sitt. Ég hringdi í einn íslenskan
Kasanóva en hann vildi ekki koma í viðtal vegna barnanna
sinna og þeirra sem væru viðriðnir hans mál. Ég átti þó við
hann alllangt samtal þar sem hann sagði mér frá ýmsum öðr-
um hliðum á Kasanóva komplexinum en fram hafa komið á
prenti. Ein saga hans minnti mig á atvik sem kom fyrir frægan
leikara og bridsspilara:
Leikarinn Ómar Sharif var eitt sinn í þeirri aðstöðu á hóteli
að kona kemur á hótelherbergið hans, mundar að honum
byssu og skipar honum að sofa hjá sér. Hann færist undan, en
með hjálp byssunnar tekst konunni að koma því svo fyrir að
þau liggja fljótlega bæði nakin uppi í rúmi. Þá bendir Ómar
hæversklega á nekt sína og þann eineygða, grútmáttlausan, og
segir: „Þér sjáið sjálfar frú mín góð, að ég get þetta ekki.“
HREFNA BIRGISDÓTTIR OG KASANÓVA
Ég hitti gamla kunningjakonu í
sundlaugunum um daginn. Þar eð
ég hafði ekki séð hana lengi
spurði ég hvað hefði á daga henn-
ar drifið. Hún sagði farir sínar
ekki sléttar, hafði orðið fyrir
barðinu á Kasanóva og var varla
búin að jafna sig. Henni hafði
dottið í hug að skrifa bók um
reynslu sína, svo aðrar konur
mættu læra af mistökum hennar
og þyrftu ekki að ganga í gegnum
slíka erfiðleika. Ég vissi því að hér
var fyrir hendi Islendingur sem
þyrði að tjá sig opinberlega um
Kasanóva. Hrefna er 39 ára að
aldri og fráskilin. Hún sagði:
- Ég kynntist Englendingi á
bjórdaginn fræga í gegnum vinn-
una. Það var svokölluð ást við
fyrstu sýn, fullkomin sprenging.
Ég hafði aldrei upplifað slíkt áður. Hann var um þær mundir
að skilja við eiginkonuna eftir langt hjónaband. Ég hef aldrei
kynnst manni sem er jafn aðlaðandi, myndarlegur, greindur,
háttvís, ríkur, uppfullur af orku og skemmtilegur. Tilhugalíf
okkar var svo yfirþyrmandi ástríðufullt að ég var alveg viss um
að þarna hefði ég loksins hitt stóru ástina í lífi mínu. Ástin er
blind og ég braut allar brýr að baki mér og fór með honum til
Englands. Þar hélt „ástin“ afram að bómstra í nokkra mán-
uði, en svo fór ég að kynnast honum betur.
Hrefna Birgisdóttir. Fórnarlamb
Kasanóva.
EINMANA DEKURBARN
- Smám saman gerðist það að hann varð mér fráhverfari.
Kynferðislega fór hann að hneigjast í átt að einhvers konar
bi-sexualisma sem mér líkaði illa. Þegar við vorum ein var
hann gjarn á að fá grátköst. Ef hann var við vín grét hann ekki
síst yfir því að hafa ekki verið viðstaddur jarðarför föður síns.
Móðir hans hafði sagt honum að hann þyrfti þess ekki. Konan
sú er hinn mesti dreki, sem hefur ofverndað drenginn sinn alla
ævi og stjórnað honum. í hverri konu leitar hann síðan að eins
Framhald á bls. 96
Ástargoðið Rudolph Valentino.
Ástríðufullur elskhugi. Lenti í
fangelsi vegna tvíkvænis. Hann
skildi vegna þess að konan hans
vildi vinna úti.
Kristmann Guðmundsson
rithöfundur. Illa haldinn af
flóknum Kasanóva-komplex, sem
þeytti honum i gegnum fjölda
hjónabanda.
Elvis var bannað með lögum að
hreyfa mjaðmirnar á tónleikum í
Florida 1955 vegna þess að
hreyfingarnar stofnuðu almennu
(eða kvenlegu) velsæmi í hættu.
Alexis Zorba huggar konu.
Anthony Quinn og Lila Kedrova.
Hún fékk óskarsverðlaun fyrir
túlkun sína á Búbúlínu, hinni
útbrunnu léttúðardrós. Quinn lét
vel að leika karlmenni, lék til
dæmis nautabanann sem stal
hinni léttlyndu Ritu Hayworth frá
Jóni (Tyrone Power, Rudolph
Valentino lék Juan áður) í Blóð og
sandur. Anthony lék líka kvenna-
manninn og málarann Gauguin
sem Donald Sutherland lék síðar.
Sutherland lék Kasanóva í
samnefndri mynd Fellinis.
HEIMSMYND 73