Heimsmynd - 01.10.1990, Blaðsíða 93

við glæsikerrur, þótt hann eigi núna
Mercedes Benz og fjallajeppa, ekki reist
sér glæsihöll á Arnarnesinu, en þó búið
sæmilega, fyrst lengi vel á Hólavallagötu
fimm, en flutti sig svo yfir Landakots-
túnið fyrir nokkrum árum, þegar hann
keypti glæsivilluna, sem Vilhjálmur Pór
byggði á sínum velmektardögum, af
Björgólfi Guðmundssyni, fyrrum Haf-
skipsforstjóra. Pá lét hann líka loksins
eftir sér að dekra svolítið við sjálfan sig.
Að sögn hans sjálfs unnu iðnaðarmenn
dag og nótt við breytingar á húsinu, þar
til sambýliskonu hans fannst nóg komið
og hann varð að fara hægar í sakirnar. í
bakgarðinum er verið að reisa mikið 360
gluggaramma glerhýsi, sem sumir segja
að eigi að vera blómaskáli, en aðrir að
eigi að hýsa sundlaug. Hann hefur líka
upp á síðkastið leitað hófanna um kaup
á listaverkum, en listaverkasali sagði
blaðinu, að sér þætti hann varfærinn í
þeim viðskiptum og enn hefði ekki geng-
ið saman með þeim um verð. Pó ætti
hann nokkurt málverkasafn og sum
verkin býsna góð. En hann sagðist hafa á
tilfinningunni að smekkur eigandans
hefði ekki ráðið mestu um valið, heldur
hefði Herluf eignast þetta á svipaðan
hátt og bankarnir sín söfn, tekið verkin
upp í skuld. Einnig mun hann hafa verið
á höttunum eftir bókasöfnum sem til
sölu kynnu að vera í heilu lagi á sann-
gjörnu verði.
En þótt Lúffi hafi ekki fyrr en síðustu
árin verið að eyða sparifé sínu í Iúxus
komst hann snemma upp á að láta pen-
ingana vinna fyrir sig og lét þá ekki kom-
ast upp með neina leti og iðjuleysi. Hann
fór fljótlega út í að fjármagna innflutning
annarra, einkum í tískubransanum.
Þetta eru ábatasöm viðskipti og rúmast
innan ramma laganna. Lögleg - en sið-
laus mundu kannski ýmsir bæta við - þó
varla siðlausari en margt það sem flestar
virðulegustu fjármálastofnanir þjóðar-
innar fást við núna - en varðað hefði við
lög gegn okri fyrir örfáum árum.
Hvernig fara svona viðskipti fram? Ef
við gefum okkur að féð sé ávaxtað
sleitulaust allt árið þá gefur 15 prósent
heildsöluálagning fyrir að fjármagna inn-
flutning annarra í 45 daga í senn, ár-
svexti upp á nærri 200 prósent: 100 þús-
und krónur í byrjun árs eru orðnar 115
þúsund 45 dögum síðar og ef þær eru
strax settar í að fjármagna annað dæmi
og svo koll af kolli til ársloka, eru þær
orðnar að rúmlega 300 þúsund krónum í
lok ársins. En svo að myndlíking Práins
Bertelssonar sé haldið áfram, þá þarf að
halda krónunum stíft til beitar og gæta
þess að þær lendi hvergi í dýjum, pyttum
og keldum viðskiptalífsins, eða í klóm
þess vargs, sem ekki hugsar um framtíð-
ina, heldur það eitt að fá í sig magafylli á
staðnum.
Talsverðar sögur hafa gengið um
þessa starfsemi og líklega flestar ýktar.
Þannig á Herluf að hafa haft umfangs-
mikil fjármögnunarviðskipti við Hag-
kaup. Jón Asbergsson, forstjóri Hag-
kaups, segir að þess sé reyndar dæmi:
Vorið 1985 hafi Herluf átt hlut að máli
við fjármögnun stórrar sendingar fyrir
opnun IKEA. Það hafi verið ágætt mál
og þau viðskipti gengið greitt og eðlilega
fyrir sig. Petta hafi hins vegar verið ein-
stakt tilfelli og engar slíkar aðstæður
komið upp síðan. Um þetta hafi raunar
síðan spunnist sögur og borist sér til
eyrna, að Herluf Clausen hefði Hagkaup
orðið í hendi sér. Hann léti sér það í
léttu rúmi liggja. Þessi viðskipti hefðu á
sínum tíma verið beggja hagur og ekki
meira um það að segja.
í tímans rás hefur Herluf eignast hlut í
nokkrum fyrirtækjum að einhverju eða
öllu leyti. Meðal þeirra má telja tísku-
verslanirnar Jackpot í Kringlunni, Sér og
Esprit á Laugaveginum, veitingahúsið
Óperu við Lækjargötu og fiskútflutnings-
fyrirtækið Pólarfrost í Höfnum. Um
skeið rak hann auíf/cverslunina Kjörgripi
í húsnæði sínu í Bröttugötu. Það er at-
hyglisvert að fyrri aðaleigendur þessara
fyrirtækja hafa gjarnan haldið áfram að
starfa við þau sem áður. Þeir, sem
HEIMSMYND hefur talað við, hafa
borið Herluf Clausen vel söguna. Hann
standi að vísu fast á sínu, en ef menn
reyni ekki að ljúga sig út úr vandræðum,
heldur leggi spilin á borðið, reynist hann
mönnum hjálplegur í lengstu lög, lipur
og sanngjarn í viðskiptum.
„Þú finnur engan gjaldþrotaslóða í
kjölfari Herlufs Clausens," sagði lög-
fræðingur, sem hefur átt við hann tals-
JILSANDER COLOUR PURE
HAl J.9TA/FTI IR ’QD