Brautin - 07.07.1988, Blaðsíða 2

BRAUTIN
Útgefandi: Alþýðuflokksfélögin í Vm.
Ritnefnd:
Þorbjörn Pálsson (ábm.)
Guðm. P.B. Ólafsson Elín Alma Arthúrsdóttir
Magnús H. Magnússon Stefán Jónsson
Tölvusetning og offset: Eyrún h.f. Vm.
Verulegur árangur
á hálfu kjörtímabili
Nú þegar kjörtímabil þessarar bæjarstjórnar er
hálfnað, er við hæfi að staldra við og reyna að gera sér
grein fyrir hvernig til hafi tekist.
FJÁRMÁLIN
í upphafi kjörtímabilsins setti núverandi meirihluti
bæjarstjórnar sér það takmark að ná tökum á fjár-
málum bæjarsjóðs og var það verk reyndar efst á blaði í
málefnasamningi núverandi meirihluta bæjarstjórnar.
Markvisst hefur verið unnið og er ekki vafi að það verk
er að skila sér nú. Mikil breyting hefur orðið á, til hins
betra, frá fyrri tíð. Skuldir hafa minnkað og rekstrar-
afgangur hefur hækkað. Stefnt er að því, að vinna á
sömu braut, þrátt fyrir að ýmis áföll í atvinnulífinu í
upphafi árs, auki ekki á bjartsýni manna.
Þá er einnig erfitt að gera sér fyllilega grein fyrir því,
hvernig staðgreiðsla skatta kemur út fyrir bæjarsjóð og
þá ekki síður hvort staðgreiðslukerfið hafi áhrif á vinnu
fólks. Vestmannaeyingar hafa alltaf unnið langan
vinnudag og nú er að sjá, hvort staðgreiðslan hefur þar
einhver áhrif. Það hefur að sjálfsögðu mikið að segja
fyrir Bæjarsjóð Vm.
FRAMKVÆMDIR
Þrátt fyrir betri stöðu fjármála hefur töluvert verið
unnið að verklegum framkvæmdum á vegum bæjarins
og nægir þar að nefna framkvæmdir við Hamarsskóla,
íbúðir aldraðra, byggingu verkamannabústaða, fram-
kvæmdir við gjörbreytta aðstöðu í íþróttamiðstöð,
gatnagerðarframkvæmdir, römmun í höfninni, bygg-
ingaframkvæmdir vegna rafskautakatla hjá Fjarhitun
og fleira, auk fjárfrekra framkvæmda í viðhaldi
stofnana bæjarins. G.Þ.B.Ó.
Hafa skal það
sem réttara reynist
í hinu „óháða” fréttablaði
Frétta í síðustu viku er greint
frá úthlutun stjórnar verka-
mannabústaða 27. júní sl.
vegna nýbygginga, en þar féll
niður nafn eins umsækjanda,
sem fékk úthlutun, Hafdísar
Eggertsdóttur.
Vegna þess tilefnis og fleiri
er rétt að fram komi 3. mál
fundarins, sem er svohljóðandi:
„3. mál.: Að gefnu tilefni vill
stjórn verkamannabústaða í
Vm. taka fram, þótt fjölmargar
umsóknir berist til stjórnar-
innar fullnægja ekki nærri allar
skilyrðum sem Húsnæðismála-
stofnun gerir vegna úthlut-
unar.”
En þau skilyrði eru m.a. þau
að tekjur mega ekki fara yfir
visst hámark og er þar átt við
tekjur síðustu þriggja ára, að
skila verður inn tekjuvottorð-
um allra vinnandi í fjölskyld-
unni.
Jafnvel þó einstæðar mæður
hafi einlægan stuðning okkar í
stjórninni, þá uppfylla líka
aðrir öll skilyrði, svo sem
námsmenn og þeir sem hafa
óviðunandi heimilisaðstöðu,
heilsuspillandi húsnæði o.fl.
4. mál þessa sama fundar er
svohljóðandi:
„Stjórn verkamannabústaða
í Vestmannaeyjum samþykkir
að fela bæjarstjórn að ganga nú
þegar frá samningum við Arsæl
Sveinsson og Steingrím Snorra-
son um byggingu á 6 íbúða
raðhúsi, eftir samskonar teikn-
ingum og þegar hefur verið
byggt eftir og samkvæmt
heimild Húsnæðisstofnunar.
Ennfremur leggur stjórnin til
að keyptar verði þrjár 2ja herb.
íbúðir í blokk Erlendar Péturs-
sonar, þar sem fyrir liggja
margar umsóknir um 2ja
herbergja íbúðir.”
kristjana Þorfinnsdóttir
Átaks er þörf í
umhverfismálum
Undanfarin ár hefur mikið
verið talað um að átak þurfi í
umhverfismálum, auka þurfi
alla uppgræðslu og svo fram-
vegis. Þeim sem mest vilja gera,
finnst eflaust lítið miða áfram.
Á undanförnum árum hefur
verið unnið töluvert verk við
fegrun og ræktun. Ég get hins-
vegar verið sammála þeim, sem
ekki finnst nóg gert, að veru-
legs átaks er þörf. Átak sem
ekki einungis bærinn á að
standa að, heldur allir bæjar-
búar. Það gerist ekkert mark-
vert í þessum málum, nema
með þátttöku bæjarbúa og þá
jafnvel undir forystu þeirra,
eða félaga í bænum.
Hjá bænum starfar varskt lið
í opnu svæðunum undir stjórn
Sigurðar Jónssonar frá Húsavík
og hefur hans liði tekist mjög
vel til, þar sem þeir hafa unnið í
opnum svæðum. Þá hafa
nokkrar dömur starfað í
görðum og blómabeðum bæj-
arins auk þess starfs sem
Vinnuskólinn vinnur.
Það er alveg ljóst, þrátt fyrir
mikið starf í þessum mála-
flokki, þá eru mörg verkefni
óleyst. Eg hef margsinnis sagt
að við eigum að gera framtíð-
aráætlun, þá sérstaklega hvað
varðar skrúðgarðarækt, bæði í
miðbænum, svo og ekki síður
við hinar ýmsu stofnanir, þar
sem henta þykir.
Bæjarstjórn hefur ákveðið að
framhald verði á vinnu lands-
lagsarkitekta sem starfað hafa
fyrir bæinn og er það fagnað-
arefni. Það er ein af forsendum
þess, að skipulega verði unnið
að fegrun og snyrtingu í
bænum.
Annað það sem ég tel ekki
minna mikilvægt, er að okkur
takist að ráða til okkar
garðyrkjustjóra, sem veitti
forstöðu því átaki sem gera þarf
í skrúðgarðarækt hér í bæ.
Það hefur sýnt sig, bæði í
heimagörðum svo og þeirri
trjápiöntun sem Vinnuskólinn
hefur staðið fyrir, að ræktun
trjáa og skrautplantna ber ekki
síður árangur hér í Vestmanna-
eyjum en annarsstaðar. Þrátt
fyrir margítrekaðar tilraunir
hefur ekki enn tekist að ráða
garðyrkjustjóra til bæjarins, en
gert var ráð fyrir slíkri starfsemi
í fjárhagsáætlun fyrir þetta ár.
Guðm. Þ. B. Ólafsson
Urvals kjöt á útigrilliö
Meyrnað lambakjöt
Kótilettur
Lærisneiðar
F ramhryggssneiðar
Lambarif
Kjúklinga-leggir
Kjúklinga-leggir oriental
Kryddlegið lambakjöt
Kótilettur oriental
Lærisneiðar oriental
Kryddlegin lambarif
Grillpinnar
/ /
Abótarreikningur Utvegsbankans skilaði
betri ávöxtun á sl. ári (1987) en nokkur annar
óbundinn reikningur í bankakerfinu. Ávöxt-
unin nam 28,2% sem er 4,89% umfram
verðbólgu. Ábótarreikningurinn er því sem
skapaður fyrir þig og alla sem er annt um
sparifé sitt.
*
Abótarreikningurinn nýtur vinsælda meðal
sparifjáreigenda og það ekki af ástæðulausu.
Hann færir eigendum sparifjár fulla ávöxtun
fyrr en aðrir sérreikningar. Ábótin reiknast
strax frá þeim degi sem þú leggur inn á
reikninginn og vaxtaábótin er síðan færð
mánaðarlega inn á höfuðstól reikningsins.
Útvegsbanki Islands hf
Vestmannaeyjum