Brautin - 03.11.1988, Síða 1

Starfsmannaíbúðir
Sjúkrahúss
Fyrir kosningar var frambjóðendum A-lista
jafnaðarmanna tíðrætt um eflingu á íbúðarhúsnæði hér
í Vestmannaeyjum og hvað væri til ráða til aukningar,
enda væri það ein forsenda þess að Eyjan væri byggileg
að hafa nóg framboð af húsnæði fyrir þá sem eyjuna
vilja byggja. í framhaldi meirihlutaskipta í bæjarstjórn
var eftirfarandi aðalstefna mótuð og er reyndar ætíð í
endurskoðun:
STEFNUMÖRKUN
1. LEIGUÍBÚÐIR STARFSMANNA SJÚKRA-
HÚSS OG HEILSUGÆSLUSTÖÐVAR.
2. VERKAMANNABÚSTAÐIR VERÐI36 FLEIRI
Á KJÖRTÍMABILINU.
3. ÍBÚÐIR ALDRAÐRA.
4. FÉLAGSLEGAR KAUPLEIGUÍBÚÐIR.
Starfsmannaíbúðir
Sjúkrahúss
Á fundi sínum í ágústmánuði
s.l., samþykkti Húsnæðis-
stofnun að heimila bæjaryfir-
völdum að byggja 10 kaup-
leiguíbúðir aðallega ætlaðar
starfsmönnum Sjúkrahúss og
heilsugæslustöðvar, en hafnaði
heimild til byggingar á 5
einstaklingsherbergjum til við-
bótar þar sem herbergin væru
einungis 18 ferm. og því innan
þeirra marka sem flokkast
undir minnstu einstaklings-
íbúðir. Miðað við aðstæður, og
þrátt fyrir gífurlega vinnu við
að vinna málinu fararheill mátti
sæmilega vel við una, en jafn-
framt farið af stað með könnun
á hugsanlegri breytingu á
fyrirhugaðri byggingu svo
sækja mætti um tvær íbúðir í
stað herbergjanna, enda
rýmdist sú breyting innan þess
skipulags sem fyrirhugað var
innan hússins.
Þær gleðilegu fregnir hafa nú
borist í framhaldi samtals við
stjórnarformann Húsnæðis-
stofnunar, að stofnunin hafi á
fundi sínum fyrra fimmtudag
samþykkt tvær íbúðir til við-
bótar þeim tíu sem áður höfðu
verið samþykktar í starfs-
mannabústaðnum sem rísa
mun við Sólhlíð.
Málið er í höfn og má búast
við að framkvæmdir hefjist
fljótlega á næsta ári og fram-
kvæmdum verði lokið á árinu
1990.
Aðrar
íbúðabyggingar
Það má teljast mikil framsýni
sem kemur fram hjá núverandi
meirihluta bæjarstjórnar að
ætla sér að auka íbúðarhúsnæði
í Vestmannaeyjum með frum-
kvæði og tilstuðlan bæjar-
stjórnar um 70 íbúðir eða nærri
5% aukning á heildarframboði
húsnæðis á einu kjörtímabili.
I dag eða á miðju kjörtíma-
bili eru í byggingu eða byggðar
27 íbúðir á vegum Vestmanna-
eyjabæjar eða að tilstuðlan.
Á næsta ári verður hafin
bygging enn fleiri verka-
mannabústaða og starfsmanna-
íbúðir Sjúkrahúss munu rísa,
því er margt sem bendir til þess
að markmið núverandi meiri-
hluta bæjarstjórnar, um stór-
aukið íbúðaframboð muni
takast.
Þorbjörn Pálsson
HVALAMALIÐ
Um árabil hafa Grænfriðungar lagt okkur í einelti
vegna hvalveiða okkar í vísindaskyni. Feim hefur tekist
allvel upp síðustu vikurnar. Tekist að fá eitt stór-
fyrirtæki í Fýskalandi til að hætta að kaupa af okkur
lagmeti og annað stórfyrirtæki í Bandaríkjunum hefur
tímabundið hætt viðskiptum við annan af tveim aðal-
útflytjenda okkar á þann inarkað. Einnig hefur þeim
tekist að fá skólayfirvöld í Boston til að hætta að nota
íslenskan fisk í skólamötuneytum.
Allt eru þetta illar fréttir en við meguni þó ekki glata
sálarró okkar. Við verðum að vega og meta málin frá
öllum hliðum og alls ekki rasa um ráð fram.
Meiri hagsmuni
fyrir minni
Ýmsir halda því fram, að nú-
verandi hvalveiðar í vísinda-
skyni, þar sem aðeins er Ieyft að
veiða mjög fáa hvali árlega,
skipti okkur efnahagslega litlu
máli og því beri að leggja þær af
til að forðast frekari óþægindi.
Fórna beri minni hagsmunum
fyrir meiri, eins og það er
orðað.
Svo einfalt er málið alls ekki.
Hvalir og selir eru stærstu
keppinautar okkar um af-
rakstur hafsvæðanna kringum
landið. Við vitum ekki ná-
kvæmlega hve mikið þessar
skepnur éta árlega en við vitum
þó að það skiptir milljónum
tonna af svifi, loðnu, síld og
fiskseiðum. Og sumar hval-
tegundir og selir éta bolfisk.
Norðmenn hafa rannsakað
þetta mun meira en við. Þeir
hafa komist að þeirri niður-
stöðu að hvalir í Barentshafi éti
álíka mikið af loðnu og sem
nemur loðnuveiðum allra
þjóða samanlagt á hafsvæðinu.
M.ö.o. vegna hvalsins eru
loðnukvótar aðeins helmingur
þess sem þeir gætu annars
verið. Norskir vísindamenn
hafa einnig fært rök fyrirþví, að
tvöfalda mætti afrakstur þorsk-.
stofna þar í landi ef sjávar-
spendýr væru ekki til staðar.
M.ö.o. að sjávarspendýrin taki
jafnmikinn toll af þorskstofn-
inum og menn. Inn í það dæmi
eru auðvitað tekin, ásamt
fjöldamörgu öðru, áhrifin af
loðnuáti hvalanna, en loðna er,
eins og allir vita, stór liður í
fæðuöflun þorsksins.
Auðvitað leggur enginn til að
sjávarspendýrum verði útrýmt,
fjarri því, en þetta sýnir hve
sjávarspendýr eru mikill
keppinautur manna um hag-
nýtingu lífkerfis hafsvæðanna.
Auðvitað getum við ekki
beint yfirfært rannsóknir
Norðmanna á okkar umhverfi.
Áhrif sjávarspendýra gætu
verið eitthvað minni hér við
land, en þau gætu allt eins verið
meiri. Það vantar að rannsaka
það betur.
Ég tel þýðingarmikið að við
nýtum þá auðlind sem skyn-
samlega reknar hvalveiðar geta
verið. En ég tel enn þýðingar-
meira að koma í veg fyrir of-
tjölgun sjávarspendýra í fram-
tíðinni. Það mundi minnka
aflamöguleika okkar sjálfra
Framhald á 3. síðu
Mikil breyting og
aukið öryggi í rekstri
Fjarhitunar Vestmannaeyja
Mikil breyting hefur orðið á
rekstri Fjarhitunar Vestmanna-
eyja á þessu kjörtímabili. Strax
mánuði eftir meirihlutaskiptin
var farió að kanna hver fram-
tíðarorka veitunnar yrði, jafn-
framt því, sem undirbúin voru
kaup á olíukatli til aukinnar
varaorku-framleiðslu.
Hraunið hefur farið kólnandi
og nú er nýbúið að setja upp
geysiöflugan rafskautaketii,
sem anna mun allri orkuþörf
hitaveitunnar í náinni framtíð.
Eins og er framleiðir raf-
skautaketillinn einungis xh af
framleiðslugetu sinni, þar sem
raforkuflutningurinn frá Búr-
fellsvirkjun er ekki burðugri
eins og er. Framleiðslugeta
ketilsins er um 20 megawött en
þörf hitaveitunnar er eftir
tíðarfari, áætluð um 11 til 13
megawött þegar kaldast er og
fer niður í 7 til 9 megawött, í
tíðarfari seinustu daga.
Óvídunandi seinkun á
uppgjöri staðgreiðslu útsvars
Uppgjör í sjónmáli
Bæjarráð Vestmannaeyja
hefur lýst yfir óánægju sinni
með að uppgjör á staðgreiðslu
vegna útsvars skuli enn ekki
hafa farið fram og að ekkert
skuli liggja fyrir hvenær slíkt
uppgjör verður. Þá segir einnig:
,,Slík frestun þrengir mjög
möguleika sveitarfélagsins til
að standa við fjárskuldbind-
ingar sínar”. Fram að þessu
hefur Vestmannaeyjabær
fengið mánaðarlegar greiðslur,
sem á engan hátt taka mið af
þeint útsvarsgreiðslum sem
bæjarbúar greiða, heldur er
reiknuð út meðaltalstala
sveitarfélaga, miðað við árið á
undan.
Heyrst hefur að óðum styttist
í að uppgjör fari fram og er það
von manna að Vestmannaeyja-
bær eigi inni umtalsverðar upp-
hæðir. Dráttur á uppgjörinu
hefur óneitanlega leitt til þess,
að Bæjarsjóður Vestmannaeyja
hefur staðið ver á hlaupa-
reikningi og með lausafjár-
stöðu, en ástæða hefur verið til,
og er slíkt óviðunandi, svo ekki
sé meira sagt.
Breytinga er að vænta og
mun uppgjör fara fram reglu-
lega, eftir því sem greiðslur
útsvars berast í framtíðinni, þar
sem byrjunarerfiðleikar vegna
staðgreiðslukerfisins, eru að
mestu afstaðnir. GÞBÓ
2. TÖLUBLAÐ
VESTMANNAEYJUM, 3. NÓVEMBER 1988
41. ÁRGANGUR