Fréttablaðið - 10.01.2008, Blaðsíða 8

8 10. janúar 2008 FIMMTUDAGUR
UMHVERFISMÁL Starfsmenn
framkvæmdasviðs Reykjavíkur-
borgar ferðast þessa dagana á
milli borgarhluta og sækja
jólatré. Er það gert í samstarfi
við Gámaþjónustuna sem mun
nýta trén til moltugerðar eftir að
hafa kurlað þau niður.
Framkvæmdasvið biður fólk
um að setja trén á áberandi staði
við lóðamörk og ganga frá þeim
svo að þau fjúki síður.
Starfsmennirnir verða á
ferðinni fram á föstudag, en
eftir þann tíma þarf fólk sjálft
að koma trjám sínum í Sorpu.
- þeb
Starfsmenn borgarinnar:
Jólatré fjarlægð
fram á föstudag
JÓLATRÉN FJARLÆGÐ Starfsmenn
framkvæmdasviðs borgarinnar fjarlægðu
jólatré í Reykjavík í gærdag.
DÓMSMÁL Karlmaður af erlendu
bergi brotinn hefur verið dæmdur
í 45 daga skilorðsbundið fangelsi
fyrir að kasta konu á salernisskál.
Maðurinn var ákærður fyrir að
ryðjast óboðinn inn í íbúð í
Sandgerði, þar sem konan var
gestkomandi. Hann fór gróflega á
fjörurnar við hana en hún brást
við með því að gefa honum einn á
snúðinn. Maðurinn réðst þá á hana
og kastaði henni gegnum baðher-
bergisdyr þannig að hún lenti á
salernisskálinni. Hún hlaut nokkra
áverka. Dómurinn taldi sannað að
maðurinn hefði gerst sekur um
ofangreind brot. - jss
Fékk 45 daga fangelsi:
Henti konu á
klósettskál
ASKJA · Laugavegi 170 · 105 Reykjavík · Sími 590 2100 · www.askja.is · ASKJA er eini viðurkenndi sölu- og þjónustuaðili Mercedes-Benz á Íslandi.
Mercedes-Benz A-Class sameinar
þægindi, lipurð og glæsileika.
Bíll fyrir þá sem velja gæðin.
BERÐU HÖFUÐIÐ HÁTT
Takmarkað magn Mercedes-Benz A-Class er til afgreiðslu strax á góðu verði.
Innifalin eru vetrardekk og Íslandspakki.
1. Hvað heitir íslenski fræði-
maðurinn sem tilnefndur er af
vísindatímaritinu Science fyrir
eina af tíu athyglisverðustu
uppfinningum ársins 2007?
2. Hver er stjórnarformaður
Gnúps?
3. Hver verður fyrirliði sænska
karlalandsliðsins í handbolta?
SVÖRIN ERU Á SÍÐU 50
LÖGREGLUMÁL Innbrotsþjófur var
handtekinn af lögreglu höfuðborg-
arsvæðisins á tannlæknastofu í
Mjóddinni aðfaranótt miðviku-
dagsins. Viðvörunarbjöllur í
öryggiskerfi tannlæknastofunnar
gerðu lögreglunni viðvart og var
hún fljót á staðinn.
Að sögn varðstjóra kom
lögreglan að manninum á tann-
læknastofunni og hafði hann þá
meðal annars tekið skiptimynt úr
afgreiðslu. Var maðurinn látinn
gista fangageymslur lögreglunnar
og yfirheyrður í gær. - ovd
Braust inn á tannlæknastofu:
Þjófur gripinn
í Mjóddinni
Kvartanir vegna skotelda
Enn berast lögreglunni kvartanir
vegna skotelda. Að sögn varð stjóra
hefur kvörtunum þó fækkað en
aðallega er kvartað yfir að kveikt
sé í skoteldum seint á kvöldin og á
nóttunni.
LÖGREGLUFRÉTTIR
Hraðakstur í hálku og snjó
Lögreglan á Hvolsvelli tók átta öku-
menn fyrir hraðakstur í umdæmi sínu
í gær. Eru það jafn margir ökumenn
og teknir voru á þriðjudaginn en það
sem vekur athygli lögreglunnar er
fjöldi hraðakstursbrota í mikilli hálku
og snjó sem nú eru í umdæminu.
VINNUMARKAÐUR „Við höfum þegar
tekið ákvörðun um að vísa málinu
til sáttasemjara í vikulok ef ekk-
ert þokast. Þessi fundur hér í dag
og þær fréttir sem við höfum frá
ríkisstjórn undirstrika það ræki-
lega að ekkert hefur þokast. Ein-
sýnt er að málið fer rakleiðis til
sáttasemjara innan fárra daga,“
segir Kristján Gunnarsson, for-
maður Starfsgreinasambandsins,
SGS.
Þungt hljóð var í formönnum
landssambandanna innan Alþýðu-
sambandsins, ASÍ, þegar þeir
gengu af fyrsta „alvöru“ samn-
ingafundinum með fulltrúum Sam-
taka atvinnulífsins, SA, í húsa-
kynnum ríkissáttasemjara í gær.
„Þetta er búið. Þetta fór allt í loft
upp. Ríkisstjórnin vill ekki bæta
kjör hinna lægst launuðu,“ sagði
Guðmundur Gunnarsson, formað-
ur Rafiðnaðarsambandsins.
Ingibjörg R. Guðmundsdóttir,
varaforseti ASÍ, talaði um „mjög
mikil vonbrigði“. Í samtölum ASÍ
og ríkisstjórnarinnar í fyrradag
hefði komið fram að fullkomin
andstaða væri innan ríkisstjórnar-
innar um sérstakan persónuaf-
slátt, ríkisstjórnin hefði aðeins
verið tilbúin í hækkun á persónu-
afslætti sem dreifðist á alla skatt-
greiðendur.
„Við förum nú hvert samband
fyrir sig í viðræður við baklandið
okkar. Kjaraviðræðurnar verða að
sjálfsögðu langdregnari en við
vonuðumst til. Við vonuðumst til
að semja saman,“ sagði hún. „Við
höfum lýst yfir að við værum til-
búin að skoða einhverjar aðrar
leiðir ef fram kæmu hugmyndir
sem myndu þjóna þeim lægst
launuðu. Atvinnurekendur hafa
talað á móti okkar hugmyndum og
það hefur borið árangur.“
Starfsgreinasambandið er
fyrsta sambandið sem hefur sam-
þykkt að vísa deilunni til ríkis-
sáttasemjara ef ekki þokast í sam-
komulagsátt í þessari viku.
Samninganefndin hittir SA í dag.
„Það er þungt hljóð í mér og sorg-
legt að það mistakist að mynda
eins konar þjóðarsátt um ákveðna
launastefnu,“ sagði Kristján.
„Þar vega þyngst dræmar und-
irtektir í skattamálum. Maður
veltir fyrir sér innihaldinu í stjórn-
arsáttmálanum þar sem kemur
fram að breyta eigi skattkerfinu
þannig að það nýtist hinum lág-
launuðu og svo fáum við þessar
undirtektir. Þetta virðist vera
ósamrýmanlegt. Stjórnarsáttmál-
inn virðist vera innihaldslítið
plagg,“ segir hann. ghs@frettabladid.is
Sérstökum persónu-
afslætti var hafnað
Kjaraviðræðurnar fóru „í loft upp“ í gær. „Ríkisstjórnin vill ekki bæta kjör
hinna lægst launuðu,“ segir formaður Rafiðnaðarsambandsins. Einsýnt að við-
ræðurnar fara til ríkissáttasemjara, segir formaður Starfsgreinasambandsins.
ÞUNGT HLJÓÐ Þungt hljóð var í samningamönnum verkalýðshreyfingarinnar þegar
þeir gengu af fundi með fulltrúum Samtaka atvinnulífsins í Karphúsinu í gær. „Þetta
er búið,“ sagði Guðmundur Gunnarsson, formaður Rafiðnaðarsambandsins. „Mjög
mikil vonbrigði,“ sagði Ingibjörg R. Guðmundsdóttir, varaforseti ASÍ.
FRÉTTABLAÐIÐ/ANTON
„Við förum eitthvað áfram og aðeins aftur á bak myndi
ég segja,“ sagði Vilhjálmur Egilsson, framkvæmdastjóri
Samtaka atvinnulífsins, SA, eftir samningafundinn í
Karphúsinu í gær. „Heildarpakkinn gekk ekki upp og því
þurfum við að nálgast þetta úr annarri átt.“
Vilhjálmur segir að SA þurfi nú að taka eina umferð
aftur með öllum landssamböndunum. „Það er ekki
samstaða að halda áfram á þessari braut sem við
höfum lagt upp með. Það er ekki um annað að gera en
að fara einn hring aftur með landssamböndunum og
sjá hvar við stöndum eftir það.“
FÖRUM ÁFRAM OG AFTUR Á BAK
VEISTU SVARIÐ?