Fréttablaðið - 10.01.2008, Blaðsíða 18
18 10. janúar 2008 FIMMTUDAGUR
hagur heimilanna
Útgjöldin
> Magn af kartöflum sem Íslendingar neyta að meðal-
tali á ári.
HEIMILD: HAGSTOFA ÍSLANDS
53
,9
K
G
65
,2
K
G
66
,4
K
G
50
,2
K
G
39
,2
K
G
1960 1970 1980 1990 2000
Bræðurnir Þröstur Jón og Ingi Páll
Sigurðssynir hafa yfirtekið rekst-
urinn á Sporthúsinu af ISF, Iceland
Spa & Fitness, og munu reka stöð-
ina áfram undir heitinu Sporthúsið.
Þröstur Jón segir að breytingin
komi ekki niður á viðskiptavinum.
Þeir geti notað kortin sín eftir sem
áður bæði í Sporthúsinu og hjá
stöðvum ISF en nýir viðskiptavinir
geti það ekki. „Við munum slíta
reksturinn frá ISF þannig að þessi
stöð verði alveg sjálfstæð. Svo
ætlum við að horfa fram í tímann,
stokka upp og gera breytingar.“
Aðrar breytingar á hjá líkams-
ræktarstöðvum nú eru að Hreyfing
og World hafa opnað í nýju hús-
næði. Þá hafa nýjar stöðvar tekið til
starfa, til dæmis H10 í Kórahverfi í
Kópavogi. - ghs
Bræður taka yfir rekstur Sporthússins í Kópavogi:
Kortin gilda áfram
BRÆÐUR TAKA YFIR Þröstur Jón Sig-
urðsson og bróðir hans Ingi Páll hafa nú
tekið yfir rekstur Sporthússins.
FRÉTTABLAÐIÐ/AUÐUNN
Starfsmenntasjóðir stétt-
arfélaga styrkja námskeið
félagsmanna um allt að þrjá
fjórðu af námskeiðsgjaldi.
Reglurnar eru þó misjafnar.
Félagsmenn verða yfirleitt
að skila inn kvittun og vott-
orði um að nám hafi verið
stundað.
Algengt er að starfsmenntasjóðir
stéttarfélaganna styrki endur-
menntun og tómstundanámskeið
um helming til sjötíu og fimm pró-
sent af námskeiðsgjaldi. Þetta er
þó misjafnt eftir félögum og nám-
skeiðum. Mismunandi er hvort
fyrirtæki styrkja nám og endur-
menntun starfsmanna sinna til
viðbótar.
Allir starfsmenn þurfa að skila
inn kvittun fyrir útlögðum kostn-
aði og vottorði um námsframvindu
eða að námið sé stundað. Sjóðirnir
styrkja yfirleitt betur starfstengt
nám en tómstundanám. Misjafnt
er hve lengi menn hafa þurft að
borga í sjóðinn.
Hjá VR verða félagsmenn að
safna stigum. Stefanía Magnús-
dóttir, varaformaður VR, segir að
nám sé yfirleitt styrkt um helm-
ing af námskeiðsgjaldi. Nám vott-
að af Fræðslumiðstöð atvinnulífs-
ins sé styrkt um allt að 75 prósent
en geti þó farið eftir stigum við-
komandi. Hafi félagsmaðurinn
fullnýtt styrkmöguleika sína verð-
ur hann að byrja aftur að safna
stigum eða leggja sjálfur út fyrir
náminu.
Á almenna markaðnum eru
tveir stórir sjóðir, Starfsafl sem
styrkir félagsmenn Eflingar, Hlíf-
ar í Hafnarfirði og Verkalýðs- og
sjómannafélags Keflavíkur og
Landsmennt sem sinnir öðrum
félagsmönnum Starfsgreinasam-
bandsins. Sveinn Aðalsteinsson,
framkvæmdastjóri Starfsafls,
segir að nánast allt nám sé styrkt.
„Styrkirnir eru mismunandi
eftir því hvort námið er viður-
kennt starfsnám, einingabært eða
ekki. Hámarksupphæðin er 50
þúsund krónur á ári en að hámarki
75 prósent af námsgjaldinu. Tóm-
stundanámskeið eru styrkt 50 pró-
sent en hámarksstyrkurinn er þó
15 þúsund krónur á ári,“ segir
hann. Hærri styrkir eru veittir í
undantekningartilvikum. Útlend-
ingar þurfa aðeins að hafa greitt í
mánuð í stéttarfélög til að geta
fengið 75 prósent af íslenskunám-
skeiði greitt. Vinnuveitendur
styrkja þá oft á móti.
Margrét Þórisdóttir, starfs-
menntunarsjóðsfulltrúi BHM,
segir að félagsmenn verði að hafa
greitt eitt ár í sjóðinn og þá eigi
allir sama rétt, allt að 60 þúsund
króna endurgreiðslu á útlögðum
kostnaði. Námið verði að vera fag-
eða starfstengt. ghs@frettabladid.is
Stéttarfélög styrkja
margvíslegt nám
STARFSTENGT NÁM ER BETUR STYRKT EN TÓMSTUNDANÁM Algengt er að stéttarfélög
endurgreiði allt að 75 prósent af endurmenntunarnámskeiðum.
Sjálfvirk takmörkun er á erlendu niðurhali, utanlandsband-
vídd Símans. Kerfið mælir samtölu erlends niðurhals yfir
sjö daga tímabil og bregst við ef viðskiptavinur fer yfir 20
gígabita niðurhal á tímabilinu. Að sjö dögum liðnum hefst
nýtt tímabil og hraði á erlendu niðurhali viðskiptavinarins
verður sami og áskrift hans segir til um. Því getur viðskipta-
vinur Símans haft rúmlega 80 gígabæta niðurhal á mánuði
án þess að til takmarkana komi. Þá býður Síminn upp á
sérstakar þjónustuleiðir fyrir þá viðskiptavini sem hafa þörf
fyrir meira erlent niðurhal.
■ Niðurhal
Sjálfvirk takmörkun á erlendu niðurhali
Kínversk stjórnvöld hafa tilkynnt að verslunum
verði óheimilt að afhenda ókeypis plastpoka frá
og með júní á þessu ári í tilraun til að stemma
stigu við mengun. Framleiðsla á örþunnum
plastpokum verður einnig bönnuð. Þess í stað
verður fólk hvatt til þess að nota körfur eða end-
urnýtanlega taupoka í verslunarferðum sínum. „Plastpokar
sem notaðir eru við innkaup eru mikið notaðir og erfitt er
að endurvinna þá. Þeir hafa því valdið alvarlegri eyðslu á
orku og auðlindum auk umverfismengunar,“ segir í tilkynn-
ingu stjórnvalda.
■ Umhverfisvernd
Plastpokar bannaðir í Kína
· skoðað álagningarseðilinn í Rafrænni Reykjavík fyrir árið 2008
(eftir 20. janúar nk.) og alla breytingaseðla sem koma þar á eftir.
· afpantað álagningarseðilinn og breytingaseðla í pósti.
· skráð sig í boðgreiðslu fasteignagjalda.
· valið hvort maður vilji einn eða sex gjalddaga á fasteignagjöldunum.
· gefið upp reikningsnúmer fyrir Reykjavíkurborg að leggja inn á ef
maður ofgreiðir gjöldin eða þau lækkuð einhverra hluta vegna.
Upplýsingar og aðstoð í síma 411 1111
www.reykjavik.is
Reykjavíkurborg
Umhverfisvæn þjónusta fyrir Reykvíkinga
Rafræn birting álagningarseðla fasteignagjalda 2008 á
Á heimasíðu Reykjavíkurborgar geta fasteignaeigendur:
www.reykjavik.is
Einar hefur gefið
út bók um öll
trixin í umboðs-
mennskunni en
hann lumar líka
á góðu trixi þegar
kemur að heimil-
isstörfum. „Þegar
maður þarf að
vaska upp er um að gera að hafa
græjur við höndina og setja á góða
tónlist. Þá kæmi sér til dæmis vel
að hlusta á Garðar Cortes. En þegar
kemur að því að ryksuga dugar
ekkert annað en Olga Guðrún og
Ryksugan á fullu. Það er fínn slagari
þegar þannig ber undir.“
GÓÐ HÚSRÁÐ
TÓNLISTIN LÉTTIR
UPPVASKIÐ
✥Einar Bárðarson lumar á góðu
ráði til að létta uppvaskið
„Fyrir tveimur árum keypti ég Volkswagen Golf af
vinahjónum mínum og borgaði fyrir hann litlar
100 þúsund krónur. Hann átti að endast mér í tvö
ár, meðan ég væri blankur námsmaður í Háskól-
anum á Bifröst. Það er skemmst frá því að segja
að bíllinn gekk eins og klukka í nákvæmlega tvö
ár, nánast upp á dag. Þau sem seldu mér hann
vilja reyndar meina að hann hefði átt mun lengra
líf fyrir höndum ef ég hefði bara sýnt honum
nægilega væntumþykju,“ segir Sigrún Ósk
Kristjánsdóttir, ritstjóri Vesturlandsblaðsins
Skessuhorns, þegar hún minnist bestu
kaupa ævi sinnar en fleiri góð kaup koma þó
einnig upp í huga hennar.
„Svo gerði ég líka ýmis frábær kaup í
antikbúð á Íslandsbryggju í Kaupmanna-
höfn þar sem ég fjárfesti meðal annars í
40 ára gamalli klukku af járnbrautarstöð
og skraddaraspegli frá 18. öld. Mér og
eiganda búðarinnar varð vel til vina, ég sendi
honum meira að segja póstkort í hvert skipti sem
ég flyt á milli landa.
Ég hef greinilega reynt að sópa vondum kaupum
markvisst inn í svarthol í höfðinu á mér því ég
man ekki eftir neinum í svipinn. Það væri þá helst
hægt að nefna sérstakan pokalokara sem ég
keypti handa mömmu á flóamarkaði í Danmörku
þegar ég var 11 ára. Þetta var svona tæki sem
lokaði pokum með límbandi. Ég sá það
strax að þetta væri eitthvað sem móðir mín
gæti nýtt sér við nestisgerð mína og borgaði
uppsett verð fyrir gripinn. Mér til mikillar
undrunar notaði mamma pokalokarann
aldrei og kaupin verða því að teljast
nokkuð vond. Svo hef ég nú líka upp-
lifað nokkur skrautleg e-bay ævintýri
sem ég er ekki viss um að borgi sig að
útlista nánar.“
NEYTANDINN: SIGRÚN ÓSK KRISTJÁNSDÓTTIR, RITSTJÓRI SKESSUHORNS
Sendir póstkort eftir góð kaup