Fréttablaðið - 10.01.2008, Blaðsíða 22
22 10. janúar 2008 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 1.369
5.469 -3,26% Velta: 26.798 milljónir
HLUTABRÉF Í ÚRVALSVÍSITÖLU: Atorka 9,62 +0,42% ... Bakkavör
51,30 -2,29% ... Eimskipafélagið 33,00 -1,20% ... Exista 15,15 -2,26%
... FL Group 11,33 -7,89% ... Glitnir 19,80 -3,42% ... Icelandair 26,25
-1,13% ... Kaupþing 740,00 -3,90% ... Landsbankinn 31,60 -2,17% ...
Marel 100,00 -0,99% ... SPRON 7,68 -3,52% ... Straumur-Burðarás
13,07 -4,53% ... Össur 95,00 -1,55% ... Teymi 5,70 -2,06%
MESTA HÆKKUN
ATORKA 0,42%
EIK BANKI 0,41%
MESTA LÆKKUN
FL GROUP 7,89%
STRAUMUR-BURÐA. 4,53%
KAUPÞING 3,90%
Fjárfestingarfélagið Gnúpur
hefur náð samkomulagi við lánar-
drottna um endurskipulagningu
félagsins að því er fram kemur í
tilkynningu frá félaginu. Þá hefur
Pálmi Haraldsson, oft kenndur
við Fons, keypt rúmlega sex pró-
senta hlut Gnúps í FL Group á tíu
milljarða króna.
Yfirlýsing Gnúps kemur í kjöl-
far frétta af fjárhagslegum örð-
ugleikum félagsins sem birst hafa
í fjölmiðlum. Fram kemur í til-
kynningunni að dregið hafi verið
úr skuldsetningu Gnúps og helstu
eignir seldar, þá verði starfsemi
félagsins dregin saman. Samhliða
hafi náðst samkomulag við lánar-
drottna um endurfjármögnun eft-
irstandandi skulda félagsins hjá
viðskiptabönkum og samið um
aðrar skuldir.
Aðgerðirnar eru sagðar hafa
tryggt félaginu fjárhagslegan
sveigjanleika til að mæta erfiðum
markaðsaðstæðum. Undir yfir-
lýsinguna skrifar Þórður Már
Jóhannesson, forstjóri.
Stærstu hluthafar í Gnúpi eru
þeir Þórður Már, Magnús Krist-
insson og Kristinn Björnsson, auk
Birkis Kristinssonar, bróður
Magnúsar og fyrrverandi lands-
liðsmarkvarðar í knattspyrnu.
Með kaupum sínum á hlut
Gnúps í Glitni verður Pálmi Har-
aldsson næststærsti einstaki hlut-
hafinn í Glitni, með rúmlega tólf
prósenta hlut. Gnúpur heldur
eftir rétt tæplega fjögurra pró-
senta hlut. Gengið í viðskiptunum
var 12,1 sem er nokkuð yfir loka-
gengi FL Group í Kauphöllinni,
en bréfin stóðu í ríflega 11,3 krón-
um við lokun.
jsk@frettabladid.is
Gnúpur semur
við lánardrottna
Skuldir Gnúps hafa minnkað, eignir verið seldar og
starfsemi verður dregin saman. Pálmi Haraldsson í
Fons kaupir hlut Gnúps í FL Group á 10 milljarða.
MAGNÚS KRISTINSSON OG ÞÓRÐUR MÁR JÓHANNESSON Samkomulag Gnúps við
lánardrottna er til þess fallið að tryggja félagið fyrir erfiðum markaðsaðstæðum, segir
í tilkynningu. FRÉTTABLAÐIÐ/HARI
Breska stórverslanakeðjan House
of Fraser jók jólsasölu sína um 2,4
prósent milli áranna 2006 og 2007.
Félagið er í eigu Highland Aquisit-
ions Limited, sem er að hluta í
eigu Baugs.
Fram kemur í tilkynningu frá
House of Fraser að brúttóhagnað-
ur á tímabilinu hafi einnig verið
meiri en í fyrra. Þess utan hafi
House of Fraser tekist að minnka
birgðir sínar um tuttugu prósent
síðan í fyrra.
Þessar tölur House of Fraser
eru á skjön við upplýsingar sem
berast frá öðrum breskum stór-
verslunum. Þannig dróst jólasalan
saman hjá bæði Marks og Spenc-
er, sem Baugur átti á sínum tíma
hlut í, og lækkuðu bréf í félaginu
um tæplega tuttugu prósent í
Kauphöllinni í Lundúnum í gær.
Sömu leið fóru hlutabréf í Deben-
hams, sem lækkuðu um rétt tæp
tíu prósent. - jsk
HoF skákar keppinautum
MIKIL SALA Jólasala House of Fraser
jókst um 2,4 prósent síðan í fyrra.
Ranghermt var í forsíðufrétt Markaðarins í gær að Ársreikningaskrá starfaði
innan embættis ríkissaksóknara. Hið rétta er að skráin starfar innan embættis
ríkisskattstjóra.
LEIÐRÉTTING
Sagði ég ekki?
Lars Christiansen, sérfræðingur
greiningardeildar Danske Bank,
er drýgindalegur í viðtali við
Fréttablaðið í dag. Hann lætur
að því liggja að nú séu að
koma fram þær hrakspár sem
bankinn setti fram um íslenskt
efnahagslíf og yfirvofandi kreppu-
ástand. Félagarnir í bankanum eru
raunar búnir að bíða nokkuð lengi
eftir þessu, enda fyrsta spá sett
fram á fyrriparti árs 2006. En það
er vissulega ekki einsdæmi að
bíða þurfi eftir að spár rætist.
Þannig er enn beðið eftir að
komi fram spádómar Nos-
tradamusar frá byrjun
sextándu aldar.
Vonarglæta
Annars hefur því heyrst fleygt að nokkur von-
arglæta sé í því að sjáandi Danske Bank taki
þennan pól í hæðina, því með því aukist heldur
líkur á viðsnúningi til hins betra og hlutabréfa-
markaður hér heima taki að rétta úr kútnum.
Þá er óvarlegt að ætla Lars of mikla mein-
fýsni í garð mörlandans, hann
viðurkennir jú að líklegast
séu þetta áhrif alþjóðlegrar
fjármálakrísu og lausafjár-
þurrðar sem hér hafi áhrif
á markaðinn, líkt og annars
staðar í heimin-
um. En um leið
heldur hann sig
við að tengsl á
milli fyrirtækja
hér auki áhrif
kreppunnar.
Peningaskápurinn ... MARKAÐSPUNKTARHeildarútlán Íbúðalánasjóðs á síðasta
ári námu tæpum 68 milljörðum
króna. Þar af námu almenn íbúðalán
nærri 55 milljörðum en leiguíbúðalán
13 milljörðum.
Veltumet var slegið á skulda- og
íbúðabréfamarkaði á þriðjudag. Þetta
var jafnframt þriðji dagurinn í röð
sem metið er slegið, að því er fram
kemur í Morgunkorni greiningardeild-
ar Glitnis.
Í tengslum við breyttar áherslur
í rekstri Icebank hefur skipulagi
bankans verið breytt. Nýju tekjusviði,
fyrirtækjaráðgjöf, hefur verið bætt við
og tveir nýir framkvæmdastjórar hafa
verið ráðnir, þeir Aðalsteinn Jóhanns-
son og Sveinn Andri Sveinsson.
ÍS
L
E
N
S
K
A
/S
IA
.I
S
/D
A
S
4
05
27
0
1/
08
Sýndu þinn stuðning við baráttuna fyrir bættum
aðbúnaði aldraðra – þörfin er brýn.
Einfaldur miði kostar aðeins 1.000 kr.
Hringdu núna í síma 561 7757 – Kauptu miða á www.das.is -vinningur í hverri viku
Fyrsti happadagur ársins!
Harley 10. janúar – 62 milljónir í janúar!
Harley
+3 milljónir
í bakpokann
á tvöfaldan miða!
Innan greiningardeilda bankanna
ágerast þær raddir að vegna hraðr-
ar kólnunar efnahagslífsins kunni
vaxtalækkunarferli Seðlabankans
að hefjast fyrr en áður hefur verið
talið. Enn er þó
spáð óbreyttum
vöxtum á næsta
stýriákvörðun-
ardegi sem er
14. febrúar
næstkomandi.
„Nú sýnast
vera vaxandi
líkur á því að
seðlabankinn
bandaríski
lækki stýrivexti
á næsta vaxtaákvörðunardegi, sem
er 30. janúar, og talað um allt að 50
punkta lækkun,“ segir Ólafur
Ísleifsson, hagfræðingur og lektor
við viðskiptadeild Háskólans í
Reykjavík. Hann segir að við
vaxtaþróun sem þessa í umheimin-
um verði til aðstæður sem Seðla-
banki Íslands gæti nýtt sér til
lækkunar vaxta hér, án þess að af
því leiddi veiking krónunnar með
tilheyrandi þrýstingi til verðhækk-
ana. „Lækkandi vextir í umheim-
inum gætu skapað Seðlabankanum
svigrúm til að lækka vexti án þess
þó að minnka vaxtamuninn gagn-
vart útlöndum. Vaxtamunurinn
hefur verið þýðingarmikið tæki til
að styðja við gengi krónunnar og
aftra því að hér myndist skriða
verðhækkana vegna lækkandi
gengis.“
Fjármálasérfræðingar bæði hér
heima og erlendis telja líkur á að
seðlabankar víða um heim muni
bregðast við samdrætti í kjölfar
lausafjárþurrðarinnar með lækk-
un stýrivaxta. - óká
SEÐLABANKI EVRÓPU Í dag tekur Seðla-
banki Evrópu ákvörðun um stýrivexti og
lækkun sögð líkleg. Þá er talið að Seðla-
banki Englands haldi vöxtum óbreyttum
í dag. Í lok mánaðarins er spáð lækkun
stýrivaxta í Bandaríkjunum. FRÉTTABLAÐIÐ/AFP
ÓLAFUR ÍSLEIFSSON
Svigrúm til lækkunar stýrivaxta
Lækkanir stýrivaxta í Bandaríkjunum og Evrópu auka líkur á lækkun hér.