Fréttablaðið - 10.01.2008, Blaðsíða 27

FIMMTUDAGUR 10. janúar 2008 3
Úr háborg tískunnar
BERGÞÓR BJARNASON SKRIFAR FRÁ PARÍS
Íslenski draumurinn hefur lík-
lega aldrei verið eins villtur og
fyrir þessi jól ef marka má versl-
un, þrátt fyrir 20 prósenta hækk-
un skulda heimilanna á árinu. Ég
lenti inni í í Kringlunni nokkrum
dögum fyrir jól og leið dálítið
eins og ég væri lentur á annarri
plánetu svo breytt er gamla Frón
þar sem Ragnheiður Ásta Péturs-
dóttir las áður jólakveðjur á Þor-
láksmessu: „Elsku Palli, Stína og
Baddý, gleðileg jól, takk innilega
fyrir samfylgdina í sumar...,“
þetta var svo ómissandi. Á þriðja
degi jóla er svo allt fína dótið
orðið verðlaust þar sem búðirnar
gengisfella milli hátíða.
Hér í Frakklandi hófust útsölur
í gær og var að vanda líf í tuskun-
um í orðsins fyllstu merkingu.
Sumir opnuðu eldsnemma og
voru biðraðir fyrir framan stóru
magasínin. En útsölur hafa misst
verðgildi sitt síðustu árin. Meðal
annars vegna þess að allt árið um
kring eru í gangi ýmiss konar til-
boð og afsláttur og því skipta
útsölurnar minna máli fyrir
almenning en áður. Efnahagur er
hér sömuleiðis heldur bágborinn
og því eyðir almenningur minna í
föt og skó. Kaupmenn eru því
heldur uggandi um verslun næstu
vikna.
Svo eru þeir sem svindla eins
og ein verslunarkeðjan sem bauð
viðskiptavinum sínum góðan
afslátt í síðustu viku, sjö dögum
fyrir leyfilegar útsölur, eftirlits-
nefnd um ólöglega viðskiptahætti
til lítillar hrifningar því hér áttu
útsölur ekki að hefjast fyrr en 9.
janúar og því er bitist um orðalag
„tilboð“ eða „útsölur“.
Hjá þotuliðinu er mikið að gera,
ekki fyrr er komið heim úr jóla-
leyfi í sólinni eða á skíðum en það
neyðist til að fara á flakk að nýju
því það nýjasta í útsölubransan-
um laðar að sér „útsöluferða-
menn“ og nú blandar París sér í
baráttuna við Lundúnir og New
York. Það verður þó að segjast
eins og er að tískuborgin er aðeins
á eftir í þessu kapphlaupi og
býður nú aðeins í annað sinn upp
á „Soldes by Paris“, átak til að
laða að útlendinga á útsölurnar
hér. Það eru ferðamálayfirvöld
og borgin, með kaupmönnum og
hótelrekendum sem standa að
átakinu með Inès de la Fressange
sem sendiherra átaksins en hún
var lengi aðalfyrirsæta og andlit
Chanel. 2.000 verslanir og 350
hótel taka þátt í átakinu, nærri
tvöfalt fleiri en í fyrra. Hótelin
bjóða upp á allt að helmingsaf-
slátt á gistingu, ferðamönnum
eru afhentir bæklingar þar sem
skipulagðar eru mismunandi
verslunarleiðir í mismunandi
hverfi borgarinnar. Hægt er að
fara í lúxusverslunarferð í fínu
tískuhúsin, þræða búðir nýstár-
legra hönnuða eða stefna á fræg-
asta flóamarkað borgarinnar við
„Porte de Clingancourt“. Því hvað
er flottara en að skella sér í
útsöluferð til Parísar?
bergb75@free.fr
Útsöluferðir í tískuborgina
Þeir sem berjast við aukakíló
hafa fengið nýtt vopn í barátt-
unni. Það er krem sem á að
draga úr matarlöngun og heitir
Hoodia.
Krem sem á að draga úr hungur til-
finningu er komið fram á sjónar-
sviðið. Það heitir Hoodia og er
ætlað að hjálpa fólki í hinni eilífu
baráttu við ofþyngd.
Hoodia er nafn á kaktusplöntu
sem vex í Kalahari-eyðimörkinni.
Frumbyggjarnir þar fundu út að
ef þeir lögðu sér til munns bita af
henni fundu þeir hvorki fyrir
hungri né þorsta sem kom sér vel
í löngum ferðum þar sem lítið var
um mat og vatn.
Nú hefur virka efnið í Hoodia
verið unnið í krem sem borið er í
ákveðnu magni á húð einu sinni á
dag. Það dregur að sögn úr matar-
lyst án aukaverkana. Það fæst í
Apóteki Vesturlands á Akranesi
og Versluninni Kristý í Borgar-
nesi. - gun
Til varnar
aukakílóum
Hoodia-megrunarkremið er borið á
húðina.
Vivienne Westwood hannar
hempur fyrir breska útskriftar-
nema.
Tískuhönnuðurinn Vivienne West-
wood hefur undanfarið hannað nýja
útskriftarbúninga fyrir King’s Coll-
ege í London í samvinnu við Ede &
Ravenscroft. Fyrirtækið var stofn-
að 1689 og er því eitt elsta sauma-
fyrirtækið í London sem sérhæfir
sig í skikkjum og hempum og hefur
auk þess saumað hárkollur fyrir
lögfræðistéttina í yfir 300 ár. Allt
síðastliðið ár hefur farið í þessa
vinnu hjá Vivienne Westwood og
munu búningarnir líta dagsins ljós
með vorinu 2008. Beðið er eftir
útkomunni með talsverðri eftir-
væntingu þar sem Westwood er
þekkt fyrir afar frumlega hönnun
og að fara ótroðnar slóðir. Því verð-
ur spennandi að sjá hverju þetta
samstarf hennar og gamalgróins
saumafyrirtækis skilar. - rt
Westwood hannar
skólahempur
Vivienne Westwood er þekkt fyrir
frumleika.