Fréttablaðið - 10.01.2008, Blaðsíða 60

36 10. janúar 2008 FIMMTUDAGUR
Lust, Caution
Ang Lee er aftur kominn til Kína og
birtist nú með erótískan njósn-
atrylli. Hópur leikara ákveður að
koma embættismanni fyrir kattar-
nef en ákveðið vandamál kemur
upp í hópnum þegar ein leikkonan
fellur fyrir fórnarlambinu. Myndin
fékk aðalverðlaunin í Feneyjum en
var ekki gjaldgeng í flokknum besta
erlenda myndin hjá Akademíunni.
Leikstjóri: Ang Lee
Aðalhlutverk: Tony Leung Chiu Wai
og Joan Chen.
IMDB: 8,1/10
The Mist
Bækur og smásögur Stephens King
hafa oftar en ekki ratað með einum
eða öðrum hætti á hvíta tjaldið.
Að þessu sinni er það hrollvekjan
The Mist sem verður fyrir valinu en
hún hefur hlotið prýðilega dóma.
Myndin segir frá dularfullri þoku
sem leggst yfir smábæ í Banda-
ríkjunum með ófyrirsjáanlegum
afleiðingum.
Leikstjóri: Frank Darabont
Aðalhlutverk: Thomas Jane og
Marcia Gay Harden
IMDB: 7,8/10
Frönsk kvikmyndahátíð í vik-
unni:
Persepolis: Frönsk teiknimynd
fyrir alla aldurshópa.
Lögmaður hryðjuverkanna:
Sláandi og ögrandi mynd um
lögfræðinginn sem ver alla verstu
skúrka heims.
Lofaðu mér: Emir Kusturica mætir
til leiks með nýja kvikmynd sem
sló í gegn á Cannes.
2 dagar í París: Leikstjórnarfrum-
raun frönsku leikkonunnar Julie
Delpy.
FRUMSÝNDAR UM
HELGINA
Sean Penn, Paul Thomas Anderson og Coen-
bræður virðast líklegastir til að hreppa til-
nefningu til Óskarsverðlauna en þær verða
kunngjörðar í lok janúar. Samtök leikstjóra í
Bandaríkjunum tilkynntu nýlega hvaða
fimm myndir hefðu verið þeim mest að
skapi á árinu sem var að líða og voru það
góðkunningjar fagverðlauna sem hrepptu
hnossið. Auk Penn, Anderson og Coen-
bræðranna fékk Julian Schnabel tilnefningu
frá starfsbræðrum sínum fyrir Le Scaphand-
re et le papillon og Tony Gilroy fyrir Michael
Clayton.
Kvikmyndin Into the Wild hefur augljós-
lega heillað marga en hún segir frá náms-
manninum Christopher McCandless sem
gefur aleigu sína til góðgerðamála og ákveð-
ur að setjast að í óbyggðum Alaska. Ólík-
indatólið Sean Penn stimplar sig rækilega
inn sem einn eftirtektarverðasti leikstjór-
inn í dag.
There Will Be Blood skartar Daniel Day
Lewis í aðalhlutverki en Paul Thomas And-
erson hefur jafnan sýnt að hann kann þá list
ákaflega vel að segja sögu. Myndin fjallar
um olíubaróninn Daniel Plainview á upp-
hafsárum olíuvinnslu í Texas þar sem
græðgi og trú sameinast í eitt.
Að endingu er það síðan Coen-myndin No
Country for Old Men með Javier Bardem og
Tommy Lee Jones í aðalhlutverkum. Talið er
nokkuð víst að slagurinn um Óskarinn standi
á milli hennar og Anderson-myndarinnar en
No Country for Old Men segir frá manni
sem finnur skjalatösku fulla af peningum,
slatta af heróíni og nokkur lík. - fgg
Enn aukast líkurnar hjá Sean Penn
PENN Stimplar sig rækilega inn sem einn af eftir-
tektarverðustu leikstjórunum í dag.
Fátt var um fína drætti í
kvikmyndahúsum á ár-
inu sem var að líða. 2008
lofar hins vegar góðu þar
sem leikstjórar á borð við
Michael Gondy, Spike Jonze
og David Fincher skjóta
upp kollinum. Bloggsíðan
Splash-films.com valdi 55
kvikmyndir sem áhuga-
menn um kvikmyndir ættu
að bíða spenntir eftir.
Árið hér á landi hefst að sjálf-
sögðu með Óskarsvænum kvik-
myndum. Into the Wild, kvikmynd
Seans Penn, There Will be Blood
eftir Paul Thomas Anderson og
Coen-myndin No Country for Old
Men, eiga allar eftir að rata á hvíta
tjaldið í byrjun ársins og verður
forvitnilegt að sjá hvers vegna hin
fjölbreyttu stéttarfélög kvik-
myndagerðarmanna í Bandaríkj-
unum hafa tilnefnt þessar þrjár til
sinna verðlauna. En síðan hefst
fjörið.
Spennandi stórsmellir
Varla var hægt að hrópa húrra yfir
stórsmellum síðasta árs, þar sem
tæknibrellusafnið Transformers
og fjórða Die Hard-myndin stóðu
upp úr. En 2008 lofar góðu hvað
gróðavonina varðar í Hollywood.
Cloverfield-útspil Lost-höfundar-
ins J.J. Abrams hefur verið mikið
æði á netinu að undanförnu og slík
markaðssetning hefur oftar en
ekki skilað sér margfalt tilbaka.
Indiana Jones snýr aftur í fjórðu
myndinni um fornleifafræðinginn,
orðinn nokkuð grár í vöngum og
nýtur nú aðstoðar sonar síns sem
leikinn er af Shia Labeouf. Spiel-
berg heldur um stjórnartaumana
og því má fastlega gera ráð fyrir
að sérhvert mannsbarn verði söng-
landi stef Johns Williams í byrjun
sumarsins.
En það eru fleiri sem setja sig í
stellingar á nýjan leik. End-
urkomu Leðurblöku-
mannsins í leikstjórn
Chris Nolan var ákaft
fagnað eftir að Holly-
wood-maskínan hafði
nánast gengið af riddara
næturinnar dauðum.
Christian Bale klæðist að
sjálfsögðu skikkjunni og
fær að kljást við kol klikk-
aðan Heath Ledger í
hlutverki
Jókersins.
Mánuði fyrir
jól kemur svo
Bond keyr-
andi á hvíta
tjaldið í 22.
myndinni
um leyni-
þjónustu-
manninn kvensama. Daniel Craig
mátti þola mikla gagnrýni áður en
nokkur hafði séð hann í hlutverki
James en svaraði henni með glæsi-
brag í Casino Royal. Þetta verður í
fyrsta skipti sem Bond-kvikmynd
tekur upp þráðinn frá þeirri síð-
ustu sem ætti að verða forvitni-
legt.
Athyglisvert góðgæti
En Hollywood þykir líka
skemmtilegt að búa til svokallaðar
„gæðamyndir“. Michael Gondy
ríður fyrstur á vaðið með Be Kind
Rewind þar sem Jack Black leikur
mann sem eyðileggur allar myndir
á myndbandaleigu vinar síns.
Framhaldið er síðan bæði kostu-
legt og forvitnilegt. Einnig verður
athyglisvert að sjá hvernig hinum
stórkostlega handritshöfundi
Charlie Kauffman gengur að leik-
stýra sinni fyrstu kvikmynd, Syn-
eodochne, New York, en hann
nýtur aðstoðar gæðaleikarans
Philips Seymour Hoffman.
Peter Jackson mætir síðan um
sumarið með fremur litla mynd á
hans mælikvarða en The Lovely
Bones fjallar um stúlku sem fylg-
ist með leit að líki sínu eftir að hún
er drepin af nágranna sínum. Jafn-
framt verður spennandi að sjá
kvikmynd Jons Avnet, Righteous
Kill, en leikarahópurinn sam-
anstendur af Robert De Niro, Al
Pacino og Martin Scorsese.
M. Night Shyamalan verður
einnig með í pottinum en handritið
að kvikmyndinni The Happening
þykir jafn gott og Sixth Sense.
Hinn aldni höfðingi Clint Eastwood
leikstýrir síðan The Changeling
með Angelinu Jolie í aðalhlutverki
en eiginmaður hennar Brad Pitt
stelur væntanlega senunni af
spúsu sinni þegar The Curios Case
of Benjamin Button eftir David
Fincher verður frumsýnd í lok árs-
ins.
Spurningarmerkin
Að sjálfsögðu eru það síðan vafa-
atriðin sem geta fallið á hvorn veg-
inn sem er. Ironman með Robert
Downey fellur undir þennan
flokk auk stórmyndar Rol-
ands Emmerich, 10.000 BC,
sem gæti orðið næsti smell-
ur eða hreinlega dýrasta og
versta fjárfesting síðari
tíma. Hins vegar er erfitt að
sjá hvernig saga um mamm-
úta-veiðimann á hvíta tjald-
inu geti klikkað.
Emmerich verð-
ur vonandi í
Independ-
ence-stuði
og Godzilla-
áhrif eru
síður en
svo æski-
leg.
Val-
kyrja
Toms
Cruise
er einn-
ig undir
sömu sök
seld, ef smávaxni
leikarinn talar
ensku með þýsk-
um hreim er
fjandinn laus en leikstjórinn Bryan
Singer ætti að geta haldið stór-
stjörnunni í skefjum. Englum og
djöflum eftir bók Dans Brown
hefur verið frestað með jöfnu
millibili og ekki útséð með að
myndin verði frumsýnd á þessu
ári eins og Splash Films heldur
fram. Imdb greinir meira að segja
frá því að hún verði frumsýnd í
maí á næsta ári en yfirmennirnir í
Hollywood eru mikil ólíkindatól.
Vonandi hefur þó Ron Howard
lært af reynslunni, sent Tom Hanks
í klippingu og þá gæti hann orðið
trúverðugur sem táknfræðingur-
inn Robert Langdon.
Af öðrum stórum spurningar-
merkjum má nefna Wachowski-
myndina Speed Racer sem byggð
er á japönskum teiknimyndaþátt-
um og svo Star Trek í leikstjórn
J.J. Abrams enda byggir velgengni
hennar á því að myndin nái að
höfða út fyrir hinn þrönga hóp
Trekkara. - fgg
Spennandi ár fram undan
22 Daniel Craig
sýndi og sannaði
í Casino Royale að
hann er verðugur
arftaki James Bond.
ÓVINUR NÚMER EITT Jókerinn snýr aftur í nýjustu Batman-mynd Chris Nolan en
Heath Ledger þykir ekki gefa Jack Nicholson neitt eftir.
GRÁR Í VÖNGUM Harrison Ford snýr aftur sem Indiana Jones og ætti væntanlega að
geta halað inn nokkrum krónum í kassann með svipuna eina að vopni.
> SPIELBERG FRESTAÐ
Steven Spielberg verður að bíða í eitt ár eftir
heiðursverðlaunum Golden Globe. Þetta var
ákveðið af aðstandendum hátíðarinnar eftir
að ljóst varð að ekki yrði sýnt frá afhendingu
gullhnattarins. Ekki þótti sæmandi að
enginn yrði viðstaddur þegar
sjálfur gullkálfurinn fengi
klapp á bakið fyrir vel
unnin störf.