Fréttablaðið - 10.01.2008, Blaðsíða 62
38 10. janúar 2008 FIMMTUDAGUR
maturogvin@frettabladid.is
Er eldhúsið tóm-
legt?
Jólagardínurnar eru
farnar niður,
mandarínurnar
horfnar og jóla-
skrautið farið. Af
hverju ekki að
splæsa á sig einum
litlum blómvendi eða
skreytingu? Gerir
ótrúlegustu hluti bæði
fyrir eldhúsið og
skammdegisskapið.
Hvaða matar gætirðu síst verið án?
Ég gæti síst verið án Vitaborgara, ég er
fastagestur þar. Gleym-mér-ei borgari
með beikoni á Vitabar, hann er bestur.
Besta máltíð sem þú hefur fengið:
Það var kampavínsleginn kalkúnn í
trufflusveppasósu sem ég fékk á nýárs-
dag 2001 í heimahúsi í Belgíu. Það var
mjög gott.
Er einhver matur sem þér finnst
vondur?
Kavíar finnst mér vondur.
Leyndarmál úr eldhússkápnum:
Kóríander í allan mat. Það virkar á allt.
Hvað borðar þú til að láta þér líða betur?
Ég borða náttúrlega Vitaborgarann ansi oft
til að láta mér líða betur á laugardags- og
sunnudagsmorgnum.
Hvað áttu alltaf til í ísskápnum?
Ég á alltaf til Bónus-appelsínusafa í flösku
og rjómaost.
Ef þú yrðir fastur á eyðieyju, hvað tækirðu
með þér?
Ég myndi taka með mér ólífur og fetaost.
Það er fínt.
Hvað er það skrítnasta sem þú hefur
borðað?
Það skrítnasta sem ég hef borðað er
marglyttuslímsúpa með stórum
tofúbitum í Kína síðasta sumar.
Hún var mjög slepjuleg
og með vægast sagt
undarlegri áferð þar
sem ekkert bersýnilegt
bragð kom í ljós.
MATGÆÐINGURINN HÖGNI EGILSSON TÓNLISTARMAÐUR
Marglyttusúpa undarlegasta máltíðin
Pítur hafa notið nokkurra vin-
sælda hér á landi, og þá helst í
félagsskap nautahakks eða annars
kjötmetis, og pítusósunnar góðu.
Þær er þó hægt að bera á borð í
töluvert öðruvísi búningi. Utan-
lands tíðkast til dæmis að hluta
brauðið í sundur og skera í sneið-
ar, krydda og baka í ofni til að búa
til aðeins skemmtilegra snakk en
það sem kemur upp úr brakandi
pokum.
Slíkar pítuflögur henta ljómandi
vel með ýmiss konar ídýfum, sem
og hummusi, sem á rætur sínar að
rekja til sama svæðis og pítu-
brauðin. Kryddtegundir fara svo
eftir smekk heimilisfólks. Það má
fara auðveldu leiðina og lífga bara
upp á brauðið með sjávarsalti, eða
krydda flögurnar eftir mexíkósk-
um hefðum, með chili, kóríander
og hvítlauk, ef svo ber undir. Salt,
pipar og basilíka eru ekki verri
kostur og svo mætti lengi telja.
Berið ólívuolíu á flögurnar og
bakið í ofni, á bökunarpappír, þar
til þær eru orðnar gullinbrúnar.
Pítur í flöguformi
Kvöldskóli Kópavogs er einn
þeirra sem bjóða upp á matreiðslu-
námskeið fyrir almenning. Á vor-
önninni eru þar nokkur spennandi
námskeið í boði fyrir þá sem vilja
aðstoð við að taka fyrstu skrefin í
eldhúsinu, eða bæta við sig þekk-
ingu.
Á dagskránni er meðal annars
námskeið í hollum suðrænum rétt-
um frá Miðjarðarhafslöndunum,
þar sem nemendur fá meðal ann-
ars að kynnast réttum úr hinni
víðfrægu frönsku matarhefð og
matarmenningu Norður-Afríku.
Áhugafólk um hráfæði fær tæki-
færi til að kynna sér það nánar, og
einnig er boðið upp á námskeið í
bauna-, pasta- og grænmetisrétt-
um. Kvöldskólinn heldur svo
áfram með námskeiðin Matargerð
fyrir karlmenn, bæði á grunn- og
framhaldsstigi.
Námskeið fyrir alla
PÍTUFLÖGUR Búðu til þitt eigið snakk
með því að baka niðurskorna pítu í ofni
með uppáhaldskryddinu þínu.
NORDICPHOTOS/GETTY
FRÁ FRAKKLANDI TIL AFRÍKU Á meðal
þess sem Kvöldskóli Kópavogs býður
upp á í ár er námskeið í hollum réttum
frá Miðjarðarhafslöndunum.
NORDICPHOTOS/GETTY
Vill hafa vesen í eldhúsinu
Ástrós Gunnarsdóttir, dansari og danshöf-
undur, vill helst verja löngum tíma í eld-
húsinu. Hún býður þó upp á rétt í fljótlegri
kantinum í þetta skiptið.
„Þessi kjúklingaréttur er bæði þægilegur og léttur,
en það er alls ekki vaninn á okkar heimili,“ segir
Ástrós og hlær við, en hún deilir uppskrift að
kjúklingi með ferskum chili með lesendum Frétta-
blaðsins í þetta skipti. Þrátt fyrir mikið magn af
salti og chili segir Ástrós hann síður en svo eldheit-
an.
„Það er yfirleitt meira tilstand í kringum matartím-
ana hjá okkur, og mér finnst persónulega skemmti-
legra að elda þegar það er meira vesen,“ segir
Ástrós, sem kveðst vilja eyða löngum tíma bæði í að
elda matinn og borða hann. „Allt sem heitir tilbúið,
fljótlegt eða fljótlært er ekki mikið á mínum
vogarskálum,“ bætir hún við.
Ástrós segist skoða matreiðslubækur í törnum og
vinna sig út frá uppskriftum í þeim. „Ég er reyndar
svolítið meira í grófleika í eldhúsinu, en sambýlis-
maður minn sér svo um franska eldhúsið. Það er fínt
að skipta þessu upp,“ segir hún.
Ástrós kennir pílates og er um þessar mundir að
hefja ný námskeið. Þar að auki sér hún um dans og
hreyfingar fyrir uppsetningu á Óþelló í Borgarleik-
húsinu, sem afrakstur samstarfs leikhússins við
Draumasmiðjuna. „Eftir það fer ég að vinna
dansverkefni með Láru Stefánsdóttur sem við
stefnum á að sýna í apríl eða maí, svo það er nóg að
gera,“ útskýrir Ástrós.
Chilikjúklingur
1 heill kjúklingur
4 rauð chili
2 bollar ólífuolía
sjávarsalt
1 lime eða sítróna
Grænmeti eftir smekk
Skinnið tekið af kjúklingnum, og hann lagður á
magann í eldfast mót. Vel af góðri ólífuolíu hellt yfir
hann, Ástrós segist nota heilan bolla á hvora hlið.
Kjúklingurinn þakinn með góðu sjávarsalti og
helmingnum af ferska, saxaða chilipiparnum. Takið
fræin ekki úr piparnum. Kjúklingnum snúið við og
leikurinn endurtekinn. Bútið lime eða sítrónu í 2-3
hluta, setjið inn í kjúklinginn.
Ástrós lætur grænmeti oft fljóta með í fatið. Hún
mælir með tveimur stórum rauðlaukum og brokkólí-
haus, eða sætum kartöflum, allt eftir smekk fólks.
Dreypið ólífuolíu yfir það líka.
Hitið ofninn í botn meðan á undirbúningi stendur.
Setjið kjúklinginn inn með álpappír yfir og lækkið í
180 gráður. Hafið álpappírinn yfir í hálftíma,
fjarlægið hann, en haldið áfram að elda kjúklinginn
í þrjú kortér til klukkutíma.
Ástrós mælir með því að bera kjúklinginn fram
með kúskúsi eða hrísgrjónum og fersku salati.
sunna@frettabladid.is
FLJÓTLEGUR MATUR EKKI Í UPPÁHALDI Ástrós Gunnarsdóttir
vill helst verja löngum tíma í eldhúsinu, bæði við matreiðslu
og þegar sest er að borðum. FRÉTTABLAÐIÐ/AUÐUNN