Fréttablaðið - 10.01.2008, Blaðsíða 68
44 10. janúar 2008 FIMMTUDAGUR
sport@frettabladid.is
7
DAGAR
Í EM
Í HANDBOLTA
HANDBOLTI Nýir menn tóku við
stjórnartaumunum í dómaranefnd
HSÍ fyrir tímabilið og þeir hafa
unnið markvisst að því að bæta
dómaramenninguna í heild sinni.
Framganga nefndarinnar hefur
vakið athygli.
„Þetta starf hefur rúllað í gegn-
um árin en það hefur ekki verið
tekið á ákveðnum hlutum og við
erum að reyna að breyta því núna
á margvíslegan hátt. Meðal ann-
ars með því að samræma dóm-
gæsluna við alþjóðadómgæsluna
enda ekki eins dæmt hér heima og
úti. Svo erum við að breyta eftir-
litsþættinum mikið og erum að
reyna að vera meira áberandi auk
þess sem við höfum boðist til að
taka á okkur helmingslaunalækk-
un svo félögin vilji fá okkur á
fleiri leiki,“ sagði Guðjón sem er
ánægður með hvernig starfið
hefur gengið.
Dómaranefndin gaf út áherslur
í dómgæslunni fyrir tímabilið og
hefur nú sent frá sér skýrslu um
hvað var í lagi og hvað var ekki í
lagi í þeim efnum. Samkvæmt
skýrslunni eru dómararnir á réttri
leið með flest áhersluatriðin en
einn hlutur hefur ekki gengið sem
skyldi og hann varðar aukið frjáls-
ræði á skiptimannasvæðinu sem
hvorki dómarar né þjálfarar virð-
ast hafa ráðið við.
„Menn ná ekki að höndla þetta
og það hefur valdið mér miklum
vonbrigðum. Hvorki þjálfarar né
dómarar hafa náð að vinna saman
í þessu máli og það er of mikið
ósamræmi hjá dómurunum hvar
eigi að draga línuna þarna. Þess
vegna höfum við hert reglurnar
þannig að aðeins einn maður má
nú standa á bekknum í einu og
annað. Þegar menn ná svo tökum á
því reynum við að taka aftur skref
fram á við,“ sagði Guðjón.
„Menn eru misvel uppaldir á
bekknum. Sumum þjálfurum
blöskrar hegðun sumra kolleg-
anna og það er vont að grípa til
þessara aðgerða því margir hverj-
ir eru með sín mál í lagi. Því miður
eru enn til menn sem ráða ekki við
sjálfa sig eða bekkinn og því verð-
ur eitt yfir alla að ganga,“ sagði
Guðjón sem auglýsir eftir konum.
„Ég lagði mikla áherslu á að fá
konur inn í nefndina. Þar er fyrir
ein kona og það er einn stóll auður
sem ég vil fá konu í. Einnig vantar
konur í dómgæslu en það mætti
ein á námskeið um daginn. Von-
andi koma fleiri í kjölfarið.“ - hbg
Dómaranefnd HSÍ hefur verið mjög áberandi í vetur og ætlar að halda góðu starfi sínu áfram:
Vantar fleiri konur í dómarahreyfinguna
HASAR Það hefur oft verið mikill hasar í kringum ritaraborðið í vetur. Hér sendir
Einar Jónsson, þjálfari kvennaliðs Fram, Helgu Magnúsdóttur eftirlitsmanni tóninn
en hin reynda Helga lætur sér fátt um finnast. FRÉTTABLAÐIÐ/VALLI
> Miðasala hafin á Tékkaleikina
Síðustu landsleikir íslenska handboltalandsliðsins fyrir
EM í Noregi fara fram á sunnudag og mánudag gegn
Tékkum. Íslenska liðið heldur svo utan á þriðjudaginn
en fyrsti leikur liðsins á EM er gegn Svíum á fimmtudag.
Miðasala á landsleikina tvo gegn Tékkum er hafin á vef-
síðunni midi.is. Miðaverð er 1.200 kr. en báðir
leikirnir fara fram
í Laugardalshöll-
inni. Landsmenn
eru hvattir til að
fjölmenna á
völlinn og styðja
strákana ræki-
lega fyrir átökin í
Noregi.
EM-HÓPUR ALFREÐS
Eftirfarandi leikmenn hafa þegar
tryggt sér farmiða til Noregs:
Birkir Ívar Guðmundsson
Hreiðar Levý Guðmundsson
Roland Valur Eradze
Guðjón Valur Sigurðsson
Logi Geirsson
Arnór Atlason
Jaliesky Garcia Padron
Snorri Steinn Guðjónsson
Ólafur Stefánsson
Einar Hólmgeirsson
Alexander Petersson
Ásgeir Örn Hallgrímsson
Róbert Gunnarsson
Vignir Svavarsson
Sverre Andreas Jakobsson
Eftirfarandi leikmenn berjast um
síðustu tvö sætin:
Sigfús Sigurðsson
Hannes Jón Jónsson
Bjarni Fritzson
HANDBOLTI Evrópumótið í handknattleik hefst
eftir nákvæmlega eina viku en þá mæta Íslend-
ingar frændum vorum Svíum í fyrsta leik. Und-
irbúningur landsliðsins er á fullu þessa dagana
og síðustu tveir æfinga- leikirnir
eru gegn Tékkum á sunnu-
dag og mánudag.
Alfreð hefur þegar
valið 15 leikmenn til
þess að fara á EM en
ætlar utan með 17
manna hóp. Þeir þrír
sem berjast um síðustu
tvö sætin eru Sigfús Sig-
urðsson, Hannes Jón Jónsson
og Bjarni Fritzson.
„Ég mun velja endanlegan hóp eftir
síðari Tékkaleikinn á mánudag. Ég fer
með 17 manna hóp með mér út og þar
með höfum við fleiri möguleika en ella.
Ég mun taka alla þrjá markverðina sem
hafa verið að æfa en ég er búinn að fylla nú
þegar í 15 sæti með fyrirvara um að Sverre
verði orðinn heill heilsu sem ég vonast
til. Þá fer hann klárlega með
okkur út. Ég var
þegar búinn að
tilkynna Sigur-
bergi Sveinssyni að hann komi
ekki með og þá standa 18 eftir. Þeir
sem eru enn að berjast um sæti eru þá
Sigfús, Hannes og Bjarni,“ sagði
Alfreð við Fréttablaðið í gær en
bæði Sigfús og Hannes fóru með B-
liðinu til Noregs þar sem það leik-
ur á Posten Cup um helgina.
Alfreð talaði um tíma um að
taka hugsanlega annan hrein-
ræktaðan vinstri horna-
mann með til Noregs þar
sem ástandið á Guðjóni
Val væri tæpt og var
Baldvin Þorsteins-
son þá helst nefnd-
ur í því samhengi.
Það er dottið upp fyrir enda hefur bati Guðjóns
verið mjög góður og hann í fínu standi.
„Ég hef svo Loga til að leysa hann af ef á þarf
að halda. Ef Hannes fer með þá gæti hann líka
leyst þá stöðu. Eins og staðan er í dag þá er ljóst
að Logi leysir Guðjón af ef hann meiðist. Hvað
varðar Bjarna þá kemur hann
sterklega til greina þar sem
Alexander er eini hreintæktaði
hægri hornamaðurinn hjá
okkur og er meiddur. Það á
eftir að koma í ljós hvernig
hann þolir allt álagið eftir að
hafa verið lengi meiddur á
ökklanum,“ sagði Alfreð en
Alexander hefur verið í stífri
meðferð og hvílt þess
á milli.
Hann mun því ekkert æfa með liðinu fyrr en á
föstudag. Endurhæfing hans gengur vel að sögn
Alfreðs.
Sverre hefur verið mjög veikur síðustu daga
og þurft að leggjast inn á spítala. Alfreð segir
það væntanlega skýrast um helgina hvort hann
eigi möguleika að koma með til Þrándheims.
„Hann er allur að koma til en svo er spurning
hvað hann getur hreyft sig mikið um helgina
og hvað hann verður lengi að ná sínum fyrri
styrk aftur eftir þessi miklu veikindi. Ef hann
getur ekki gengið eða hreyft sig þá er ástand-
ið ekki bjart með hann og ég hef verið að æfa
vörnina síðustu daga til að bregðast við verði
hann ekki með,“ sagði Alfreð en hann útilok-
ar ekki að kalla á Húsvíkinginn Guðlaug Arn-
arsson, leikmann Malmö, komist Sverre
ekki með. „Það er möguleiki. Gulli
þekkir líka hvað ég er að gera síðan
hann var hjá mér í Þýska-
landi. Hann þekkir þetta
allt og stendur sig mjög
vel með B-liðinu,“ sagði
Alfreð Gíslason.
henry@frettabladid.is
Þrír menn berjast um tvö laus sæti
Alfreð Gíslason landsliðsþjálfari er búinn að velja 15 manna hóp sem fer á EM í Noregi. Alfreð ætlar utan
með 17 manna hóp og þeir Sigfús Sigurðsson, Hannes Jón Jónsson og Bjarni Fritzson berjast um tvö síðustu
sætin. Alfreð setur fyrirvara við Sverre Andreas Jakobsson verði hann enn fárveikur um helgina.
SIGFÚS OG KJÚKLING-
ARNIR
Reynsluboltinn Sigfús Sig-
urðsson etur kappi við
hina ungu og lítt reyndu
Hannes Jón Jónsson og
Bjarna Fritzson um tvö
laus sæti í EM-hópi
Alfreðs Gíslasonar.
Sverre Andreas Jakobsson, leikmaður íslenska landsliðs-
ins í handbolta, fékk slæma vírussýkingu á LK-mótinu í
Danmörku um síðustu helgi og gat ekki leikið síðasta
leik Íslands í mótinu gegn Danmörku.
„Þetta eru búnir að vera svakalegir dagar og ég
held ég hafi bara aldrei lent í öðru eins,“ sagði
Sverre sem byrjaði að finna fyrir óþægindunum
fyrir leik Íslands og Noregs á laugardeginum.
„Ég fann að ég var eitthvað að veikjast fyrir
leikinn gegn Norðmönnum en lét mig hafa
það að spila leikinn og hélt að þetta væri
nú ekkert stórmál. Mig grunaði helst að allir
þessir próteindrykkir og vítamín sem við erum
búnir að vera að borða hafi farið eitthvað illa í
mig, en „partíið“ byrjaði svo á laugardagskvöldið.
Ég svaf lítið næstu nætur á eftir og gat ekki haldið
neinu niðri,“ sagði Sverre sem hefur mikið til verið
á sjúkrahúsi síðan hann kom aftur heim til Íslands
á sunnudagskvöld.
„Það var svo strax reynt að koma einhverjum mat og vökva í mig
og ég hef verið í meðferð á sjúkrahúsi síðan á sunnudagskvöld þar
sem ég fæ vökvanæringu í æð. Ég var enn mjög slappur á mánu-
daginn en leið strax betur á þriðjudeginum og ældi ekki í ein-
hverja tíu tíma sem var mikil framför,“ sagði Sverre í léttum
dúr og leið að sögn enn betur í gær.
„Það er kannski merki um að mér sé farið að líða betur
að ég get grínast með þetta og get hlegið að sjálfum mér,
en mér var ekki hlátur í huga um helgina og á mánudag-
inn,“ sagði Sverre sem stefnir ótrauður að því að vera með
á Evrópumótinu sem hefst 17. janúar næstkomandi.
„Ég ætla að taka því rólega og reyna ná mér sæmileg-
um á næstu dögum fram að helgi og svo vonandi get ég
farið að gera eitthvað með landsliðinu fljótlega. Það hefur
allavega enginn afskrifað það að ég taki þátt í Evrópumótinu
enn þannig að ég sé enga ástæðu til annars en að vera
bjartsýnn á að geta verið með í mótinu,“ sagði Sverre sem
var útskrifaður af sjúkrahúsinu í gær, en fer aftur til skoðunar
á morgun.
SVERRE ANDREAS JAKOBSSON: FÉKK VÍRUSSÝKINGU OG ER Í KAPPHLAUPI VIÐ AÐ NÁ FULLRI HEILSU FYRIR EM
Ég held ég hafi bara aldrei lent í öðru eins
HANDBOLTI Marcus Ahlm, einn
besti línumaður heims og
lykilmaður í sænska landsliðinu,
varð fyrir því óhappi á dögunum
að skera sig í puttann þegar hann
var að reyna fyrir sér í eldhúsinu.
Ahlm, sem leikur með Kiel í
Þýskalandi, var að skera niður
avókadó-ávöxt þegar að hann
skar sig í vísifingurinn.
Ahlm hefur þó engar áhyggjur
af því að missa af fyrsta leiknum
á EM sem verður gegn Íslandi 17.
janúar en það er þó ljóst að það er
ekki gott fyrir línumann, sem
reiðir sig á að grípa hvaða bolta
sem er ef hann er með sár á
fingrinum. - óój
Svíar sjálfum sér verstir:
Marcus Ahlm
skar sig á putta
KLAUFI Marcus Ahlm var nærri því
búinn að skera af sér vísifingurinn.
NORDICPHOTOS/AFP