Fréttablaðið - 23.11.2015, Page 2

Suðvestan og vestan 15-23 m/s, hvassast
syðst á landinu, víða skúrir eða slydduél, en
hægara og bjart með köflum fyrir austan.
Kólnandi veður þegar líður á daginn, fyrst
norðvestantil og fara þá skúrirnir yfir í él.
Sjá Síðu 18
Veður
félagSmál Lýðheilsusetrið Ljós-
brot er nýtt fyrirtæki sem býður
ungu fólki á aldrinum 18 til 25 ára
dagsmeðferð eða endurhæfingu.
Prógrammið byggir á HOLOS-kerf-
inu sem lítur til manneskjunnar í
heild sinni. Mikill áhugi er á því að
sögn Elísabetar Gísladóttur, fram-
kvæmdastjóra Lýðheilsusetursins,
bæði af hálfu ungs fólks sem vantar
aðstoð og fagfólks sem vill hjálpa.
Elísabet stofnaði Lýðheilsusetrið
ásamt Ölmu Rut Lindudóttur  og
Kolbrúnu Ingibergsdóttur, allar
höfðu þær unnið í Götusmiðjunni.
Hugmyndin að prógramminu spratt
upp þegar þeim varð ljóst að ekkert
tæki við krökkum að vímuefnameð-
ferð lokinni.
„Þau eru full af von og langar að
takast á við lífið. Oft á tíðum eru
þetta krakkar sem eru af annarri og
þriðju kynslóð svokallaðra „kerfis-
fræðinga“, sem þekkja ekki mikið
annað heldur en að þurfa á félags-
hjálp að halda,“ segir Elísabet.
Markmiðið með prógramminu er
að brjóta vítahringinn.
Lýðheilsusetrið er til húsa í Síðu-
múla og býður upp á  þrjár átta
vikna lotur sem eru miskrefjandi.
„Við sækjum þau á morgnana, og
þau fara í prógramm þar sem þau fá
bæði sálgæslu, áfallahjálp og með-
ferð við fíkn. Síðan styðjum við þau
með áherslu á næringu, hreyfingu,
líðan og lífsstíl sem fylgir lýðheilsu-
legu markmiði,“ segir Elísabet.
Þátttakendum  er meðal annars
boðið upp á fjármálalæsi, líkams-
rækt, listþerapíu, og náms- og starfs-
ráðgjöf sem metur áhugasvið þeirra.
„Það er markmið okkar að þau
verði sjálfbær eftir að þau koma frá
okkur,“ segir Elísabet. Hún bætir við
að þátttakendur hafi áhrif á að móta
prógrammið. „Það eru margir sem
koma að þessum pakka til að gera
hann heilan og hann verður alltaf í
þróun til að mæta nýjum kröfum.“
Þjónustan er ekki einungis í boði
fyrir ungt fólk með vímuefnavanda,
heldur einnig fyrir krakka sem hafa
til dæmis dottið út úr framhaldsskóla.
„Þjónustan er formlega að fara af
stað um þessar mundir, en nú þegar
eru fimm einstaklingar á fjórðu viku
í lotunni,“ segir Elísabet.
Yfir þrjátíu sjálfboðaliðar, meðal
annars læknar, áfengisfræðingar og
félagsráðgjafar koma að starfsem-
inni. Lýðheilsusetrið er fjármagnað
af styrkjum frá einstaklingum og
fyrirtækjum. Næsta skref er að kynna
starfsemina fyrir sveitarfélögum og
ríkinu og leita til samninga við þau.
saeunn@frettabladid.is
Götusmiðjukonur gera
unga í vanda sjálfbæra
Þrír fyrrverandi starfsmenn Götusmiðjunnar hafa komið á fót úrræði fyrir ungt
fólk með fjölþættan vanda. Byggt er á kerfi sem lítur til manneskjunnar í heild.
Í boði er meðal annars áfallahjálp, meðferð við fíkn og leiðsögn í fjármálalæsi 
Hellisbúinn selur hangilæri
Stærsti matarmarkaður landsins, Matarmarkaður Búrsins, fór fram í Hörpu um helgina. Eiður E. Kristinsson var staddur á markaðnum og seldi
kjötvörur úr búi sínu undir merkinu Hellisbúinn Hrólfsstaðahelli. Meðal þess sem hann var að selja var hangilæri. Fréttablaðið/SteFán
Varnarmál David Cameron, for-
sætisráðherra Bretlands, hyggst
leggja tillögu fyrir breska þingið
á næstu dögum um loftárásir gegn
hryðjuverkasamtökunum ISIS í
Sýrlandi. Áætlað er að árásirnar
hefjist fyrir jól samkvæmt heim-
ildum Telegraph.
Í frétt á vef blaðsins kemur fram
að Cameron muni fara til Parísar í
dag til að ræða hernaðaráætlunina
við François Hollande Frakklands-
forseta. Þá mun Vladimir Pútín
Rússlandsforseti fara til Íran til
að ræða ástandið við yfirvöld
þar. Í kjölfarið mun Hollande svo
halda til fundar við Barack Obama
Bandaríkjaforseta í Washington
til að ræða hertar aðgerðir Banda-
ríkjanna gegn ISIS.
Öryggisráð Sameinuðu þjóð-
anna samþykkti einróma í vikunni
að stórefla aðgerðir gegn ISIS eftir
hryðjuverkaárásirnar í París.
Þá hélt Obama Bandaríkjafor-
seti blaðamannafund í Malasíu í
gær þar sem hann sagði að alþjóð-
legt bandalag gegn ISIS myndi ekki
gefast upp fyrr en samtökin hefðu
verið upprætt.
Þá ítrekaði  hann afstöðu sína
um að Bandaríkin tækju við Sýr-
lenskum flóttamönnum og minnti
á að þeir væru einfaldlega venju-
legt fólk í leit að öruggu skjóli. 
- sg, srs
Bretar ætla að
hefja loftárásir
fyrir jól
David Cameron leggur tillögu fyrir
breska þingið á næstu dögum um loft-
árásir gegn iSiS. nOrDiCPHOtOS/aFP
menning Bæjarráð Hveragerðis-
bæjar samþykkti á fimmtudag-
inn að úthluta lóðinni Austur-
mörk 6, 8 og 10 til umráða undir
safn um íslenska hestinn.
„Mjög flott hugmynd sem ég
efast ekki um að verður vinsæl
á meðal ferðamanna, íslenskra
sem erlendra,“ segir Aldís Haf-
steinsdóttir, bæjarstjóri Hvera-
gerðisbæjar, á bloggsíðu sinni.
Áður voru uppi áform um að
byggja björgunarmiðstöð á lóð-
inni á Austurmörk en ekki verður
af því. Bæjarráð samþykkti því að
úthluta Sigurbirni Viktorssyni og
Viktori Sveinssyni lóðinni þegar
formleg umsókn og tilskilin gögn
liggja fyrir sem á að vera í síðasta
lagi 1. desember. - sg
Íslenskir hestar
fá sitt eigið safn
í Hveragerði
lýðheilsusetrið ljósbrot býður ungu fólki sem glímir við margs konar vanda náms-
og starfsráðgjöf. Fréttablaðið/VilHelm
Oft á tíðum eru
þetta krakkar sem
eru af annarri og þriðju
kynslóð svokallaðra „kerfis-
fræðinga“, sem þekkja ekki
mikið annað heldur en að
þurfa á félags-
hjálp að halda.
Elísabet Gísladóttir,
framkvæmdastjóri
Lýðheilsusetursins.
2 3 . n ó V e m b e r 2 0 1 5 m á n u D a g u r2 f r é t t i r ∙ f r é t t a b l a ð i ð