Kiwanisfréttir - 01.04.2006, Blaðsíða 11

LÍF LIGGUR VIÐ
Miklu veldur sá er upphafinu
veldur. Tvær ungar konur,
Alma Geirdal og Edda Yrr
Einarsdóttir eru af eigin
frumkvæði að koma af stað
hreyfingu þeirra sem eiga við
átröskun að stríða. Við
þekkjum kjörorðið "styðjum
sjúka til sjálfsbjargar". Þannig
vinna þær en án bakstuðnings
og án fjármagns.
Þær heimsóttu fund í
Kiwanisklúbbnum Jörfa þann
9. janúar 2006. Eftir fundinn
var skotið á fundi Styrkt-
arnefndar og strax á eftir fundi
stjórnar að viðstöddum
almennum fundarmönnum
klúbbsins. Þar var ákveðið að
styðja starf þeirra með ráðum
og dáð. Fyrsti sýnilegi
votturinn var 100.000 kr.
fjárframlag Þessum peningum
var ætlað að létta þeim
byrjunina. Ekki mun af veita.
Þær hafa ekki fastan samastað.
Það hefði verið táknrænt að
afhenda þeim peningana úti í
skafli til að sýna aðstöðuleysið.
Kiwanisklúbburinn Jörfi hefur
boðist til að vera bakhjarl
þeirra eftir efnum og ástæð-
um. Þær eru ævinlega vel-
komnar með sín mál hvernig
sem klúbbnum tekst svo að
aðstoða þær. Vonandi tekst að
fá fleiri og öflugri aðila til að
styðja þær og þetta málefni.
Það var ánægjulegt að sjá í
blöðunum að þeim var veitt
viðurkenning Fréttablaðsins,
1.000.000 kr. sem þær tóku við
úr hönd forseta Islands. Því
miður ná svona styrkveitingar
bara svo skammt. Það þarf
húsnæði, og aðra aðstöðu og
straum fjármuna til að halda
verkinu gangandi svo ná megi
til þeirra þúsunda sem geta
ekki hjálpað sér sjálfar án
samstöðu og faglegrar að-
stoðar.
Kiwanis er sterkt net sem
getur breytt ásýnd og við-
horfum þjóðfélags. Það
sannaðist þegar ferðamögu-
leikum fatlaðra var komið á
legg. Það er líka hægt í þessu
máli. Líf liggja við. Mörg líf.
Jörfi hefur lagt til að
Eddusvæðið geri það að
átaksverkefni að þoka málum
þeirra áleiðis. Kiwanishreyf-
ingin getur ef til vill gert starfi
þeirra mest gagn með því að
nota tengsl við þá sem vel eru
settir í þjóðfélaginu svo þeir
geti komið fótunum undir
starfsemina með raunhæfum
hætti. Framtak Fréttablaðsins
er fagnaðarefni. Megi þeim
endast áhugi til að koma þessu
máli áfram meðal fjármála-
manna og ráðamanna.
Miklu veldur sá er upphafinu
veldur. Kiwanis getur enn og
aftur stutt upphaf góðra verka.
7. mars 2006
Guðm. Helgi Guðjónsson
Blaðafulltrúi Jörfa
MINNING UM MERKILEGT FRAMTAK
Hann er kannski ekki glæsi-
legur, dálítið þreytulegur og
greinilega vannærður og illa
hirtur. Hann líkst nú samt
fyrsta bílinum sem gerður var
sérstaklega út til að gera
fötluðum kleift að komast
leiðar sinnar eins og öðrum
íbúum höfuðborgarsvæðisins.
Þá var hann glæsilegur,
einstakur og óþreytandi í að
þjóta um borg og bý.
Þetta er Kiwanisbíllinn. Bíll
sem var sérbyggður og fluttur
inn sem slíkur árið 1977 til
þess að annast akstur með
fatlaða um höfuðborgar-
svæðið. Bíll sem Kiwanis-
félagar klúbbanna í Reykjavík
keyptu gerðu út og óku sjálfir í
sjálfboðavinnu uns lögboðin
yfirvöld tóku við rekstrinum.
Þar með var ísinn brotinn. Það
er ekki að undra þótt hann sé
ræfilslegur fyrst hann var
ísbrjótur í upphafi.
Síðan er orðin stórfelld
breyting í ferlimálum fatlaðra.
Nú þeysa margir sérútbúnir
bílar um göturnar og veita þá
þjónustu sem Kötlufélagar
hrundu af stokkunum með því
að ráðast í kaupin á bílnum.
Ef bjarga á þessum bíl frá
endanlegri eyðileggingu og
förgun verður að vinda bug að
því hið bráðasta. Að því verða
allir klúbbarnir sem að málinu
komu á sínum tíma að koma á
nýjan leik.
Bíllinn er nægjanlega heillegur
til þess að gerlegt er að gera
við hann. Margir bílasmiðir
geta komið að svona máli.
Hreyfibúnaðurinn er sjálfsagt
orðinn stirður eða fastur svo
bifvélavirkjar geta líka fengið
að koma að málinu. Bólstrun
og innri búnaður er þannig að
þar verður nóg að gera.
Það er bráðnauðsynlegt að
koma bílnum í skjól. Verið er
að leita að þurru og góðu
húsnæði sem hægt er að vista
hann í uns verkáætlun liggur
fyrir og hafist verður handa
um viðgerðina.
Þeir sem ekki koma beint að
verkinu geta sem hægast leitað
fjármuna til verksins, til kaupa
á varahlutum og efni og þeim
þáttum sem enginn er tilbúinn
að leggja fram í sjálfboðavinnu
Þeir sem komu að uppruna-
legum kaupum og rekstri
bílsins þurfa að skrifa söguna,
allt frá upphafi þar til aðrir
yfirtóku starfsemina. Þetta
þarf að setja á vegleg plaköt
með merkjum Kiwanis í bak
og fyrir.
Kiwanisklúbburinn Jörfi hefur
fengið heimild til að taka
bílinn að sér, koma honum í
stand og vista hann til sýnis til
dæmis á Samgöngusafninu í
Skógum eða þar sem Kiwanis-
félagar koma sér saman um.
Mynda þarf framkvæmda-
nefnd sem í verði fulltrúar
allra þeirra klúbba sem vilja
koma að málinu.
Kiwanisbílinn á svo að draga
fram á tyllidögum og aka
honum með í hópferðum til
dæmis á 17. júní Kiwanis á
Islandi til vegs og dýrðar en
kannski þó fyrst og fremst til
að stappa stálinu í menn sem
vilja koma góðum málum
fram en vex verkið í augum.
Þetta er hægt. Það sést best á
stöðunni í dag í ferðaþjónustu
fatlaðra.
7. mars 2006
Guðm. Helgi Guðjónsson
Blaðafulltrúi Jörfa
11