Kiwanisfréttir - 01.04.2006, Blaðsíða 18
KIWANISKLUBBURINN SETBERG OPNAR
FYRSTA INTERNET HAPPDRÆTTIÐ
Kiwanisklúbburinn Setberg
opnar fyrsta Internet happ-
drættið.
Kiwanisklúbburinn Setberg í
Garðabæ varð 30 ára á síðasta
starfsári. I því tilefni hefur
klúbburinn skoðað möguleika
á að stokka upp fjáröflunar-
aðferðir sínar. A undanförnum
mánuðum hefur klúbburinn
unnið að því í samstarfi við
hugbúnaðarfyrirtækið Cofus
ehf að hefja fjáröflun með
rafrænum hætti. Setberg mun
með þessu samstarfi verða
fyrstur Kiwanisklúbba til að
nýta nýja fullkomna rafræna
fjáröflunarlausn fyrir góð-
gerðafélög sem Cofus ehf
hefur þróað. Lausnin byggir á
tækni og þjónustu Cofus ehf,
sem mun annast allan rekstur,
tæknilega útfærslu og ráðgjöf.
Hannaður hefur verið rafrænn
happdrættisleikur, "Milljóna-
tombólan", sem leikinn verður
á Netinu, en hægt verður að
kaupa miða eða inneignir bæði
á Netinu og í verslunum, auk
þess sem fyrirtæki geta keypt
inneignir sem auglýsingavöru
í stærra magni, til að gefa
viðskiptavinum sínum mögu-
leika á að freista gæfunnar
með því að spila í happ-
drættinu.
Milljónatombólan er byggð
upp sem hlutaveltuleikur, þar
sem í boði verða glæsilegir
vinningar, þ.á m. 1 milljón í
fyrsta vinning og allt að 1,2
milljónir í lukkupotti, sem
dreginn verður út þegar
ákveðið hlutfall miða hefur
selst. Vinningar verða greidd-
ir út í rafrænum gjafabréfum
og geta vinningshafar skipt
vinningum sínum niður á
gjafabréf frá mörgum versl-
unum. I fyrstu verða 9
verslanir samstarfsaðilar en
hugsanlegt að þeim fjölgi
þegar fram dregur.
Dómsmálaráðuneytið veitti
leyfi fyrir happdrætti þessu
með bréfi dags. 5. desember sl.
og er þetta fyrsta leyfið sem
gefið er út á íslandi vegna
happdrættis sem eingöngu er
spilað á Internetinu.
Kiwanisklúbburinn Setberg
ríður á vaðið með þessa nýju
aðferð í fjáröflun, en áhugi er á
að færa út kvíarnar og gefa
öðrum Kiwanisklúbbum
innan umdæmisins færi á að
gerast aðilar að starfinu í
næstu áföngum. Ekkert er því
til fyrirstöðu að fleiri félög
tengist starfinu, en sem dæmi
munu nokkur félagsamtök um
taugasjúkdóma verða í
samstarfi við Setberg þar sem
allur ágóði af fyrstu umferð
Milljónatombólunnar mun
renna til styrktar málefnum
tengdum fólki sem stríðir við
taugasjúkdóma. Félögin sem
um ræðir eru MND-félag
íslands, MS-félag íslands,
MG-félag Islands, Parkinson-
samtökin á Islandi, LAUF og
Heilaheill.
"Við trúum því að hér sé um
byltingu að ræða í fjáröflunar-
starfi fyrir góðgerðafélög.
Með því að beita nýjustu tækni
til hins ítrasta eins og lausn
Cofus gerir kleift, sparast
miklir fjármunir og fyrirhöfnin
verður allt önnur. Nú getum
við einblínt á það sem við
erum bestir í og gert það enn
betur, þ.e. að virkja sambönd
félagsmanna. Með þessari
fjáröflunaraðferð hefur Cofus
gert okkur kleift að þurfa ekki
lengur að ganga bónleið til
fyrirtækja til að taka þátt í
starfinu með okkur, því eins
og þessu er stillt upp, þá er
það bæði ábatasamt og
eftirsóknanvert fyrir fyrir-
tækin að eiga hlut að þessu
samstarfi", sagði Matthías G.
Pétursson, formaður fjár-
öflunarnefndar Kiwanis-
klúbbsins Setbergs.
"Kiwanis er alþjóðleg þjón-
ustuhreyfing manna og
kvenna, sem hafa áhuga á að
taka virkan þátt í að bæta
samfélagið, og láta gott af sér
leiða. I samstarfi fá menn
áorkað því sem einstaklingar
geta ekki einir. Þessi hluta-
veltuleikur getur opnað nýja
víddir hvað þetta varðar, ekki
aðeins fyrir Setberg því það er
von okkar að fleiri klúbbar
muni koma að þessu samstarfi
í framtíðinni og þannig gert
Kiwanishreyfinguna enn
meira gildandi varðandi
mannúðar- og framfaramál
samfélagsins", sagði Garðar
Sverrisson forseti Kiwanis-
klúbbsins Setbergs.
Milljónatombólan er vistuð á
vefslóðinni:
www.cofus.is/kiwanis-setberg
og er aðgengileg fyrir 18 ára
og eldri.
18