Kiwanisfréttir - 01.08.2006, Blaðsíða 3
KIWANISSTARFIÐ
\
/
Ágætu Kiwanisfélagar
Það er von mín nú þegar sumri
er tekið að halla og starf
klúbbanna að hefjast á ný, að
við komum tvíefld til starfa,
notum þessa daga sem eftir eru
af starfsárinu til að ná þeim
markmiðum sem við settum
okkur. Þegar litið er til baka þá
er ljóst að margt hefur verið
gert og margt hefur áunnist á
starfsárinu, en vitaskuld hefði
maður stundum viljað sjá meiri
kraft og meiri árangur. Oll
erum við að vinna vel en við
getum ávallt gert örlítið betur.
I starfi mínu sem um-
dæmisstjóri hef ég notið þeirra
forréttinda að fá að heimsækja
marga klúbba, fá að sjá og
kynnast starfi þeirra. Það hefur
verið virkilega gaman að fara í
þessar heimsóknir hitta allt
þetta góða fólk sem er að starfa
í klúbbunum, fá að vera með
því í leik og starfi.
Við erum alltaf að tala um
fjölgun og víst er að við
þurfum að fá fleiri félaga til
liðs við okkur. Það má segja að
við höfum haldið sjó á árinu,
félagafjöldinn nánast sá sami
nú og í upphafi árs. Verið er að
leggja grunninn að frekari
fjölgun, og verður stofnun
nýrra klúbba vonandi að
veruleika fljótlega. Við erum að
vinna sem ein heild og ætlum
að halda áfram þó að það komi
nýtt starfsár með nýjum
stjórnendum. Við verðum að
taka tillit til þess að það eru
breyttir tímar og við þurfum að
aðlaga okkur þeim. Það er svo
margt í boði, mikil afþreying á
öllum sviðum, þjóðfélags-
munstrið orðið allt annað en
það var fyrir tólf til fimmtán
árum.
Hjálmaverkefnið er eina
styrktaverkefnið sem við
fórum í á árinu á landsvísu og
tókst það mjög vel. Að afhenda
öllum börnum í fyrsta bekk í
grunnskólum landsins Kiw-
anishjálm er eitt af því sem við
getum verið virkilega stolt af,
og vonandi verður þetta
árvisst á næstu árum.
Ánægjulegt var að í ár voru
fyrstu hjálmarnir afhentir í
Engjaskóla, en í þeim skóla er
einmitt Kiwanis krakka-
klúbbur (Byggjendaklúbbur
Engjaskóla) og nutum við m.a.
aðstoðar krakkanna í þeim
klúbbi við afhendinguna.
Eimskip er aðal styrktaraðili
þessa verkefnis, þeir og allir
aðrir sem styrktu okkur og
aðstoðuðu við þetta verkefni,
eiga skilið hinar bestu þakkir
fyrir.
Ferð á Evrópuþing í byrjun
júní er ferð sem lengi verður í
mynnum höfð. Ferðin var frá
upphafi til enda mjög vel
heppnuð, skipulag allt og
fararstjórn eins og best verður
á kosið. Að fara í svona ferð,
með öllum þessum frábæru
ferðafélögum er alveg ó-
gleymanlegt. Við hjónin
þökkum öllu samferðafólki
okkar ánægjuleg kynni og
skemmtilega ferð.
Framundan er 36. umdæmis-
þing Kiwanis umdæmisins
Island-Færeyjar og verður það
haldið á ísafirði 15. til 17.
september n.k. Þingnefndin
ásamt mörgum öðrum vinnur
nú hörðum höndum að því að
gera umdæmisþingið sem best
úr garði. Vænti ég þess að við
komum til með að eiga góðar
stundir og gott og málefnalegt
þing á Isafirði.
Ágætu Kiwanisfélagar, ég vil
þakka ykkur ánægjulegt og
gott samstarf á árinu, um leið
og ég óska ykkur öllum
velfarnaðar í Kiwanisstarfinu
sem framundan er.
Kraftmikið Kiwanisstarf -
Látum verkin tala.
Guðmundur Baldursson
Umdæmisstjóri
Kiwanisklúbburinn Setberg ásamt Sinawik í Garðabæ héldu
Þorrablót fyrir eldri borgara Garðabæjar þann 19. janúar sl. Þessi
siður hefur haldist í áratugi.
Nú í ár var Þorrablótið það fjölmennasta sem verið hefur eða um
160 manns.
Garðar Sverrisson forseti setti blótið með ávarpi og bað Sigurð
Axelsson að taka að sér veislustjórn.
Allflestir félagsmenn sáu um suðu og framreiðslu matarins af
mikilli fagmennsku.
Gestir okkar gerðu góðan róm af veitingunum og skemmtu sér
vel, enda sögðu þeir að alltaf væri beðið eftir þessum árlega
viðburði.
Hljómsveitin " í góðum gír" lék fyrir fjöldasöng. Hrafnhildur
Kristinsdóttir og Sigurður Axelsson fluttu minni kvenna og karla
í bundnu máli.
Dregið var í happdrætti með góðum vinningum, síðan var
dansað af miklu fjöri við undirleik hljómsveitarinnar " I góðum
gír".
Það voru glaðir og þakklátir gestir sem kvöddu klúbbfélaga að
lokum.
Með Kiwaniskveðju,
Sigurður Axelsson formaður Styrktarnefndar.
3