Kiwanisfréttir - 01.08.2006, Blaðsíða 16

Nú voru góð ráð dýr, send var
út bifreið til að smala á
nærliggjandi hótelum áfengi
svo Islendingar gætu haldið
áfram að fagna lýðveldinu.
Allt fór þetta vel, en
hótelhaldarar verða viðbúnir
næstu innrás Islendinga.
Nú var komið að heimferð.
Lagt var snemma af stað 19
júní, um kl. 07:00 og ekið sem
leið lá til Italíu. Viti menn, í
smábæ þar sem eru þröngar
götur og bílar geta ekki mæst,
stoppar ein rúta okkar. Hvað
nú? það er stífluð olíusía og
engin verkfæri til að laga.
Um síðir komst rútan á
bensínstöð og var hægt að laga
þetta og eftir það gekk ferðin
vel.
Um hádegisbilið voru við
komin nálægt Gardavatni og
þar sem okkur hafði miðað vel
áfram var ákveðið að koma við
í Sirmione og borða há-
degisverð. Þetta var mjög vel
til fundið og held ég að allir
hafi notið þess, þó svo að heitt
hafi verið og rakt 37 stiga hiti.
Síðan gekk ferðin snuðrulaust
á flugvöllinn í Mílanó og
heimferðin einnig.
Mér er það Ijúft og skylt að
geta þeirra sem gerðu þessa
ferð eins ánægjulega og góða
sem raun var á. Það eru þeir
sem voru í ferðanefndinni,
Björn Baldvinsson í Mosfelli,
Diðrik Haraldsson í Búrfelli
og Ævar Breiðfjörð í Jörfa.
Þessir menn gerðu mér og
öðrum þessa ferð ógleyman-
lega og hafið þökk fyrir.
Einnig er mér ljúft að
þakka leiðsögumönnum okkar
þeim Oskari, Guðnýju Mar-
gréti og Jóhönnu og ekki síst
bifreiðastjórunum, sem komu
okkur heilum í gegnum þessa
miklu umferð sem er á Italíu
Samferðafólki mínu þakka ég
og konan mín góð kynni og
ánægjulega ferð í von um
frekari ferðir og kynni.
Með Kiwaniskveðjum
Jón M. Gunnarsson
Mosfelli
16