Ársrit um starfsendurhæfingu - 2013, Blaðsíða 36

36 www.virk.is
SA
M
ST
A
RF
ATVINNULÍF
hreyfingu í sjúkraþjálfuninni Átaki. Við
fengum fjármálanámskeið sem kom
reglu á fjármálin. Ég fékk heilmikla
sjálfsstyrkingu sem á ótrúlega stuttum
tíma fyllti mig sjálfstrausti, bjartsýni og
gleði,“ segir Jón Gunnar. Hjá Samvinnu
hafi hann lent í frábærum hópi fólks
sem hafi sýnt mikla samstöðu og rútína
hafi komist á lífið. „Það hafði lengi
blundað í mér sá draumur að vinna við
matvælaframleiðslu en ég hafði aldrei
treyst mér til að sækja þangað, eða
ekki fyrr en snillingarnir hjá Samvinnu
redduðu mér starfsþjálfunarplássi í
gróðrarstöðinni Glitbrá í Sandgerði. Hún
Gunnhildur Ása í Glitbrá og hennar
starfsfólk og fjölskylda tóku mér fagnandi
og voru frábær í alla staði. Þar var rekið á
eftir mér að slappa af og taka því rólega.
Ása sagði mér að finna mín takmörk og
vinna með meiðslunum. Ég byrjaði nú
ekki vel, entist í þetta 2 til 3 tíma á dag
og þá var deginum lokið hjá mér vegna
verkja,“ segir Jón Gunnar. „Ég fékk að
vera allt sumarið hjá Ásu, í lok sumars
var ég farinn að standa í allt að 6 tíma
á dag og var þetta einmitt það sem ég
þurfti með minni sjúkraþjálfun til að
styrkja mig enn meira. Þó að það hafi
verið erfitt og ég farið heim með verki í
baki eftir hvern vinnudag, þá höfðu
áhuginn og ánægjan sigur og ég hélt
þetta út. Í kjölfarið á þessari reynslu hef
ég í dag skýra framtíðarsýn. Stefnan var
tekin á nám og hóf ég það núna í haust
hjá Miðstöð símenntunar á Suðurnesjum,
þar sem ég fór í Grunnmenntaskólann á
vegum VIRK og Samvinnu.“ Jón Gunnar
segir að eftir útskrift þar sé stefnan tekin
á Garðyrkjuskólann. Þar langar hann að
leggja fyrir sig ylrækt og á endanum að
opna sína eigin gróðrarstöð, þar sem
hann geti varið tímanum á sínum hraða
við eitthvað sem hann hafi gaman af. „Í
mínum huga er engin spurning að ég
hefði ekki komist á þann stað sem ég er
á í dag án þeirrar aðstoðar og styrks sem
Samvinna hefur veitt mér. Starfsfólkið og
kennararnir hérna leggja sig öll fram við
að gera þetta að góðri upplifun og þau
leggja ótrúlega mikið á sig til að finna
eitthvað sem hentar þeim sem leita til
þeirra. Ég ætla að halda ótrauður áfram
og mun ávallt muna þá góðmennsku
sem hérna býr. Ekkert annað en þakklæti
kemst að þegar að ég hugsa til baka
þetta ár sem liðið er síðan ég datt hingað
inn,“ segir Jón Gunnar Kristinsson um
veru sína hjá Samvinnu.