Brautin - 15.12.1988, Blaðsíða 7

BRAUTIN
7
Viö eigum enn að knýja fram
samþykkt HSÍ um að einn riðill
á HM í handknattleik, sem
leikinn verður á íslandi árið
1995, verði leikinn í Vest-
mannaeyjum og á nýr íþrótta-
salur að vera meðal annars ein
af okkar ástæðum fyrir því að
Vestmannaeyingar geti staðið
að keppninni með myndar-
legum hætti. Við höfum sýnt
það að með þeim mannvirkjum
sem íþróttafólki hafa staðið til
boða, hefur vel tekist til með
útfærslur og má nefna það hér,
að íþróttamiðstöðin hér í
Eyjum er sú eina sem hægt er
að halda mót í fyrir fatlaða, og
er þegar ákveðið að Norður-
landamót fatlaðra í sundi mun
fara fram hér á sumri komandi.
Þessar staðreyndir segja allt
sem segja þarf um með hvaða
hætti er staðið hér að málum.
Þessu skulum við fylgja eftir.
Einu tekjur stjórnar hafa
komið af kennslu- og út-
breiðslustyrkjum frá ISI, sem
áður hefur verið samþykkt sem
skattur aðildarfélaga til ÍBV.
Það er alveg ljóst að þessar
tekjur fara minnkandi, með
minni framlögum frá ríki, í
kjölfar Lottó tekna. Lottó-
tekjurnar fara til útskiptingar
til deilda og félaga, þannig að
fyrrnefnd minnkun á greiðslum
til stjórnar þurfa trúlega að
skoðast. Sérstaklega þar sem til
stendur að gera styrki þessa
upp með sama hætti og Lottó
tekjur.
Mikið starf hefur hvílt á
herðum gjaldkera stjórnar við
alla skýrslugerð, þar sem
greiðslur kennslu- og út-
breiðslustyrkja hafa grund-
vallast af kennsluskýrslum til
ÍSÍ. Það eru tilmæli til allra
aðila, sem leitað er til vegna
skýrsluskila, að vanda vel alla
gerð þeirra og skila til gjaldkera
tímanlega. Það er áríðandi.
Á þessu ári voru skýrslu-
skilin íþróttahreyfingunni hér í
Eyjum til háborinnar skammar,
þar sem nánast öll félög og
deildir voru dæmd í keppnis-
bann vegna vanskila á skýrsl-
um. Slíkt má ekki endurtaka
sig.
Mjög ánægjuleg og vel-
heppnuð breyting var gerð á
aðstöðunni í ÍBV herberginu,
þar sem aðsetur
ÍBV stækkaði um helming,
þegar opnað var inní gamla Týs
herbergið. Tómstundaráð
Vestmannaeyja samþykkti
afnot ÍBV af þessu aukna
húsrými í Félagsheimilinu og er
öll aðstaða til fundarhalda, svo
og aðstaða fyrir deildirnar og
starf þeirra, með ágætasta móti.
Hver deild hefur hirslur undir
sín gögn. Þetta er mikil breyt-
ing. Breytingin var unnin í
sjálfboðavinnu, þar sem ein-
stakir stjórnarmenn í deildum
ÍBV fóru í fararbroddi.
Mikil hátíðahöld voru á
árinu þar sem íþróttafélagið
Þór varð 75 ára og Golfklúbbur
Vestmannaeyja varð 50 ára.
íþróttabandalag Vestmanna-
eyja færði afmælisbörnunum
gjafir, í tilefni tímamótanna.
Formaður var forfallaður í
báðum þessum tilfellum og gat
því ekki mætt og þótti ákaflega
leitt, en við því var ekkert að
gera. Aðrir stjórnarmenn
hlupu í skarðið og leiddist ekki.
í tilefni af þessum tíma-
mótum sem og öðrum voru
fjölmargir Vestmannaeyingar
sæmdir viðurkenningum hinna
ýmsu sérsambanda og ÍSÍ og er
þeirra sérstaklega getið í
skýrslum félaga og deilda.
Stjórn ÍBV vill á þessum tíma-
mótum færa öllum þessum
aðilum bestu þakkir og ham-
inguóskir og vonast til að
íþróttahreyfingin fái starfs-
krafta þeirra notið héðan í frá
sem hingað til.
íþróttafélögum í Vest-
mannaeyjum fjölgaði á árinu og
var stofnað Fimleikafélagið
Rán þann 29. nóvember s.l.
Jafnframt er verið að ganga frá
stofnun íþróttafélags fyrir
fatlaða.
Eflaust er margt sem minnast
má í skýrslu sem þessari, til
viðbótar. Eflaust gleymist eitt-
hvað, sem hér þyrfti að birtast
og er það verra. En eins og áður
sagði er starfseminnar nánar
getið í skýrslum ráða og
nefnda.
Að endingu vil ég nota tæki-
færið og þakka meðstjórnar-
mönnum mínum fyrir gott sam-
starf, á þeim þrem árum sem
við höfum setið saman í stjórn
IBV, svo og öllum þeim sem
lagt hafa okkur lið, með það að
leiðarljósi, að gera veg ÍBV og
Vestmannaeyja sem mestan.
Hafið þökk fyrir.
Guðmundur Þ. B. Ólafsson
formaður ÍBV
Fráfarandi stjórn IBV sem setið hefur í þrjú ár.
Oft er fjör í íþróttahúsinu. Hér má sjá kempurnar sem allir þekkja
og hafa haft mikil afskipti af íþróttalífinu hér í Eyjum sem
annarsstaðar.
Frá fyrsta Evrópuleik ÍBV í Búlgaríu 1969. Viktor fyrirliði í
kunnuglegri stellingu, hið sama er ekki hægt að segja um Bóa. En
skyldi Einar vera orðlaus? Gilli segir að það geti ekki verið.
Sendum
Vestmannaeyingum
bestu óskir um
gleðileg jól
og farsœlt komandi ár.
Þökkum viðskiptin
á árinu sem er að líða.
Sendum Vestmannaeyingum bestu óskir um
GLEÐILEG JÓL
OG FARSÆLT KOMANDIÁR.
Pökkum viðskiptin á árinu sem er að líða.
Miðbær
Sendum
Vestmannaeyingum
bestu óskir um
gleðileg jól
og farsœlt komandi ár.
Þökkum viðskiptin
á árinu sem er að líða.
Tanginn
Sendum Vestmannaeyingum bestu óskir um
gleðileg jól
og farsœlt komandi ár.
Þökkum viðskiptin á árinu sem er að líða.
Jón Hauksson hdl.