Tímarit hjúkrunarfræðinga - 2016, Blaðsíða 36

Fólkið14/16
ÍRIS ÞÓRÐARDÓTTIR
„Verð alltaf fyrst og fremst hjúkrunar-
fræðingur í hjarta mér“
Þegar Íris Þórðardóttir hóf hjúkrunarnámið haustið 1986 átti hún níu
mánaða gamla dóttur. Þegar hún lauk því fjórum árum síðar var hún
orðin tveggja barna móðir. „Þetta voru fjögur ár í frábærum félags-
skap og hópur samnemenda sem studdi mig
og styrkti,“ segir Íris. Eftir útskrift flutti hún til
Vestmannaeyja á heimaslóðir og vann á sjúkra-
húsi Vestmannaeyja milli barneigna en árið
1994 voru tveir drengir enn búnir að bætast
í hópinn. „Sjúkrahúsið í Vestmannaeyjum var
frábær vinnustaður þar sem ég bar ábyrgð á
tveim deildum, öldrunardeild og hand- og
lyflæknisdeild.“ Í byrjun árs 1995 tók Íris að
sér að koma á fót, skipuleggja og kenna við
sjúkraliðabrautina við Framhaldsskólann í
Vestmannaeyjum. „Þá var ég með fjögur ung
börn og eiginmann á sjó og vaktavinna var
ekki í boði fyrir mig.“ Hún stýrði því námi í
fimm ár og í millitíðinni tók hún uppeldis- og kennslufræði í fjarnámi.
Íris og fjölskylda flutti búferlum á Suðurlandið og hóf kennslu við
Fjölbrautaskóla Suðurlands (FSU). „Á þessum tíma vantaði kennara
við sjúkraliðabrautina og tók ég við henni. Ég er þar enn 17 árum
síðar og líkar alltaf jafn vel. Hún var forvarnarfulltrúi hjá FSU í tíu
ár en núna er hún með fulla kennslu á brautinni og með viðtalstíma
hjúkrunarfræðings einu sinni í viku. „Mér líkar vel að kenna og það er
gott að vinna við FSU. En ég er og verð alltaf fyrst og fremst hjúkrun-
arfræðingur í hjarta mér.“