Tímarit hjúkrunarfræðinga - 2016, Blaðsíða 55
Fólkið11/11
vantar hjúkrunarfræðinga og verið er að leita leiða til úrbóta til að
takast á við þennan skort. Stytting vinnuvikunnar ein og sér myndi
ekki leysa allan vanda að mati Ólafs en „það myndi tvímælalaust
gera vinnuumhverfið og starfið meira heillandi fyrir alla og skila sér
vonandi í enn fleiri hjúkrunarfræðingum til framtíðar.“ Hann segir
Félag íslenskra hjúkrunarfræðinga hafa sett styttingu vinnuvikunnar
á oddinn í kjaraviðræðum undanfarna áratugi en ekki haft erindi sem
erfiði. „Við erum að skoða leiðir til að fjölga hjúkrunarfræðingum. Við
erum nú að kalla eftir tölum frá heilbrigðisstofnunum um væntanlega
þörf þeirra fyrir hjúkrunarfræðinga auk
þess sem við erum að skoða fjölda þeirra
sem mega hefja töku lífeyris. Við höfum
leitað samstarfs við breiðan hóp hjúkrun-
arstjórnenda, háskólana og velferðar-
ráðuneytið. Það er áhersla félagsins að
hér verði fjölgað hjúkrunarfræðingum til
að hægt sé að tryggja öryggi sjúklinga,“
segir Ólafur.
Helga Jónsdóttir hjá BSRB fagnar því
að umræðan um styttingu vinnuvikunnar
sé hafin og skoða þurfi sérstaklega hvern-
ig stytting vinnuvikunnar yrði útfærð
hjá stofnunum þar sem unnin er vaktavinna. Hún segir raunverulega
umræðu vera innan aðildarfélaga BSRB um styttingu vinnuvikunnar
og viljayfirlýsing frá stjórnvöldum liggur fyrir um verkefnið. Þetta
er fyrsta tilraunaverkefni um styttingu vinnuvikunnar en BSRB, sem
tekur þátt í þessu verkefni, hefur lengi haft þetta á stefnuskrá sinni.
Tæpt ár er frá því verkefninu var hrundið af stað og gerðar hafa verið
þjónustukannanir meðal starfsfólks bæði fyrir og meðan á verkefninu
hefur staðið. Niðurstöður þessa verkefnis hafa ekki verið kynntar enn,
en að sögn Helgu er rætt um að framlengja verkefnið og bæta við
vinnustöðum. Helga segist fagna þessari vakningu en það er margt
sem samfélagið þarf að ræða, til að mynda hvort stytting vinnuvik-
unnar verði lögfest eða samið um hana í kjarasamningum.
Þetta er fyrsta
tilraunaverkefni um
styttingu vinnu-
vikunnar en BSrB,
sem tekur þátt í
þessu verkefni, hefur
lengi haft þetta á
stefnuskrá sinni.