Tímarit hjúkrunarfræðinga - 2016, Blaðsíða 58

Þankastrik14/15
vantar ekki skýrari hæfniskröfur hjá stofnunum og hvernig hægt er að
viðhalda þeim? Sem dæmi um slíkt má nefna endurlífgun. Reglulega
eru gefnar út nýjar leiðbeiningar og til að hafa gilt endurlífgunar-
skírteini þá þarf að fara á upprifjunarnámskeið annað hvert ár. Til
þess að hægt sé að gera kröfu um að vera með gilt skírteini þarf fram-
boð á námskeiðum að vera til staðar. Í dag eru námskeið vissulega
haldin með reglulegu millibili en námspláss eru fá og myndu ekki
anna eftirspurn ef kröfurnar væru staðreynd. Stofnunin þyrfti því að
sjá til þess að starfsmenn hefðu námstæki-
færi til að geta uppfyllt hæfniskröfuna.
Ef litið er á stefnu FÍH leggur félagið
áherslu á að tryggja þurfi nauðsynlegt
fjármagn og stuðning yfirmanna við
markvissa starfsþróun hjúkrunarfræðinga
á öllum stigum heilbrigðisþjónustu, auk
þess sem félagið hvetur til starfsþróunar
og styður við hjúkrunarfræðinga til að
viðhalda þekkingu sinni og færni, meðal
annars með styrkjum til sí- og endur-
menntunar og með framboði á námskeið-
um. Félagið vill stuðla að símenntun
hjúkrunarfræðinga með því að leggja
áherslu á launalega umbun fyrir endur-,
viðbótar- og framhaldsmenntun í kjarasamningum.
Þetta er allt saman af hinu góða. En hvernig er hægt að virkja
hjúkrunarfræðinginn til að efla sinn faglega metnað og að hafa kynnt
sér og tileinkað nýjustu gagnreyndu leiðbeiningar eða verkferla,
nýjungar í tækjabúnaði og lyfjum? Á það að vera gegnum kröfur
vinnuveitanda og á umbunin að vera sú að halda starfinu, eða eiga
hjúkrunarfræðingar að finna hjá sér þörf til að vera upplýstir og með
allt á hreinu? Við viljum að aðrar starfstéttir noti nýjustu rannsóknir í
meðferð og að ný tæki og tól séu til á stofnunum, ný og betri lyf tekin
í notkun. Við hljótum því að gera þá kröfu til okkar sem fagstétt að
við kynnum okkur og tökum upp nýjungar eða breytingar í okkar fagi.
Umbun í formi launahækkunar í gegnum framgangskerfi hjúkrunar-
fræðinga (á Landspítala) er það sem viðgengst í dag, en það er undir
starfsmanninum komið hvort hann sækir um framganginn eða ekki.
„Við þurfum að gera
þá kröfu á okkur
sem stétt að sinna
endur- og símenntun
og þá um leið gera
kröfu á okkar vinnu-
staði að bjóða upp á
námskeið, fræðslu og
tíma til að sinna því.“