Tímarit hjúkrunarfræðinga - 2016, Blaðsíða 4

Ég þakka ykkur samfylgdina undanfarin þrjú ár. Þetta hefur verið
afar skemmtilegur tími en erfiður fyrir okkur hjúkrunarfræðinga. Við
höfum gengið í gegnum erfiða kjarabaráttu sem endaði með verkfalli
og lagasetningu auk þess sem samstarfsmaður okkar var ákærður fyrir
manndráp af gáleysi. Sem betur fer lauk þessum málum á farsælan
hátt fyrir okkur öll þó vissulega megi gera enn betur í
okkar kjaramálum.
Ég er mjög stoltur af hjúkrunarfræðingum og því
sem við höfum náð fram. Við sýndum mikla samstöðu
þegar á reyndi og er það til fyrirmyndar. Það er ósk mín
að sú samstaða haldi áfram um ókomna tíð og eflist enn
frekar. Það er samstaðan sem gerir það að verkum að
við náum árangri bæði í kjara- og fagmálum og er því
enn mikilvægt að hún haldi.
Verkefnin fram undan eru ærin. Við þurfum að
klára kjara- og stofnanasamninga sem enn eru eftir. Við þurfum að
berjast fyrir bættu heilbrigðiskerfi þar sem þarfir sjúklinga eru settar
í forgang. Við þurfum að tala fyrir því að hjúkrunarfræðingum verði
fjölgað og þekking þeirra nýtt til fullnustu og þannig verði þjónusta
við skjólstæðinga okkar mun betri en hún er í dag.
Mörg þau vandamál, sem heilbrigðiskerfið stendur frammi fyrir
um þessar mundir, eru þess eðlis að einn samnefnari er augljós þegar
dæmið er skoðað til enda. Lausnin er hjúkrun. Með því að víkka út
starfssvið hjúkrunarfræðinga þannig að það sé í takt við þekkingu
þeirra er hægt að byggja hér upp skilvirkara og hagkvæmara heil-
brigðiskerfi. Fjölgun hjúkrunarfræðinga er lífsspursmál fyrir íslenska
heilbrigðiskerfið.
Það hafa verið forréttindi fyrir mig að starfa sem formaðurinn
ykkar. Ég hef persónulega þroskast og öðlast mikla reynslu ásamt því
að víðsýnin hefur aukist til muna. Ég hef kynnst ótal mörgu fólki sem
ég mun búa að alla ævi. Hjúkrunarfræðingar í öllum geirum gera sitt
Formannspistill 01/03
ÓLAFUR G. SKÚLASON
KÆRU FÉLAGSMENN