Tímarit hjúkrunarfræðinga - 2016, Blaðsíða 15

Fólkið04/07
Flestir karlmenn íhuga ekki hjúkrun
sigþór jEns Jónsson er á lokaári í hjúkrunarfræði við Háskóla
Íslands. Undanfarin þrjú ár hefur hann verið eini karlkyns-nemandinn
en það var ekki fyrr en síðastliðið haust sem það bættist í hóp karl-
manna í hjúkrunarfræðinni. Sigþór segir það hafa verið ljúft eins og
hann orðar það að vera eini strákurinn og stelpurnar hafi verið góðar
við hann. „En það er helst þessi athygli frá kennurum. Þeir vita að ég
er eini strákurinn og taka því frekar eftir ef mig vantar í tíma. Annars
er þetta bara hamingja,“ segir hann.
Sigþór segist upphaflega hafa stefnt á sálfræðina
en sæi ekki eftir því að hafa valið hjúkrunina sem
væri millivegur á raungreinum og félagsfræði-
greinum. Kostirnir sem hann sér við að starfa sem
hjúkrunarfræðingur er fjölbreytnin, enginn dagur
sé eins og starfsvettvangur fjölbreyttur, auk þess að
geta unnið hvar sem er í heiminum. Hann segir að
hjúkrunarfræðin henti karlmönnum alveg eins vel
og konum, en ástæðan fyrir því hve fáir þeir eru í
faginu er sú að margir íhugi það ekki einu sinni.
„Annars hugsa ég að þetta sé bara í hausnum
á okkur að líta á þetta sem kvennastarf,“ en fram
hefur komið í könnun á vegum hjúkrunarfræðideildar að launin spila
stóran þátt í hversu fáir karlmenn leggja hjúkrun fyrir sig. „Ég held að
þetta sé samspil margra þátta og kannski þurfi bara að fá að þróast
með tíð og tíma. Við þurfum að leggja áherslu á að útrýma kynbundn-
um launamun því það er held ég stærsta skrefið í þessu öllu,“ segir
hann.
Til að auka hlut karlmanna í hjúkrun þarf greinin að gera sig
sýnilegri að mati Sigþórs. „Fólk þarf að vita hvað hjúkrunarfræðingar
gera því að allt of fáir gera sér grein fyrir því. Í fréttaumfjöllun um
hjúkrunarfræðinga eru þeir mjög oft sýndir vera að búa um rúm eða
taka til lyf,“ bendir hann á. Það endurspeglast til dæmis í fordómum
gagnvart hjúkrunarfræðingum. Sigþór hefur sjálfur ekki ákveðið hvað
hann vill leggja fyrir sig í hjúkrun, en hann hefur áhuga á að vinna
á æða- og lýtaskurðdeild, og stefnir á að vinna á bráðadeild reynsl-
unnar vegna. „Síðan er það á tíu ára planinu mínu að starfa úti í smá
tíma.“