Tímarit hjúkrunarfræðinga - 2016, Blaðsíða 21

Fólkið02/02
„markmiðið Er alveg augljóst. Það þarf að auka hlut karlmanna í
hjúkrun en leiðirnar til þess eru ekki eins augljósar,“ segir Eydís Kr.
Sveinbjarnardóttir sem tók nýverið við embætti forseta heilbrigðis-
vísindasviðs Háskólans á Akureyri.
„Það er ekki hvað síst þetta sem mig langar að breyta,“ segir
Eydís en eitt af fyrstu verkefnum hennar er að setja fram nýja stefnu
innan heilbrigðisvísindasviðs; stefnu sem gildir frá 2018 til ársins
2023. Eydís segir markmiðið vera að auka hlut karlmanna í hjúkrun-
arfræðinámi í 25%, en hlutfall þeirra hefur verið afar lágt undanfarin
ár, allt frá engum til tveggja í hverjum árgangi. Þá er fyrirhugað að
fjölga nemendum í 55 á vormisseri skólaársins 2016-2017 en til þessa
hafa verið teknir inn 50 nemendur. Hún segir mikilvægt að ræða þá
staðreynd að svo fáir karlmenn leggi fyrir sig hjúkrun og leita leiða
til að auka hlut þeirra. Hvað hindrar karlmenn í að fara í hjúkrun?
„Mér leikur forvitni á að vita af hverju
þetta stafar. Þess vegna þurfum við að
taka samtalið og benda jafnframt á að
hjúkrun býður upp á fjölmörg tækifæri til
sérhæfingar,“ segir hún jafnframt.
Strákar hjúkra
Fáir karlar í hjúkrun er ekki einangrað
fyrirbæri. Íslenskt samfélag er framar-
lega hvað jafnrétti varðar, en að mati
Eydísar hefur jafnréttisbaráttan snúist
fyrst og fremst um að auka hlut kvenna á
hinum ýmsum sviðum samfélagsins. Þannig hefur hlutur kvenna auk-
ist undanfarin ár í hefðbundnum karlastörfum en hlutur karla í hefð-
bundnum kvennastörfum hefur lítið breyst. „Það skortir mótvægis-
aðgerðir og það er mikilvægt að huga að því hvernig orðræðan er um
hjúkrunarfræðinga. Þrátt fyrir að hjúkrunarfræðingur sé karlkynsorð
er stéttin enn kvengerð. Við verðum að hlusta á okkur sjálf og hvernig
orðræðan er,“ segir hún og bendir til að mynda á hlutverk kennara.
Hver kennari þarf að huga að því hvernig hann setur fram sitt efni.
Eydís er staðráðin í að leggja sitt lóð á vogarskálarnar til að auka hlut
karlmanna í hjúkrunarnámi. „Ef við setjum okkur ekki markmið þá
gerist ekki neitt.“ Kannski slagorðið verði „Strákar hjúkra“.
„Þrátt fyrir að hjúkr-
unarfræðingur sé
karlkynsorð er stéttin
enn kvengerð. Við
verðum að hlusta á
okkur sjálf og hvernig
orðræðan er.“