Tímarit hjúkrunarfræðinga - 2018, Blaðsíða 7

upplýsingar um fundina hér á bls. 13 í tímaritinu og eins á eftir -
farandi vefsvæði, https://www.hjukrun.is/kjaramal/kjarasamn
ingar-2019/.
Í vetur hafa hjúkrunarfræðingar fundið fyrir óvenjumiklum
meðbyr. fyrst ber að nefna framgöngu heilbrigðisráðherra á
opinberum vettvangi í umræðu um skortinn á hjúkrunar fræð -
ingum til starfa og þá ógn sem hann mun valda í náinni fram -
tíð, sé ekkert að gert. Það er ljóst að gæði þjónustu og öryggi
sjúklinga verður ekki tryggt nema breyting verði á þeirri stöðu
sem nú er orðin. undanfarin misseri hafa ráðamenn þjóðar-
innar viðurkennt að fleiri hjúkrunarfræðinga vantar til starfa,
en úrræði og lausnir vantar. Velferðarnefnd alþingis sýndi mál-
inu nýlega áhuga í tengslum við viðvarandi álag á Landspítala.
umræðan hefur þá að mestu snúist um aðalvandann sem er að
fleiri hjúkrunarfræðinga og sjúkraliða vantar til starfa, þó aðal-
lega hjúkrunarfræðinga. Í stöðunni eru þó sóknarfæri sem fíh
er tilbúið til að vinna að í sameiningu við yfirvöld og atvinnu-
rekendur og vonast ég til að ársins 2019 verði minnst í framtíð -
inni sem árs róttækra breytinga í kjaramálum hjúkrunar fræð-
inga.
Bætt aðgengi kvenna
að kynheilbrigðisþjónustu
að því sögðu má ekki gleyma því tímamótaskrefi sem alþingi
tók í desember þegar það samþykkti annars vegar breytingar á
lyfjalögum og hins vegar lögum um landlækni og lýðheilsu.
Þær eru þess efnis að hjúkrunarfræðingum og ljósmæðrum
verður heimilað að ávísa hormónatengdum getnaðarvörnum.
Með þessu stóra skrefi er verið að bæta aðgengi kvenna að kyn-
heilbrigðisþjónustu og nýta betur fagþekkingu hjúkrunarfræð -
inga og ljósmæðra. Þetta eru stórar fréttir. Það var að mínu mati
kominn tími til að yfirvöld stigju skrefið sem aðrar þjóðir, m.a.
nágrannaþjóðir okkar, hafa tekið fyrir margt löngu og hafi þannig
skjólstæðinginn að leiðarljósi. um er að ræða leyfi sem land-
læknir mun veita að uppfylltum nánar tilgreindum skilyrðum
sem sett verða í reglugerð. reglugerðin verður samin á nýju ári,
en eitt af skilyrðunum verður að viðkomandi þarf að hafa sótt
og staðist fræðilegt og klínískt námskeið um lyfjaávísanir. já,
það gerast líka góðir hlutir þó þeir gerist stundum hægt.
fram undan er líka skemmtilegt ár hjá hjúkrunarfræðingum
því á árinu 2019 verður félag íslenskra hjúkrunarfræðinga 100
ára og verður því fagnað allt árið. Þó kjaramálin muni taka sitt
rými á árinu megum við ekki gleyma því að koma saman,
gleðjast og halda upp á þennan stóra áfanga stærstu heilbrigðis-
stéttar landsins. Skipulagðar hafa verið ýmsar uppákomur og
viðburðir og vil ég hvetja alla hjúkrunarfræðinga til að taka þátt
á einn eða annan hátt. Dagskráin er fjölbreytt og má sjá hana
nánar hér: https://www.hjukrun.is/um-fih/frettir/stok-frett/
2018/12/04/afmaelisfognudur-allt-arid/.
Það er ljóst að hjúkrunarfræðingar þurfa að gera meira af
því að koma saman, gleðjast og ræða málin. Við sáum það glöggt
á hjúkrunarþinginu í nóvember síðastliðnum sem bar yfir-
skriftina Þú hefur valdið – leiðtogafærni og forysta. Var þar sett
aðsóknarmet þegar um 350 hjúkrunarfræðingar mættu á þing -
ið og komust færri að en vildu. fíh stefnir á fleiri svona við -
burði í framtíðinni því þetta er ómetanlegur vettvangur fyrir
hjúkrunarfræðinga til að koma saman og styrkja böndin.
Ég hlakka til að hitta ykkur sem flest á einhverjum af af-
mælisviðburðum ársins eða eiga við ykkur samræður í fundar -
herferðinni „Í aðdraganda kjarasamninga“. um leið og við
fögnum saman afmælinu skulum við líka snúa bökum saman
og ganga sameinuð fram í baráttunni fyrir bættum kjörum
hjúkrunarfræðinga. Án hjúkrunarfræðinga verða engar fram-
farir í íslenska heilbrigðiskerfinu.
framundan er bæði gleði og barátta
tímarit hjúkrunarfræðinga • 2. tbl. 94. árg. 2018 7
Í stöðunni eru þó sóknarfæri sem Fíh er tilbúið
til að vinna að í sameiningu við yfirvöld og
atvinnurekendur og vonast ég til að ársins 2019
verði minnst í framtíðinni sem árs róttækra
breytinga í kjaramálum hjúkrunarfræðinga. Það er ljóst að hjúkrunarfræðingar þurfa að
gera meira af því að koma saman, gleðjast og
ræða málin. Við sáum það glöggt á Hjúkrunar -
þinginu í nóvember síðastliðnum sem bar yfir -
skriftina Þú hefur valdið – leiðtogafærni og
forysta.