Tímarit hjúkrunarfræðinga - 2018, Blaðsíða 30
Hrefna Hugósdóttir, hjúkrunar- og fjölskyldufræðingur, leiðbeinir
fólki um heilbrigðar lífsvenjur. Fyrir fimm árum stofnaði hún ásamt
æskuvinkonu sinni, Ragnhildi Bjarkadóttur sálfræðingi, fyrirtækið
Auðnast. Starf þeirra er tvíþætt, þær sinna einstaklingum, pörum
og fjölskyldum ásamt því að sinna fyrirtækjum og stofnunum.
Hrefna segir mikilvægt að gera sér grein fyrir þeim þáttum sem
valda hverjum og einum streitu til að fólk sé betur í stakk búið að
takast á við álag og hversdagslegt amstur.
Hver ert þú og hvert ert þú að fara? eru mikilvægar spurningar sem við þurfum að
spyrja okkur. Þrátt fyrir að þetta séu einfaldar spurningar er ekki þar með sagt að ein-
falt sé að svara þeim. Svarið við fyrri spurningunni felst í hver sjálfsmynd þín er, með
öðrum orðum hvaða skoðun hver einstaklingur hefur á sjálfum sér, sínum verkum og
athöfnum. Seinna svarið felst í hvað býr að baki vegferð hvers manns — hverju maður
sækist eftir í lífinu. Svarið liggur ekki alltaf ljóst fyrir né heldur hvers vegna vegfar-
andinn valdi þá leið sem hann fór.
Áður en lengra er haldið skulum við skoða aðeins hvernig þessar spurningar tengjast
streitu og álagi.
af samtölum mínum við fólk sýnist mér að hamingjan sé hvað mikilvægust í lífinu.
Mig langar að fara yfir nokkur atriði sem geta hjálpað okkur í vegferðinni að ham-
ingjuríku lífi og ég hvet lesendur til þess að leita svara við þeim spurningum sem lagðar
eru hér fram.
Þekkið eigin streituvalda
hver einstaklingur verður að þekkja sína streituvalda. Það sem veldur streitu hjá einum
þarf ekki að valda öðrum streitu. Við eigum ekki að bera okkur saman við aðra heldur
þarf hver og einn að skoða, kortleggja og þekkja eigin streituvalda. Hverjir eru þínir
streituvaldar? Eins þarft þú, kæri lesandi, að vita hvaða hlutverkum þú gegnir í lífinu.
Sum hlutverk eru betri en önnur og þú valdir þau, önnur ekki. Leitastu við að spyrja
þig spurninga eins og: hvers vegna vinn ég á þessum stað? hver var ástæðan fyrir því
að ég sótti hér um þetta starf? hvað gleður mig í þessu starfi og hvernig kemur sú
gleði fram? hvers vegna féll ég fyrir maka mínum? hvenær finn ég fyrir tengslum
mínum við aðra og hvað er það sem nærir mig í tengslum við annað fólk? hvað er
skemmtilegt við að vera mamma eða pabbi og hvað ekki? hvaða hlutverk hef ég tekið
30 tímarit hjúkrunarfræðinga • 2. tbl. 94. árg. 2018
„Hver einstaklingur verður að þekkja sína streituvalda. Það sem
veldur streitu hjá einum þarf ekki að valda öðrum streitu. Við eigum
ekki að bera okkur saman við aðra heldur þarf hver og einn að
skoða, kortleggja og þekkja eigin streituvalda.“
Kemur streita í veg fyrir hamingju þína?
Hrefna Hugósdóttir
Hrefna Hugósdóttir hjúkrunar- og fjöl -
skyldu fræðingur.