Tímarit hjúkrunarfræðinga - 2018, Blaðsíða 38

ingin, sem við höfum staðið frammi fyrir frá sameiningu, er sú fordæmalausa aukning
sem hefur orðið í þjónustuþörf á svæðinu samhliða sprengingu í fjölgun ferðamanna
sem heimsækja Suðurland. Ofan á það bætist svo mjög hröð íbúafjölgun. Þjónustan á
bráðamóttöku, í sjúkraflutningum, í heilsugæslu og í heimahjúkrun hefur vaxið um tugi
prósenta á fjórum árum. Við höfum því þurft að laga okkur að því að veita sífellt meiri
þjónustu fyrir hlutfallslega minna fé án þess að það bitni á gæðum þjónustunnar,“ segir
herdís og heldur áfram. „Í eðli sínu er heilbrigðisþjónusta síbreytileg og þarf að vera
það til að við þróumst fram á við. Því er stöðugar breytingar, bæði í rekstri, hagræðingu,
þjónustuframboði, faglegum kröfum og stöðug þróun hjá okkur í starfsmannamálum.“
Frá vöggu til grafar
herdís er næst spurð að því hvaða hlutverki hjúkrunarfræðingar hafi gegnt í þeim
breytingum sem stofnunin hefur gengið í gegnum. „Starf hjúkrunarfræðinga á hSu
hefur þá sérstöðu að einstaklingum er fylgt frá vöggu til grafar. Sem dæmi má nefna
að störf hjúkrunarfræðinga í heilsugæslunni á landsbyggðinni gera kröfur til yfirgrips-
mikillar þekkingar í hjúkrun og hæfni til að sinna fjölbreyttum verkefnum í heilsu-
gæslu. Til okkar leita bæði börn, fullorðnir og aldraðir út af öllum tegundum heilsu-
farsviðfangsefna, hvort sem um er að ræða andleg eða líkamleg veikindi eða slys.
hjúkrunarfræðingar gegna æ meira hlutverki í framlínu þjónustunnar hjá hSu og
við stöndum frammi fyrir því að þjálfa nú upp hæfnisþætti hjá hjúkrunarfræð ingum
sem þurfa að hafa afar fjölbreytta færni til að takast á við vaxandi ábyrgð í heilsugæslu
nútímans og til framtíðar.“
Les vers úr biblíunni í upphafi
vinnudags
Þegar herdís var spurð hvernig hefðbundinn vinnudagur væri hjá henni kom fram
að hún byrjar oftast á að stilla hugann og taka sér hljóða 5 mínútna stund þegar hún
kemur inn á skrifstofu þar sem hún les gjarnan vers úr biblíunni. Svo tekur hún til við
verkefni dagsins, les fyrst tölvubréf, útdeilir verkefnum, skipuleggur vinnufundi, fer
yfir verkefnalistann sinn, vinnur sjálf heilmikla greiningarvinnu, hrindir verkefnum
í framkvæmd og gefur sér einnig tíma fyrir óformleg samskipti sem skila oft miklu.
„Mikill tími fer í fundi sem eru til gagns þegar tilgangurinn er skýr og markviss og
unnið er úr málefnunum. Starf forstjórans er líka fólgið í að hlusta, taka yfirvegaðar
ákvarðanir og leiða aðra til góðra verka,“ segir herdís.
magnús hlynur hreiðarsson
38 tímarit hjúkrunarfræðinga • 2. tbl. 94. árg. 2018
Herdís að taka á móti forsetahjónunum við
heilsugæslustöðina í Laugarási í Bláskógabyggð
en forsetahjónin komu þangað í tilefni af 20
ára afmæli sveitarfélagsins. Ljósmynd/einka-
safn.