Tímarit hjúkrunarfræðinga - 2016, Blaðsíða 5

hjúkrunarfræðinga var helgað karlmönnum í hjúkrun og nú höfum
við opnað Facebook­síðu undir heitinu Karlmenn hjúkra í þeim
tilgangi að kynna karlmenn í stéttinni. Ég hvet ykkur til að fylgjast
með síðunni og dreifa boðskapnum.
Þrátt fyrir að sumarið sé komið og tími kominn á að setja ýmis
baráttumál til hliðar get ég ekki annað en minnst á nýtt frumvarp
til laga um sjúkratryggingar. Félagið hefur þegar skilað umsögn um
frumvarpið og má lesa nánar um þetta mál á vef félagsins. Þar kemur
fram að eitt af markmiðunum með
breytingu á greiðsluþátttöku sjúklinga
er að taka upp þjónustustýringu í
kerfinu. Heilsugæslan á að vera fyrsti
viðkomustaðurinn og teljum við
að þetta skapi ákveðna hættu fyrir
sjúklinga. Heilsugæsla höfuðborgar­
svæðisins ræður ekki við þá þjónustu
sem hún á að veita. Ástæðan er skortur
á fjármagni og skortur á starfsfólki. Þá
hefur ekki farið fram umræða eða verið
tekin ákvörðun um hver á að sinna
hverju innan heilsugæslunnar. Við
vitum að menntun og reynslu hjúkrun­
arfræðinga er hægt að nýta betur sé skjólstæðingurinn hafður að
leiðarljósi en það er alltaf okkar markmið. Með útvíkkun starfssviðs
hjúkrunarfræðinga, byggða á menntun og reynslu, væri hægt að bæta
þjónustuna, gera hana skilvirkari og ódýrari. Og þetta á ekki bara við
í heilsugæslunni heldur einnig í öðrum sérgreinum hjúkrunar, svo
sem öldrunarhjúkrun og geðhjúkrun. Í dag starfa nú þegar nokkrir
hjúkrunarfræðingar í heilbrigðiskerfinu samkvæmt útvíkkuðu starfs­
sviði á einn eða annan hátt, leynt og ljóst. Í ljósi þess hvar íslenska
heilbrigðiskerfið er statt er löngu kominn tími til að þjónustan í heild
sinni sé endurskoðuð út frá þörfum skjólstæðingsins og betri nýtingu
á vinnuframlagi hjúkrunarfræðinga, m.a. með útvíkkuðu starfssviði
þeirra.
Kæru hjúkrunarfræðingar. Ég vona að þið njótið sumarmánaðanna
með vinum og vandamönnum og komið endurnærð til starfa á ný að
loknu sumarleyfi. Gleðilegt sumar.
Formannspistill02/02
„Eins og sjá má er
af nógu að taka í
starfsemi félagsins og
hlakka ég til starfsins.
Ég vil hvetja ykkur til
að vera vakandi yfir
heimasíðu félagsins og
fylgjast jafnframt með
félaginu á Facebook.“