Tímarit hjúkrunarfræðinga - 2016, Blaðsíða 18

Félagið02/03
styrkir úr B­hluta vísindasjóðs Félags íslenskra hjúkrunarfræðinga
voru afhentir styrkþegum við hátíðlega athöfn á alþjóðadegi hjúkrun­
arfræðinga, þann 12. maí.
Stefna FÍH er að stuðla að þekkingarþróun í hjúkrun. Ein leið
til þess er að veita hjúkrunarfræðingum styrki til rannsókna og
fræðiskrifa úr vísindasjóði félagsins. Sjóðurinn styrkti að þessu
sinni 17 vísindarannsóknir hjúkrunarfræðinga að upphæð tæpum
10 milljónum króna. Styrktar voru ellefu meistararannsóknir, fjórar
vísindarannsóknir, ein doktorsrannsókn og ein bókarskrif. Eydís K.
Sveinbjarnardóttir, formaður stjórnar
vísindasjóðs FÍH, afhenti styrkina. Í
ávarpi sínu lagði hún áherslu á mikilvægi
rannsókna fyrir þekkingarþróun í hjúkrun
og mikilvægi vísindasjóðs í því sambandi.
Styrkupphæðir að þessu sinni voru
frá 300 þúsund krónum í rúmlega 1,2
milljónir.
Hæsta styrkinn hlaut Hrund Sch.
Thorsteinsson fyrir rannsókn sína
Gagnrýnin hugsun: Þýðing, forprófun
og fyrirlögn California Critical Thinking
Disposition Inventory sem hún kynnti við
afhendinguna. Fyrirhugað er að leggja
mælitækið fyrir nemendur í hjúkrunar­
fræði en með því er hægt að fylgjast
með hvernig hneigð til gagnrýninnar hugsunar þróast meðan á námi
stendur sem og að meta hvernig hneigð til gagnrýninnar hugsunar
þróast og þjálfast á fyrstu árunum í starfi. Að sögn Hrundar er
þannig hægt að fylgjast með þróun gagnrýninnar hugsunar í gegnum
námið sem og að bera saman við niðurstöður erlendra rannsókna.
Mælitækið er ekki sértækt og geta því aðrar fagstéttir nýtt sér það
þegar verkefninu er lokið, en það metur hneigð til gagnrýninnar
hugsunar á eftirfarandi sviðum: sannleiksleit, víðsýni, ályktunarhæfni,
samkvæmni, áhugi/forvitni, sjálfstraust og þroski.
Hæsta styrkinn
hlaut Hrund Sch.
Thorsteinsson
fyrir rannsókn sína
Gagnrýnin hugsun:
Þýðing, forprófun og
fyrirlögn California
Critical Thinking
Disposition Inventory
sem hún kynnti við
afhendinguna.