Tímarit hjúkrunarfræðinga - 2016, Blaðsíða 24
Fólkið05/08
Samstarf sem þetta endurspeglar vel þverfaglega teymisvinnu
meðal starfsfólks og sýnir fram á hvernig hægt er að þróa fagleg
meðferðarúrræði.
Þegar gestir höfðu fengið kynningu á hvað felst í núvitund voru
þeir reiðubúnir að anda léttar með aðstoð Elfu Drafnar Ingólfsdóttur
og Evu Steingrímsdóttur frá lungnasvið. Eftir kynningu á innöndun
arlyfjum og tegundum úðalyfja voru gerðar öndunaræfingar með
munnhörpu en þær eru mikilvægar til að bæta loftskipti í lungum sem
eykur súrefni í blóðrás og dregur úr uppsöfnun koldíoxíðs í blóði.
Starfsemi Reykjalundur fór ekki varhluta af efnahagshruninu, en í
kjölfarið voru allar deildir gerðar að dagdeildum, en eina deildin sem
er sólarhringsdeild er Miðgarður. Það er því ekki úr lausu lofti gripið
að líkja starfsemi deildarinnar við rússíbanann þar sem skjólstæðingar
koma frá öllum deildum og starfsfólk veit því aldrei hvernig álagið
verður hverju sinni þegar mætt er til vinnu. Sigurlaug Arngrímsdóttir,
hjúkrunarstjóri á Miðgarði, fór fyrir hópnum í rússíbananum.
Gullmolar úr sögu Reykjalundar
Starfsemi Reykjalundar hefur tekið nokkrum breytingum í áranna
rás, og er nú alhliða endurhæfingarmiðstöð í kjölfar þess að ekki var
lengur þörf á endurhæfingu fyrir berklasjúklinga í kringum 1960,
en fyrstu 15 árin dvöldu aðeins berklasjúklingar á Reykjalundi.
Lára M. Sigurðardóttir, María Guðmundsdóttir og Gréta Aðalsteinsdóttir.