Tímarit hjúkrunarfræðinga - 2016, Blaðsíða 25

Fólkið06/08
Um árabil hafa hjartasjúklingar og lungnasjúklingar, ásamt fleiri
sjúklingahópum, sótt endurhæfingu á Reykjalund. Um 1970 kostaði
Geðvernd hluta byggingarframkvæmda á Reykjalundi og síðan
hafa sjúklingar með geðræn vandamál átt aðgang að endurhæfingu
þar. Vegna aukins framboðs á þjálfun og markvissri skipulagningu
endurhæfingarinnar fjölgaði vistmönnum til muna og dvalartími
sjúklinga styttist. Fyrrverandi hjúkrunarstjóri hjartasviðs, María
Guðmundsdóttir, sagði Reykjalund hafa verið allt annað samfélag en
hún átti að venjast þegar hún hóf þar störf í september 1969, einn af
fyrstu starfsmönnum Reykjalundar. Á þeim tíma var mikið um berkla­
sjúklinga: „Hér þekktu allir alla og maður vissi allt um alla og það
gat stundum verið svolítið óþægilegt,“ segir María. Á þessum tíma
voru reykingar leyfðar. „Það var alls staðar reykt og manni var boðið
upp á kaffi, sígarettu og sérríglas í húsi vistmanna. Meira að segja
kveikti einn sjúklingurinn
í sænginni sinni,“ rifjaði
hún upp. María hafði frá
mörgu skemmtilegu að
segja enda að baki 30 ára
starf á Reykjalundi.
„Ef maður sér ekki
það fyndna í störfum
okkar þá lifum við ekki
af,“ var eitt það fyrsta
sem sagt var við Grétu
Aðalsteinsdóttur, fyrrver­
andi framkvæmdastjóri hjúkrunar, þegar hún hóf störf á Reykjalundi.
Að því sögðu rifjaði upp hún gráglettna sólarlandaferð sem starfsfólk
Reykjalundar fór með vistmönnum. Þetta var á þeim tíma sem
sólarlandaferðir voru að byrja og þeim þótti tilvalið að fara í eina
slíka ferð og sóttu því um styrk til ferðarinnar. Styrkurinn var veittur
og alls fóru 40 manna hópur en af þeim voru fimm starfsmenn, en
skjólstæðingar SÍBS voru einnig með í för. Það gekk á ýmsu í ferðinni.
Strax í rútunni leist henni ekkert á blikuna þegar einn vistmaðurinn
mætti í stígvélum í rútuna. Og viti menn, þegar flugvélin lenti í
Malaga var rigning og vistmaðurinn alsæll, enda betur skóaður en
aðrir í hópnum. Gréta rifjaði upp sögur úr ferðinni, m.a. þegar einn
„Ef maður sér ekki það fyndna í
störfum okkar þá lifum við ekki
af,“ var eitt það fyrsta sem sagt
var við Grétu Aðalsteinsdóttur,
fyrrverandi framkvæmdastjóri
hjúkrunar, þegar hún hóf störf á
Reykjalundi.