Tímarit hjúkrunarfræðinga - 2016, Blaðsíða 26
Fólkið07/08
vistmaðurinn missti tanngarðinn ofan af svölunum og hann lenti í
blómagarði. Einn vistmaðurinn hvarf og kom í leitirnar rúmum sól
arhring síðar, og annar bað um portkonu. Hún sagði þessa ferð hafa
verið mjög eftirminnilega, enda gekk á ýmsu. „Ég lærði svo sannar
lega að smala köttum eftir þessa ferð.“ Þrátt fyrir að á ýmsu hafi
gengið skiluðu allir sér heilir heim, og fjölmargar ferðir voru farnar
í kjölfarið. Síðasti gullmolinn í sögu hjúkrunar kom úr smiðju Láru
M. Sigurðardóttur, núverandi framkvæmdastjóra hjúkrunar. Líkt og
aðrir forverar hennar á hún að baki háan starfsaldur á Reykjalundi,
eða 33 ár. Lára sagði Reykjalund vera einstakan stað – heilan heim
út af fyrir sig. Þrátt fyrir að margir lifi í skugga veikinda hafa margir
vistmenn kynnst ástinni sinni á Reykjalundi og verið stofnað til fjölda
hjónabanda á staðnum.
Fjarmeðferð í samstarfi við Framhaldsskólann í
Mosfellsbæ
Í kjölfar orkubitanna frá Nínu Kolbrúnu Guðmundsdóttur, hjúkrun
arfræðings á gigtarsviði, kynnti Guðrún Agnes Einarsdóttir, skólastjóri
verkefnisins, fjarmeðferð. En hún er eitt af þeim meðferðarformum
hjá verkjateymi Reykjalundar og er í samstarfi við Framhaldsskólann
í Mosfellsbæ. Fjarmeðferðin hófst árið 2009 og er fyrir þá sem eru
á biðlista hjá Reykjalundi. Meðferðin hefur gefist mjög vel þar sem
einstaklingar geta verið í verkjameðferð án þess að þurfa að leggjast
inn og samhliða því að vera í vinnu eða námi að sögn Guðrúnar
Agnesar. Eins og nafnið gefur til kynna þá fer fræðslan, sem stendur
yfir þriggja mánaða skeið, fram í gegnum netið. Í hverri viku er send
ur út fræðslupakki og skila þarf inn verkefnum, t.d. hreyfidagbók,
matardagbók og fleira. Þess fyrir utan er kennt í þremur staðarlotum,
tvo daga í einu og þá kemur einstaklingurinn á Reykjalund. Í staðar
lotunum er bæði fræðileg og verkleg kennsla. Þeir einstaklingar sem
búa úti á landi geta fengið gistingu á Reykjalundi í staðarlotum. „Við
erum afar stolt af þessu samstarfsverkefni og teljum tvímælalaust að
þetta meðferðarform sé komið til að vera. Fjarmeðferðin hefur gefið
einstaklingunum aukið sjálfstraust og nokkrir hafa farið í frekara
nám í kjölfarið. Ávinningurinn er óumdeildur, svo ekki sé minnst á
fjárhagslegan ávinning, sem er umtalsverður,“ segir Guðrún Agnes.