Tímarit hjúkrunarfræðinga - 2016, Blaðsíða 55
Fólkið04/04
sambærilegum rannsóknarhópi. Rannsókn 4 var framvirk ferilrann
sókn á áhrifum viðhorfa kvenna til fæðinga á útkomu fæðinga.
Þeir þættir, sem skilgreina sjálfræði
kvenna um val á fæðingarstað, eru
upplýsing, hæfi og frelsi. Hríðaörvun
með lyfjum, mænurótardeyfing og miklar
blæðingar (≥500 ml) voru marktækt
minni í fyrirframákveðnum heimafæðing
um en sjúkrahúsfæðingum. Útkoma
fyrirfram ákveðinna heimafæðinga var
marktækt verri ef frábendingar voru til
staðar. Áhrif frábendinga voru mark
tækt neikvæðari í fyrirframákveðnum
heimafæðingum en í sjúkrahúsfæðingum.
Viðhorf kvenna til fæðinga og inngripa
hafði áhrif á sambandið milli viðhorfa
þeirra til heimafæðinga og útkomu
fæðinganna. Sú þekking, sem birtist í
þessari rannsókn, mun auðvelda upplýst
val kvenna á fæðingarstað á Íslandi.
Leiðbeinandi Berglindar í verkefninu var dr. Herdís Sveinsdóttir,
prófessor við Hjúkrunarfræðideild Háskóla Íslands. Auk hennar
sátu í doktorsnefndinni dr. Ólöf Ásta Ólafsdóttir, lektor við
Hjúkrunarfræðideild Háskóla Íslands, dr. Alexander Kr. Smárason,
prófessor við Heilbrigðisvísindastofnun Háskólans á Akureyri, og
dr. Ingegerd Hildingsson, prófessor við Háskólann í Uppsölum.
Andmælendur í vörninni voru dr. Ank de Jonge, dósent við
Vrije Universiteit Amsterdam, og dr. Helga Zoéga, dósent við
Læknadeild Háskóla Íslands. Dr. Helga Jónsdóttir, deildarforseti
Hjúkrunarfræðideildar, stjórnaði athöfninni sem fram fór í Hátíðasal
Háskóla Íslands.
Berglind hefur starfað sem ljósmóðir við meðgönguvernd og
fæðingarfræðslu á heilsugæslustöðvum Lágmúla, Hlíðasvæðis og
Efstaleitis, við fæðingarþjónustu á Landspítala og Heilbrigðisstofnun
Vesturlands og sem sjálfstætt starfandi ljósmóðir við heimaþjónustu í
sængurlegu.
Markmið rannsóknar-
innar var að skoða
sjálfræði kvenna um
val á fæðingarstað,
bera saman árangur
fyrirframákveðinna
heimafæðinga og
sjúkrahúsfæðinga
á Íslandi og meta
áhrif frábendinga og
viðhorfa kvenna á
útkomu fæðinga.