Tímarit hjúkrunarfræðinga - 2016, Blaðsíða 20

Fólkið18/19
Þeir félagar eru einhuga um að það skapi jafnvægi að hafa bæði
kynin í hjúkrunarstörfum. Því sé styrkur að fjölga karlmönnum í
hjúkrun og það vantar fyrirmyndir í stéttinni. Rudolf segir kvik-
myndina „Meet the parents“ ekki hafa hjálpað þar sem tengdafaðir
Ben Stiller þótti ótækt að tengdasonur
hans væri karlkynshjúkrunarfræðingur!
Þarna er verið að spyrða saman um-
önnun og kvenleg gildi og það leiðir til
þess að fólk veltir fyrir sér kynhneigð
hjúkrunarfræðinga. Þá er einnig talið
karlmannlegra innan hjúkrunarfræðinnar
að fara til dæmis í geðhjúkrun, gjör-
gæslu-, slysa- eða bráðahjúkrun og
svæfingar. Helgi segir ungt fólk hérlendis
ekki skera sig úr hópi jafnaldranna þegar
kemur að svarfsvali. „Við erum bara svo
fáir,“ segja þeir. Þeir félagar minnast
þess þó aldrei að hafa lent í neinum leiðindum eða fordómum vegna
náms- og starfsvals þeirra nema fyrir utan góðlátlegt grín. Helgi segist
þannig hafa verið þekktur undir nafninu „Helgi hjúkka“ meðal félaga
sinna í fótboltanum á yngri árum. „Þetta var vígi karlmennskunnar,“
segir hann og hlær og Rudolf bætir við: „Maður þarf bara að vera með
sjálfan sig á hreinu. Ef ekki þá getur maður stefnt í blindgötu sem
erfitt er að komast út úr. Ég ákvað fyrir mörgum árum að láta verkin
tala og vera metinn út frá þeim.“
Sökum þess hve fáir karlmenn hafa lagt fyrir sig hjúkrun, og
þeir félagar eru með þeim fyrstu hér á landi, ætti því ekki að koma
neinum á óvart að þeir séu brautryðjendur meðal karlmanna á sínu
fagsviði innan hjúkrunar. Helgi er þannig fyrsti karlmaðurinn sem
menntaði sig í gjörgæsluhjúkrun, en upphaflega ætlaði hann sér í
heilsugæsluhjúkrun en á þeim tíma voru fáir karlmenn á því sviði.
Hann hafði sótt um í heilsugæsluhjúkrun í Noregi en var hafnað. „Ég
tel að mér hafi verið hafnað vegna kynferðis en engum íslenskum
hjúkrunarfræðingi hafði verið hafnað til þessa.“ Helgi fór þá í gjör-
gæslunám sem er gerólíkt því sem hann hafði upphaflega ætlað sér.
„Við höfnunina kom nýtt tækifæri. Svona var tíðarandinn og ekkert
við því að gera,“ segir hann.
„Þarna er verið að
spyrða saman um-
önnun og kvenleg
gildi og það leiðir til
þess að fólk veltir
fyrir sér kynhneigð
hjúkrunarfræðinga.“