Tímarit hjúkrunarfræðinga - 2016, Blaðsíða 30

Þankastrik09/11
Ég HóF störf á fíknigeðdeild Landspítalans í september 2007, tveim-
ur árum fyrir útskrift. Valið var kannski óvenjulegt en mér fannst
þessi vettvangur höfða til mín og að þarna myndi ég læra eitthvað
sem ég myndi hvergi annars staðar læra. Mér fannst saga sjúkling-
anna áhugaverð: Hvað varð til þess að viðkomandi fór þessa braut?
Hverjar voru aðstæður hans/hennar? Hvernig var uppvöxturinn?
Hvað hafði gengið á seinna í lífi hans/hennar?
Ég velti oft fyrir mér einstaklingnum á bak við fíknina. Ég byrjaði
með þá barnslegu hugsun að allir vildu og gætu orðið allsgáðir og
lausnin væri bara að fara í meðferð og þá yrði allt gott. Ég áttaði mig
svo hins vegar á því að fíknivandi er langvinnur vandi og að þetta
væri kannski ekki svo einfalt
heldur töluvert flóknara.
Það var þá sem ég kynntist
skaðaminnkandi hugmynda-
fræði og fyrir hvað hún
stendur, en skaðaminnkandi
hugmyndafræði vísar til þess
að minnka þann skaða sem
hlýst af neyslu vímuefna.
Kannski var einstaklingurinn
ekki tilbúinn til að segja skilið
við vímugjafann og fara í
meðferð og bindindi ekki
raunverulegur kostur eða lausn. Þrátt fyrir það er hægt að hjálpa
þessum einstaklingum.
Í raun fellur hugmyndafræði skaðaminnkunar vel að gildum
hjúkrunar. Hún snýst um að ná tengslum við einstaklinginn og
að mæta honum þar sem hann er staddur og á hans forsendum.
Skaðaminnkandi hugmyndafræði veitir hjúkrunarfræðingum fjölda-
mörg ný tækifæri til að velta fyrir sér hvernig hægt er að bæta líðan
og heilsu án þess að viðkomandi þurfi endilega að vera allsgáður og
án vímuefna. Skaðaminnkandi íhlutun getur verið fræðsla um mikil-
vægi þess að samnýta ekki sprautubúnað til þess að draga úr líkum á
HIV og lifrarbólgu C smiti og jafnframt fylgjast með húðsýkingum og
andlegri líðan.
Skaðaminnkandi hugmynda-
fræði veitir hjúkrunarfræðing-
um fjöldamörg ný tækifæri til
að velta fyrir sér hvernig hægt
er að bæta líðan og heilsu
án þess að viðkomandi þurfi
endilega að vera allsgáður og
án vímuefna.