Tímarit hjúkrunarfræðinga - 2016, Blaðsíða 32
almennt. Rannsóknir sýna að konur í neyslu fá frekar kynsjúkdóma
og lenda í ótímabærri þungun en aðrar konur og þær eiga jafnframt
frekar á hættu að verða fyrir ofbeldi og nauðgun. Hræðsla við for-
dóma og stimplun, ásamt neyslunni, hamlar konum í neyslu að leita
sér heilbrigðisþjónustu vegna kynheilbrigðis. Þær eru hræddar um
að verða dæmdar af lífsstíl sínum og því hvernig þær framfleyta sér í
neyslunni.
Nú níu árum eftir að ég réð mig til starfa á fíknigeðdeild
Landspítalans ákvað ég að söðla um og ganga til liðs við samfélags-
geðteymi Landspítalans. Í samfélagsgeðteyminu vonast ég til að
geta veitt einstaklingum með tvígreiningar, það er geðrofssjúkdóm
og fíknivanda, heilbrigðisþjónustu úti í samfélaginu, á vettvangi,
með það að leiðarljósi að auka heilbrigði þeirra og þar á meðal
lífsgæði. Með þessum vangaveltum mínum langar mig að vekja
athygli á að hjúkrun fólks með fíknivanda er gefandi og felur í
sér fjöldamörg tækifæri. Með skaðaminnkun er svo hægt að fagna
áfangasigrunum þó svo að ekki sé hafi tekist að snúa endanlega baki
við vímugjafanum.
Mig langar að lokum að skora á Helenu Bragadóttur að skrifa
næsta Þankastrik.
Þankastrik er fastur dálkur í blaðinu og höfundur
hvers pistils stingur upp á þeim næsta. Í þankastriki
gefst hjúkrunarfræðingum færi á að tjá sig um
ýmislegt sem varðar hjúkrun og er þeim hjartfólgið.
Pistlarnir geta fjallað um ákveðin málefni, sögur af
kynnum við sjúklinga eða starfsfólk, eitthvað sem
hefur orðið höfundum til hugljómunar eða hvaðeina
annað sem tengist starfinu og hugmyndafræði þess.
Þankastrik11/11