Tímarit hjúkrunarfræðinga - 2016, Blaðsíða 58
FÉlagið03/03
Á næsta ári verður opnaður nýr vefur Félags íslenskra hjúkrunar-
fræðinga og útgáfa Tímarits hjúkrunarfræðinga verður með breyttu
sniði. Vefurinn verður einfaldari og notendavænni og aðgengi að efni
stórbætt. Tímariti hjúkrunarfræðinga verður breytt í veftímarit en að
auki verður tímaritið prentað tvisvar á ári. Breytingarnar eru unnar
með hliðsjón af niðurstöðum notendakönnunar og þarfagreiningar
sem framkvæmd var í haust.
Almenn ánægja ríkir með núverandi vef og Mínar síður en hluti
þátttakenda var þeirrar skoðunar að tími væri kominn á breytingar og
að vefurinn fengi andlitslyftingu. Í grunninn er kallað eftir einfaldari,
fallegri og skemmtilegri vef sem leiðir notandann betur áfram.
Aðgengi að mikilvægum upplýsingum verður bætt og leiðir að efni
styttar. Öflug ritstýrð leit mun bæta aðgengi að öðru efni sem liggur
dýpra. Áherslur á forsíðu breytast, þáttur frétta og tilkynninga verður
fyrirferðarminni, en vægi kjaramála, faglegs efnis, efni tímarits og
orlofsmála verður aukið.
Þó nokkur óánægja kom fram vegna orlofsvefs, hann þykir óað-
gengilegur og erfiður viðeignar. Auk þess voru margir ósáttir við að
þurfa að skrá sig inn til þess eins að sjá hvað sé laust hverju sinni. Því
kalli hefur verið svarað strax því opnað hefur verið inn á vef orlofs-
sjóðs og þarf einungis að skrá sig inn þegar pöntun er send. Grisjun
efnis á orlofsvef er eitt af fyrirhuguðum verkefnum næsta árs, og sam-
kvæmt upplýsingum þjónustuaðila er nýtt útlit vefsins á teikniborðinu.
Töluverð óánægja var auk þess með breytingu á útgáfu tímaritsins
í smáforriti (appi) en frá miðju ári 2015 var tímaritið eingöngu gefið
út rafrænt. Kallað var eftir prentaðri útgáfu og til að verða við þeim
óskum verður tímaritið gefið út á prenti tvisvar á ári, ásamt árlegu
aukablaði, og haldið verður úti veftímariti á www.hjukrun.is. Þá verð-
ur tímaritið einnig í flettiútgáfu á vefnum ásamt því að hægt verður að
lesa einstakar greinar á vef.
Könnunin, sem fór fram 4.-12. október, náði til tæplega 600 manns.
Meirihluti þátttakenda voru kvenkynshjúkrunarfræðingar á miðjum
aldri, en þátttaka var góð í öllum aldurshópum. Fjöldi hugmynda barst
og verða þær hafðar til hliðsjónar við komandi breytingar. Kunnum
við hjá Félagi íslenskra hjúkrunarfræðinga þátttakendum bestu þakkir
fyrir þeirra innlegg.